جرمن عوام نے اسرائیل کو امن کا خطرہ قرار دے دیا
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
برلن: غزہ پر اسرائیل کے حالیہ وحشیانہ حملوں کے بعد جرمنی میں عوامی رائے میں غیرمعمولی تبدیلی رونما ہوئی ہے اور اب اکثریتی جرمنی شہری اسرائیل کے بارے میں منفی رائے رکھتے ہیں۔
بین الاقوامی میڈیا رپورٹس کےمطابق معروف جرمن ادارے آلنس باخ ریسرچ انسٹیٹیوٹ کی جانب سے فرینکفرٹر الگمائنے سائٹونگ اخبار کے لیے کیے گئے تازہ سروے میں انکشاف ہوا ہے کہ 57 فیصد جرمن عوام اسرائیل کے بارے میں منفی رائے رکھتے ہیں جبکہ صرف دو سال قبل یہ شرح صرف 23 فیصد تھی۔
سروے کے نتائج کے مطابق جرمن عوام میں اسرائیل کی عسکری کارروائیوں پر شدید تحفظات پائے جاتے ہیں، 65 فیصد شہریوں نے اسرائیلی حملوں کو “نامناسب” قرار دیا جبکہ صرف 13 فیصد نے اس کی حمایت کی، اس سے واضح ہوتا ہے کہ جرمن قوم اب اسرائیلی اقدامات کو نہ صرف غیرمنصفانہ بلکہ خطرناک سمجھنے لگی ہے۔
سروے میں 73 فیصد افراد نے اس بیان سے اتفاق کیا کہ اسرائیل غزہ میں جو کچھ کر رہا ہے وہ “نسل کشی” کے زمرے میں آتا ہے جبکہ صرف 9 فیصد نے اس اصطلاح کو رد کیا، یہ ایک چونکا دینے والا رجحان ہے جو نہ صرف اسرائیلی حکومت کے لیے خطرے کی گھنٹی ہے بلکہ مغربی دنیا میں رائے عامہ کی بڑی تبدیلی کا عندیہ بھی ہے۔
سروے میں سب سے تشویشناک بات یہ سامنے آئی کہ 37 فیصد جرمن عوام اب اسرائیل کو عالمی امن کے لیے ایک “بڑا خطرہ” تصور کرتے ہیں جبکہ جنوری 2021 میں یہ شرح صرف 11 فیصد تھی یہ اعداد و شمار اس بات کا ثبوت ہیں کہ اسرائیلی جارحیت نے نہ صرف فلسطین میں تباہی مچائی ہے بلکہ یورپ میں اسرائیل کے حامی رائے عامہ کو بھی تیزی سے مخالف بنا دیا ہے۔
واضح رہے کہ یہ رپورٹ ایک واضح اشارہ ہے کہ اب جرمن قوم اسرائیلی پالیسیوں کو آنکھ بند کر کے قبول کرنے کو تیار نہیں بلکہ وہ اسے ایک جابر ریاست کے طور پر دیکھنے لگی ہے جس کی کارروائیاں عالمی ضمیر کو جھنجھوڑ رہی ہیں۔
.ذریعہ: Jasarat News
کلیدی لفظ: اسرائیل کے جرمن عوام
پڑھیں:
غزہ سے موصول لاشیں قیدیوں کی نہیں ہیں، اسرائیل کا دعویٰ اور غزہ پر تازہ حملے
یروشلم: اسرائیل نے دعویٰ کیا ہے کہ جمعہ کی شب غزہ سے واپس کیے گئے تین اجسام ان اسرائیلی قیدیوں میں شامل نہیں تھے جو جنگ کے دوران مارے گئے تھے، جبکہ حماس کا کہنا ہے کہ اسرائیل نے نمونے کے تجزیے کے لیے پیشکش مسترد کر دی تھی۔
برطانوی خبر رساں ادارے اے ایف پی کے مطابق، اسرائیلی فوج نے بتایا کہ ریڈ کراس کے ذریعے موصول ہونے والی لاشوں کے فرانزک معائنے سے واضح ہوا کہ یہ قیدیوں کی باقیات نہیں ہیں۔
دوسری جانب حماس کے عسکری ونگ عزالدین القسام بریگیڈز نے وضاحت کی کہ انہیں موصول شدہ لاشوں کی مکمل شناخت نہیں ہو سکی تھی، لیکن اسرائیل کے دباؤ پر انہیں حوالے کیا گیا تاکہ کوئی نیا الزام نہ لگے۔
القسام بریگیڈز نے کہا کہ، ’’ہم نے اجسام اس لیے واپس کیے تاکہ دشمن کی طرف سے کسی جھوٹے دعوے کا موقع نہ ملے‘‘۔
یاد رہے کہ 10 اکتوبر سے جاری امریکی ثالثی میں ہونے والی جنگ بندی کے بعد سے فریقین کے درمیان قیدیوں کی واپسی کا عمل جاری ہے۔ اب تک 20 زندہ قیدی اور 17 لاشیں واپس کی جا چکی ہیں، جن میں 15 اسرائیلی، ایک تھائی اور ایک نیپالی شہری شامل تھے۔
تاہم اسرائیل کا الزام ہے کہ حماس لاشوں کی واپسی میں تاخیر کر رہی ہے، جبکہ حماس کا مؤقف ہے کہ غزہ کی تباہ شدہ عمارتوں کے ملبے میں لاشوں کی تلاش ایک طویل اور پیچیدہ عمل ہے۔
اسی دوران حماس کے سیکیورٹی ذرائع کے مطابق، ہفتے کی صبح اسرائیل نے جنوبی غزہ میں کئی فضائی حملے کیے اور خان یونس کے ساحل کی سمت سے بحری گولہ باری بھی کی۔
غزہ کے شہری دفاعی ادارے کے مطابق، ہفتے کے آغاز میں اسرائیلی فوج کے ایک اہلکار کی ہلاکت کے بعد، اسرائیل نے جنگ بندی کے باوجود اب تک کا سب سے مہلک فضائی حملہ کیا، جس میں 100 سے زائد فلسطینی جاں بحق ہوئے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف