’کلینک آن وہیلز کا کمال فیڈ بیک آیا ہے‘، مریم نواز نے منصوبے کے فیزٹو کا افتتاح کر دیا
اشاعت کی تاریخ: 19th, June 2025 GMT
---فائل فوٹو
وزیرِ اعلیٰ پنجاب مریم نواز نے کہا ہے کہ ’کلینک آن وہیلز‘ کا اتنا کمال فیڈ بیک آیا ہے، ان کے ذریعے ایک کروڑ سے زائد لوگوں کا علاج کیا جا چکا ہے۔
وزیرِ اعلیٰ پنجاب مریم نواز فورٹریس اسٹیڈیم لاہور پہنچیں جہاں انہوں نے ’کلینک آن وہیل‘ کی نئی وین میں مختصر سفر کر کے منصوبے کے ’فیز ٹو‘ کا افتتاح کیا۔
مریم نواز نے سی ای اوز کو متعلقہ اضلاع کے لیے کلینک آن وہیلز کی چابیاں دیں، کلینک آن وہیل کے ڈاکٹروں اور عملے کی خدمات کو سراہا اور انہیں مزید تندہی اور لگن کے ساتھ خدمت کرنے کی ہدایت کی۔
اپنے خطاب میں مریم نواز نے کہا کہ عوام نے بلڈ پریشر چیک کرانا ہے یا اسکریننگ کرانی ہے، اب اسپتال جانے کی ضرورت نہیں، اسپتال خود چل کر آپ کے پاس آئے گا۔
اس موقع پر ان کا کہنا تھا کہ دل کے امراض کی ادویات اور انسولین لوگوں کے گھروں پر پہنچائی جا رہی ہیں، اینٹی بائیوٹک سمیت تمام ضروری ادویات مہیا کی جاتی ہیں، 911 کلینک آن وہیلز چلتے پھرتے اسپتال ہیں جنہوں نے گزشتہ عرصے میں ایک کروڑ سے زائدلوگوں کا علاج کیا ہے۔
مریم نواز نے کہا ہے کہ فیلڈ اسپتال بھی دیہات میں جا کر کئی ملین لوگوں کا علاج کر چکے ہیں۔
وزیراعلیٰ پنجاب نے یہ بھی کہا کہ بون میرو ٹرانسپلانٹ اور آرتھوپیڈکس کا اسپتال بن رہا ہے۔
ان کا کہنا تھا کہ سیالکوٹ کے ضمنی الیکشن کا نتیجہ آپ نے دیکھا، عوام نے اپنا فیصلہ سنا دیا ہے۔
.ذریعہ: Jang News
کلیدی لفظ: مریم نواز نے
پڑھیں:
نئے پراپرٹی آرڈیننس کی منظوری سے مریم نواز نے قبضہ مافیا کا مستقل راستہ روک دیا ہے: عظمیٰ بخاری
---فائل فوٹووزیرِ اطلاعات پنجاب عظمیٰ بخاری نے کہا ہے کہ پنجاب میں اب کسی غریب اور کمزور کی زمین پر قبضہ نہیں ہوگا، نئے پراپرٹی آرڈیننس کی منظوری سے مریم نواز نے قبضہ مافیا کا مستقل راستہ روک دیا۔
عظمیٰ بخاری کا کہنا تھا کہ پہلے چالیس، چالیس سال زمینوں پر قبضے کے کیسز عدالتوں میں چلتے تھے لیکن فیصلے نہیں آتے تھے، اب قبضے کے ہر کیس کا فیصلہ 90 روز میں ہوگا، مریم نواز پنجاب کے سسٹم کو حقیقت میں’ریاست ہوگی ماں‘ جیسا ماڈل بنا رہی ہیں۔
عظمیٰ بخاری کا کہنا ہے کہ پنجاب میں کسی کو غیر قانونی سرگرمیوں، اسلحے کی نمائش، شہریوں میں خوف پھیلانے کی اجازت نہیں ہوگی، پنجاب کے عوام اور ان کے حقوق کا تحفظ مریم نواز کی پہلی ترجیح ہے۔
انہوں نے مزید کہا کہ پنجاب میں ترقی اور گورننس کا جو ٹرینڈ مریم نواز نے متعارف کرایا وہ باقی صوبوں کے لیے رول ماڈل بن چکا، مریم نواز پنجاب کے عوام کا معیار زندگی بہتر بنانے کے لیے روز نئے پروجیکٹ شروع کر رہی ہیں۔
عظمیٰ بخاری نے یہ بھی کہا کہ وسائل اور فنڈز کا درست استعمال، میرٹ اور شفافیت پنجاب کے منصوبوں کی پہچان بن چکے ہیں۔
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا