راولپنڈی میں ذاتی رنجش پر ٹیکسی ڈرائیور قتل
اشاعت کی تاریخ: 17th, June 2025 GMT
راولپنڈی:
تھانہ کلر سیداں کے علاقے میں ذاتی رنجش پر ٹیکسی ڈرائیور کو قتل کردیا گیا۔ پولیس نے واقعے کا مقدمہ درج کرکے ملزمان کی تلاش شروع کردی۔
دوبیرں کلاں میں ٹیکسی ڈرائیور مظہر حسین کو قتل کرنے والے چار ملزمان کیخلاف مقتول کی بہن صغیرہ بی بی کی مدعیت میں مقدمہ درج کیا گیا، مقتول کی ہمشیرہ نے بتایا کہ بھائی مظہر حسین غیر شادی شدہ اور ٹیکسی ڈرائیور تھا، طیب نے اطلاع دی کہ مظہر کا الیاس وغیرہ سے لڑائی جھگڑا ہوگیا ہے اور مظہر زخمی ہے، موقع پر پہنچی تو مظہر زخمی حالت میں پڑا تھا۔
عینی شاہد محمد طیب وغیرہ نے بتایا کہ بازار میں موجود تھے کہ ’عدنان اسنوکر والی گلی‘ میں چھریوں سے لیس الیاس، عدنان، توقیر اور خان نجیب اللہ نے مظہر حسین کے ساتھ جھگڑا شروع کردیا۔ محمد الیاس اور عدنان نے مظہر حسین پر چاقو سے متعدد وار کیے جس سے وہ شدید زخمی ہوگیا، شور کرنے پر ملزمان فرار ہوگئے۔
مقتول کی بہن کے مطابق بھائی نے زخمی حالت میں الیاس، عدنان وغیرہ کا نام لیتے ہوئے کہا کہ انہوں نے چھریوں سے زخمی کیا ہے، مظہر حسین کو اسپتال منتقل کررہے تھے کہ وہ راستے میں ہی جاں بحق ہوگیا۔ مقتول کی بہن نے بتایا کہ وجہ عناد الیاس اور مظہر حسین کے مابین چند روز قبل ہونیوالی تلخ کلامی تھی، اسی رنج میں الیاس نے ساتھیوں کے ساتھ ملکر میرے بھائی کو قتل کیا۔
.
ذریعہ
ذریعہ: Express News
کلیدی لفظ: ٹیکسی ڈرائیور مقتول کی
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا