جماعت اسلامی کا 21 جون کو سندھ اسمبلی کے باہر احتجاج کا اعلان
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان کاکہنا ہے کہ پیپلز پارٹی کی صوبائی حکومت اور سندھ کوآپریٹو ڈیپارٹمنٹ کی سرپرستی میں شہر کی متعدد کوآپریٹو ہاؤسنگ سوسائٹیز پر منظم طریقے سے قبضے کیے جا رہے ہیں، جعلی انتخابات، من پسند ایڈمنسٹریٹرز کی تعیناتی اور دستاویزی جعلسازی کے ذریعے ہزاروں افراد کی زندگی بھر کی جمع پونجی داؤ پر لگا دی گئی ہے۔
مشرق شاپنگ سینٹر کے باہر پریس کانفرنس کرتے ہوئےمنعم ظفر خان نے کہا کہ کراچی کی زمینوں پر قبضے، جعلی فائلوں کا کاروبار اور غیرقانونی انتظامی مداخلت ناقابل برداشت ہے، کوآپریٹو ڈیپارٹمنٹ کا کام مسائل کا حل تھا، مگر رجسٹرار آفس خود سوسائٹیز کے مسائل اور بدعنوانی کا مرکز بن چکا ہے پیپلز پارٹی کی حکومت قبضہ مافیا کی سرپرست بن چکی ہے اور نیب سمیت مقتدر ادارے خاموش، تماشائی بنے ہوئے ہیں جو ایک بہت بڑا سوالیہ نشان ہے۔
امیر جماعت اسلامی کراچی نے مطالبہ کیا کہ سوسائٹیز سے ناجائز قبضے ختم کر کے اصل مالکان کو ان کی زمینوں کا قبضہ دیا جائے، جماعت اسلامی متاثرین کے ساتھ کھڑی ہے اور قبضہ مافیا کے خلاف جدوجہد جاری رکھی جائے گی، مختلف سوسائٹیز کے صدور اور جنرل سیکریٹریز پر مشتمل کمیٹیاں تشکیل دے دی گئی ہیں جو آئندہ کے لائحہ عمل کے لیے اجلاس کریں گی۔
پریس کانفرنس کے دوران متاثرہ سوسائٹیز میں پی آئی ڈی سی، کوکن مسلم، کاغان، غوثیہ، مشرقی، بجنور، واپڈا کے آئی پی، گلشن محمود الحق، صدف، انچولی، عظیم آباد، سہارنپور و دیگر شامل تھیں۔ الاٹیز نے الزام عائد کیا کہ ان کی سوسائٹیز میں جعلی انتخابات، غیر قانونی فائلیں اور من پسند ایڈمنسٹریٹرز کے ذریعے زمینوں پر قبضے کیے گئے ہیں، بعض مقدمات عدالت میں زیر سماعت ہیں مگر فیصلے التوا کا شکار ہیں۔
منعم ظفر خان نے کہا کہ آرمی چیف نے کراچی میں مافیا کے خاتمے کا اعلان کیا تھا مگر اب وہی سسٹم اسلام آباد میں بیٹھا ہوا ہے، عدالتی احکامات کے باوجود پی آئی ڈی سی اور دیگر سوسائٹیز کے متاثرین کو ان کا حق نہیں دیا جا رہا، جبکہ لوٹ مار کا بازار بدستور گرم ہے۔
انہوں نے وفاقی و صوبائی بجٹ پر بھی تنقیدکرتے ہوئے کہا کہ کراچی کو ایک بار پھر ترقیاتی منصوبوں سے محروم کر دیا گیا، کے فور سمیت دیگر اہم منصوبوں کے لیے مطلوبہ فنڈز نہیں رکھے گئے، اور شہر کے لیے کوئی نیا میگا پراجیکٹ شروع نہیں کیا گیا۔ اس زیادتی کے خلاف جماعت اسلامی ہفتہ 21 جون کو شام 5 بجے سندھ اسمبلی کے باہر بھرپور احتجاج کرے گی۔
.ذریعہ: Jasarat News
کلیدی لفظ: جماعت اسلامی
پڑھیں:
ایران میں جاری اسرائیلی دہشت گردی ،ملی یکجہتی کونسل سندھ کا جمعہ کو’’یوم احتجاج‘‘منانے کا اعلان
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر )ملی یکجہتی کونسل سندھ کے صدر اسد اللہ بھٹو نے ادارہ نورحق میں پریس کانفرنس سے خطاب کرتے ہوئے اعلان کیا ہے کہ ایران میں جاری اسرائیلی جارحیت و دہشت گردی کے خلاف جمعہ 20جون کو’’یوم احتجاج‘‘ منایا جائے گا۔ اسرائیل کا ایران کے روحانی پیشوا آیت اللہ خامنہ ای کو نشانہ بنانے کا بیان عالمی امن کو خطرے میں ڈالنا ہے۔ایران پر اسرئیلی جارحیت قابل مذمت،عالمی قوانین کی خلاف ورزی اور کھلی دہشت گردی ہے، ا و آئی سی کا اجلاس بلاکر نہ صرف حملوں کی مذمت بلکہ پورے عالم اسلام کو ایران کی پشت پرکھڑا ہونا چاہیے، حملوں میں آرمی چیف سمیت اہم کمانڈرزاورسائنسدانوں کی شہادت افسوسناک ہے، اسلامی جمہوری ایران کو اپنے دفاع کا مکمل حق حاصل ہے، دہشت گرداسرائیل کو لگام نہ دی گئی تو اگلی باری کسی اور مسلم ملک کی ہوسکتی ہے، امریکی صدرٹرمپ چاہے کتنی ہی وضاحتیں پیش کرے مگرحالیہ حملوں میں امریکا وبھارت کے خفیہ ہاتھ کو ہرگزنظرانداز نہیں کیا جاسکتا ہے، امریکا، بھارت اوراسرائیل کا شیطانی تکون امت مسلمہ کے خلاف سازشوں میں مصروف ہے۔ صہیونیت بے لگام ہوگئی ہے، اسرائیل کا وجود عالمی امن کے لیے اب مستقل خطرہ بن چکا ہے،امت مسلمہ کو اب خواب غفلت سے بیدارہو نا ہو گا،محض بیانات سے نہیں بلکہ عملی طور پرمظلومین کی مددکرنی چاہیے ایسا نہ ہو کہ پھر بہت دیر ہوجائے۔ غزہ میں نسل کشی جاری ہے، امریکا اور اسرائیل غزہ کے لوگوں کو بھوک کے ذریعے قتل کر رہے ہیں۔ غزہ میں جاری جارحیت پر عالمی برادری کی خاموشی اور مسلم حکمرانوں کی بے حسی کی تشویش ناک و قابل مذمت ہے۔ مسلم ممالک کے حکمران غاصب صیہونی ریاست اسرائیل کے ساتھ تعلقات ختم کریں، پریس کانفرنس سے خطاب کرتے ہوئے جنرل سیکرٹری ملی یکجہتی کونسل سندھ قاضی احمد نورانی نے کہاکہ پاکستان کے عوام ایران کے ساتھ کھڑے ہیں، حکومت پاکستان مسئلہ فلسطین سمیت ایران کے معاملے پر بھرپور حمایت کرے، عملی اقدامات بروئے کار لا ئے جائیں۔قبل ازیں ملی یکجہتی کونسل سندھ کے صدر اسد اللہ بھٹو کی زیر صدارت ادارہ نورحق میں اجلاس منعقد کیا گیا،اجلاس میں ایران میں جاری اسرائیلی جارحیت و دہشت گردی کی شدید مذمت کی گئی اور مطالبہ کیا گیا کہ مسلم ممالک فوری طور پر او آئی سی کا اجلاس طلب کرے اور ایران پر دہشت گردی کو روکنے کے لیے عملی اقدامات کیے جائیں۔ اجلاس میں علامہ ناظر عباس تقوی، محمد حسین محنتی، سید اسداقبال زیدی، ڈاکٹر صابر ابو مریم، علامہ عقیل انجم قادری، برجیس احمد،مولانا محمد اعجاز مصطفی، مولانا ثقلین اسحاق، مجاہد چنا،علامہ مرتضیٰ خان رحمانی، عبدالماجد فاروقی، سید علی محمد بخاری،عدنان روف انقلابی، سید بدر الحسنین عابدی نجفی سمیت ملی یکجہتی کونسل میں شامل دیگر دینی جماعتوں کے رہنماشریک تھے۔اجلاس میں کونسل کے صوبائی جنرل سیکرٹری قاضی احمد نورانی کے سسر کی وفات پر دعائے مغفرت کی گئی۔
مسلم دنیا اگر آج متحد نہ ہوئی تو پھر سب کی باری آئے گی، خواجہ آصف