کامیاب سفارتی دورے کے بعد وطن واپسی پر بلاول بھٹو زرداری کا فقیدالمثال استقبال
اشاعت کی تاریخ: 20th, June 2025 GMT
پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری طویل سفارتی دورے کے بعد وطن واپس پہنچ گئے ہیں۔
جمعرات کے روز وہ کراچی ایئرپورٹ پر اترے جہاں پارٹی کارکنان کی بڑی تعداد نے ان کا شاندار استقبال کیا۔
یہ بھی پڑھیں: امریکا کو پاک بھارت جامع مذاکرات میں کردار ادا کرنا ہوگا، بلاول بھٹو زرداری
بلاول بھٹو زرداری کی قیادت میں پاکستانی سفارتی وفد نے حالیہ ہفتوں میں امریکا، برطانیہ اور یورپ کے مختلف ممالک کا دورہ کیا جہاں انہوں نے عالمی رہنماؤں، پالیسی سازوں اور پاکستانی کمیونٹی سے ملاقاتیں کیں۔
پاکستان کے سفارتی مشن کے سربراہ اور چیئرمین پاکستان پیپلز پارٹی بلاول بھٹو زرداری کے امریکہ، برطانیہ اور یورپی یونین کے کامیاب دورے کے بعد وطن واپسی کے موقع پر کراچی ائیرپورٹ کے باہر استقبال کی تیاریاں مکمل، عوام کی بڑی تعداد اپنے قائد کا استقبال کرنے کیلئے پہنچ گئی۔ pic.
— team_bilawal (@NEWS_BILAWAL) June 20, 2025
بلاول بھٹو کا یہ دورہ ایسے وقت میں ہوا جب پاک بھارت کشیدگی کے بات وفاقی حکومت نے عالمی برادری کو پاکستان کے مؤقف سے آگاہ کرنے کے لیے سفارتی وفد مختلف ممالک میں بھیجنے کا فیصلہ کیا۔ بطور سابق وزیر خارجہ بلاول بھٹو زرداری کے سفارتی تجربے کو عالمی سطح پر پاکستان کے مؤقف کی نمائندگی اور تعلقات کو بہتر بنانے کے لیے استعمال کیا گیا۔
دورے کے دوران پاکستانی وفد نے اقوامِ متحدہ، امریکی کانگریس، برطانوی ارکانِ پارلیمنٹ، یورپی یونین کے حکام، اور مختلف تھنک ٹینکس سے ملاقاتیں کیں۔ ان ملاقاتوں کا مقصد نہ صرف پاکستان کے خارجہ تعلقات کو مضبوط بنانا تھا بلکہ جمہوریت، انسانی حقوق، اور معیشت کے حوالے سے پاکستان کا مثبت تاثر اجاگر کرنا بھی تھا۔
یہ بھی پڑھیں: جنوبی ایشیا میں پائیدار امن مسئلہ کشمیر کے منصفانہ حل سے جڑا ہے، بلاول بھٹو زرداری
بلاول بھٹو کی پارٹی کے اندر اور ملکی سیاست میں واپسی کو اہمیت دی جارہی ہے کیونکہ آئندہ چند ماہ میں بلدیاتی انتخابات اور پارلیمانی سرگرمیوں میں تیزی متوقع ہے، بعض تجزیہ کاروں کے مطابق یہ دورہ نہ صرف عالمی سطح پر پاکستان کی ساکھ بہتر بنانے کی کوشش تھی بلکہ ملک میں پیپلز پارٹی کی پوزیشن مضبوط کرنے کا اقدام بھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news استقبال بلاول بھٹو پیپلز پارٹی کراچیذریعہ: WE News
کلیدی لفظ: استقبال بلاول بھٹو پیپلز پارٹی کراچی بلاول بھٹو زرداری پیپلز پارٹی پاکستان کے دورے کے
پڑھیں:
حکومت کی جانب سے نئی آئینی ترمیم لانے کی تجویز
حکومت کی جانب سے نئی آئینی ترمیم لانے کی تجویز زیر غور ہے۔
رپورٹ کے مطابق ذرائع نے کہا کہ حکومت نے پیپلز پارٹی اور دیگر جماعتوں سے مشاورت کا فیصلہ کیا ہے، پیپلز پارٹی کے رضا مند ہونے کی صورت میں دیگر جماعتوں سے بات چیت ہوگی۔
ذرائع نے کہا کہ اتفاق رائے کی صورت میں حکومت آئینی ترمیم لائے گی، قومی اسمبلی میں پیپلز پارٹی کے ساتھ حکومت کو دو تہائی اکثریت حاصل ہے۔
ذرائع کے مطابق 18 ویں ترمیم میں بہت سے امور صوبوں کو دئیے گئے مگر ان پر مکمل عمل نہ ہوسکا، وزارتوں کے قواعد و ضوابط دوبارہ سے طے ہوسکتے ہیں، کابینہ کمیٹی برائے قانون سازی مجوزہ تجاویز پر غور کرے گی۔
کراچی میں تالا توڑ گروہ نے بڑی واردات کر کے 5 دکانیں لوٹ لیں