آڈیولیک کیس، علی امین گنڈاپور کیخلاف فرد جرم عائد کرنےکی تاریخ مقرر
اشاعت کی تاریخ: 19th, June 2025 GMT
اسلام آباد کے ایڈیشنل ڈسٹرکٹ اینڈ سیشن جج نصر من اللہ بلوچ نے وزیر اعلیٰ کے پی علی امین گنڈاپور کے خلاف تھانہ گولڑہ میں درج آڈیو لیک کیس کی سماعت کی۔ اسلام ٹائمز۔ اسلام آباد کی سیشن کورٹ نے وزیراعلیٰ خیبر پختونخوا علی امین گنڈاپور کے خلاف آڈیو لیک کیس میں ان کے ناقابل ضمانت وارنٹ گرفتاری منسوخ کرتے ہوئے ان پر فرد جرم عائد کرنے کے لیے 2 جولائی کی تاریخ مقرر کردی ہے جب کہ عدالت کے سامنے سرینڈر کرنے پر شراب و اسلحہ برآمدگی کیس میں بھی مسلسل عدم حاضری پر جاری وارنٹ گرفتاری منسوخ کردیےگئے۔ اسلام آباد کے ایڈیشنل ڈسٹرکٹ اینڈ سیشن جج نصر من اللہ بلوچ نے وزیر اعلیٰ کے پی علی امین گنڈاپور کے خلاف تھانہ گولڑہ میں درج آڈیو لیک کیس کی سماعت کی۔
وکیل راجا ظہور الحسن نے عدالت کو بتایا کہ علی امین گنڈا پور کی پشاور ہائی کورٹ سے حفاظتی ضمانت منظور ہوچکی ہے۔ عدالت نے علی امین گنڈاپور پر فرد جرم عائد کرنے کے لیے 2 جولائی کی تاریخ مقررکرتے ہوئے ان کے ناقابل ضمانت وارنٹ گرفتاری منسوخ کردیے۔ عدالت نے کہا کہ فرد جرم کی کارروائی کے لیے آپ کی حاضری ضروری ہے جس کے بعد سماعت 2 جولائی تک ملتوی کردی گئی۔ جوڈیشل مجسٹریٹ اسلام آباد مبشر حسن چشتی نے وزیر اعلیٰ خیبر پختونخوا کے خلاف تھانہ بارہ کہو میں درج شراب و اسلحہ برآمدگی کیس کی سماعت کی۔
ذریعہ
ذریعہ: Islam Times
کلیدی لفظ: علی امین گنڈاپور اسلام آباد کے خلاف
پڑھیں:
وزیر اعلیٰ سہیل آفریدی نے بجٹ پاس کرنےکی بات کی تو علیمہ خان نے ٹوک دیا
علیمہ خان : فائل فوٹوبانی پاکستان تحریک انصاف (پی ٹی آئی) کی بہن علیمہ خان نے خیبر پختونخوا کا بجٹ پاس کرنے کی بات پر سہیل آفریدی کو تنبیہ کردی۔
راولپنڈی میں میڈیا سے گفتگو کے دوران وزیر اعلیٰ سہیل آفریدی نے بجٹ پاس کرنے کی بات کی تو علیمہ خان نے ٹوک دیا، بانی پی ٹی آئی کی بہن نے کہا کہ آپ بجٹ پاس کیوں کر رہے ہیں؟ ان سے کہیں پہلے میری ملاقات کروائیں۔
وزیر اعلیٰ خیبر پختونخوا سہیل آفریدی گورکھ پور ناکے پر پہنچ گئے، سہیل آفریدی سرکاری پروٹوکول میں گورکھ پور ناکے پر پہنچے۔
علیمہ خان نے کہا کہ بانی پی ٹی آئی نے پچھلے سال بھی کہا تھا میرے ساتھ بجٹ ڈسکس کرو، آپ آج بھی ان سے کہیں بجٹ سے پہلے بانی پی ٹی آئی سے ملاقات کروائیں۔
انہوں نے کہا کہ بانی پی ٹی آئی کو تنہا کیا گیا جو غیر قانونی اور غیر آئینی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ