گرمیوں کا مقبول پھل آم صحت کے لیے کتنا فائدہ مند؟
اشاعت کی تاریخ: 19th, June 2025 GMT
data-id="863a0a8" data-element_type="widget" data-widget_type="theme-post-content.default">
موسمِ گرما کے آتے ہی بازاروں میں آموں کی بہار آ جاتی ہے اور یہ پھل نہ صرف ذائقے کے لحاظ سے لاجواب ہے بلکہ صحت کے لیے بھی بے شمار فوائد رکھتا ہے۔ آم کو پھلوں کا بادشاہ کہا جاتا ہے اور اس کی غذائیت کے باعث یہ لقب بالکل درست لگتا ہے۔
آم غذائی اجزا سے بھرپور ہوتا ہے جن میں پروٹین، فائبر، وٹامن سی، وٹامن اے، وٹامن بی 6، پوٹاشیم، میگنیشیم اور فولاد جذب کرنے میں مددگار عناصر شامل ہیں۔ وٹامن سی مدافعتی نظام کو مضبوط بناتا ہے اور جسمانی خلیات کی مرمت میں مدد دیتا ہے۔ وٹامن اے بینائی کو بہتر بناتا ہے جبکہ دیگر اجزا دل، ہڈیوں اور نظامِ انہضام کے لیے مفید ہیں۔
آم میں کیلوریز کی مقدار نسبتاً کم ہوتی ہے اور 165 گرام آم میں صرف 99 کیلوریز پائی جاتی ہیں، جس کے باعث یہ اعتدال میں رہ کر کھانے پر جسمانی وزن کو بڑھانے کا سبب نہیں بنتا بلکہ بھرپور غذائیت دیتا ہے۔ حیرت انگیز طور پر، تحقیق سے یہ بھی پتا چلا ہے کہ روزانہ تھوڑی مقدار میں آم کھانے سے بلڈ شوگر کی سطح کم ہو سکتی ہے، بشرطیکہ مریض اعتدال سے کام لے اور معالج سے مشورہ کرے۔
آم میں موجود پولی فینولز نامی مرکبات اینٹی آکسیڈنٹس کی طرح کام کرتے ہیں، جو جسم میں موجود نقصان دہ فری ریڈیکلز کو ختم کرنے میں مدد دیتے ہیں۔ یہی عناصر کینسر کی مخصوص اقسام سے بھی تحفظ فراہم کرنے میں مؤثر سمجھے جاتے ہیں۔
یہ پھل نظامِ ہضم کو بہتر بنانے میں بھی اہم کردار ادا کرتا ہے۔ اس میں پانی اور فائبر کی مقدار زیادہ ہوتی ہے جس سے قبض اور بدہضمی جیسے مسائل میں کمی آتی ہے۔ آم میں موجود amylase کاربوہائیڈریٹس کو شکر میں تبدیل کر کے جسم کو فوری توانائی فراہم کرتے ہیں۔
دل کی صحت کے لیے بھی یہ پھل فائدہ مند ہے کیونکہ اس میں موجود میگنیشم اور پوٹاشیم خون کی روانی کو بہتر بناتے ہیں، شریانوں کو کھولتے ہیں اور بلڈ پریشر کو متوازن رکھتے ہیں۔ آنکھوں کی صحت کے لیے آم میں موجود وٹامن اے اور اینٹی آکسیڈنٹس روشنی کے منفی اثرات سے بچاتے ہیں اور بینائی کو محفوظ رکھتے ہیں۔
اگرچہ آم ذائقے میں میٹھا ہوتا ہے، تاہم اگر اعتدال کے ساتھ کھایا جائے تو یہ ذیابیطس سمیت دیگر امراض میں بھی مددگار ثابت ہوسکتا ہے۔ ضروری ہے کہ آم ہمیشہ پانی میں بھگو کر کھایا جائے تاکہ اس میں موجود قدرتی گرمی ختم ہو جائے اور ہاضمہ بہتر رہے۔
یقیناً آم نہ صرف لطف کا باعث بنتا ہے بلکہ ایک مکمل صحت بخش پھل بھی ہے، بشرطیکہ اسے مناسب مقدار میں استعمال کیا جائے۔ تاہم کسی بھی قسم کی طبی پریشانی کی صورت میں ڈاکٹر سے مشورہ ضرور کرنا چاہیے۔
.ذریعہ: Jasarat News
کلیدی لفظ: صحت کے لیے ہے اور
پڑھیں:
ڈارک چاکلیٹ یادداشت بہتر بنانے اور ذہنی دباؤ کم کرنے میں معاون: تحقیق
data-id="863a0a8" data-element_type="widget" data-widget_type="theme-post-content.default">
ٹوکیو: روزمرہ کی مصروف زندگی میں ذہنی دباؤ، تھکن اور یادداشت کی کمزوری عام ہوتی جا رہی ہے، مگر جاپانی ماہرین کے مطابق ان مسائل کا سادہ اور لذیذ حل ڈارک چاکلیٹ کی صورت میں موجود ہے۔
شیباورا انسٹی ٹیوٹ آف ٹیکنالوجی، جاپان کی تازہ تحقیق میں بتایا گیا ہے کہ ڈارک چاکلیٹ اور کوکو میں پائے جانے والے ’فلیوانولز‘ دماغی صحت بہتر بنانے، یادداشت مضبوط کرنے اور ذہنی دباؤ کم کرنے میں مؤثر کردار ادا کرتے ہیں۔ یہ مرکبات دماغ اور اعصابی نظام کو متحرک کرتے ہیں اور جسم میں ایسے ردعمل پیدا کرتے ہیں جو معمولی ورزش کے اثرات سے مشابہ ہوتے ہیں، جس سے توجہ، ہوشیاری اور یادداشت میں نمایاں بہتری آتی ہے۔
تحقیق، جو سائنسی جریدے “کرنٹ ریسرچ اِن فوڈ سائنس” میں شائع ہوئی، کے مرکزی محقق ڈاکٹر یاسوکی فوجی کے مطابق، فلیوانولز جسمانی ورزش کی طرح مجموعی صحت اور معیارِ زندگی پر مثبت اثر ڈالتے ہیں۔
انہوں نے بتایا کہ ان کا ذائقہ — جو ہلکا سا خشک یا کڑوا ہوتا ہے — دماغ کو براہِ راست متحرک کرتا ہے اور ذائقے کے ذریعے ہی مثبت دماغی ردعمل پیدا کرتا ہے، جو ذہنی توجہ اور یادداشت میں اضافہ کرتا ہے۔
تحقیق کے مطابق، فلیوانولز سب سے زیادہ ڈارک چاکلیٹ میں پائے جاتے ہیں۔ ماہرین کے مطابق 30 گرام کے ایک چھوٹے ٹکڑے میں 200 سے 500 ملی گرام فلیوانولز موجود ہو سکتے ہیں، جو دل کی صحت کے لیے بھی مفید ہیں اور سوزش کو کم کرتے ہیں۔
تجربات کے دوران محققین نے چوہوں پر 10 ہفتوں تک مختلف مقدار میں فلیوانولز آزما کر مشاہدہ کیا کہ ان میں سیکھنے، یاد رکھنے اور دماغی ردعمل کی صلاحیت میں نمایاں اضافہ ہوا۔ ساتھ ہی دماغ میں ایسے قدرتی کیمیائی مادوں کی مقدار بڑھی جو انسان میں توجہ، توانائی اور ذہنی بیداری پیدا کرتے ہیں۔
ماہرین کے مطابق یہ نتائج اس بات کا ثبوت ہیں کہ اگر ڈارک چاکلیٹ اعتدال کے ساتھ استعمال کی جائے تو یہ نہ صرف لذت فراہم کرتی ہے بلکہ ذہنی سکون، یادداشت اور مجموعی دماغی صحت کے لیے بھی فائدہ مند ثابت ہو سکتی ہے۔
یونیورسٹی روڈ کی خستہ حالت کے باعث پیدا ہونے والی گرد و غبار سے شہریوں کو روزانہ مشکلات کا سامنا کرنا پڑ رہا ہے