بلاول کی امریکا، یورپ کے دورے سے آج وطن واپسی، جناح ٹرمینل ون ٹریفک کیلئے بند
اشاعت کی تاریخ: 20th, June 2025 GMT
پاکستان کے اعلیٰ سفارتی وفد کے سربراہ بلاول بھٹو زرداری امریکا اور یورپ کے دورے کے بعد آج رات واپس وطن پہنچیں گے، سیکیورٹی وجوہات کی بنا پر جناح ٹرمینل ون ٹریفک کے لیے بند کر دیا گیا۔
بلاول بھٹو زرداری امریکا، یورپ کے دورے کے بعد آج رات وطن پہنچیں گے، کراچی پہنچنے پر کارکنوں سے خطاب بھی کریں گے، ایئرپورٹ اولڈ ٹرمینل پر پیپلز پارٹی رہنماء اور کارکنان بلاول کا استقبال کریں گے۔
بلاول بھٹو نے کہا کہ بھارت اقوام متحدہ کے چارٹر کے برخلاف پاکستان کے 24 کروڑ افراد کے پانی کے حق پر حملہ کر رہا ہے،
ٹریفک پولیس کا کہنا ہے کہ سیکیورٹی وجوہات کی بنا پر جناح ٹرمینل ون ٹریفک کے لیے بند کر دیا گیا، ماڈل کالونی قبرستان سے آنے والی ٹریفک کو مادام آؤٹ کی طرف بھیجا جا رہا ہے۔
ٹریفک پولیس کے مطابق جناح آؤٹ والی ٹریفک کو مین شارع فیصل کی طرف بھیج رہے ہیں۔
پاکستان پیپلز پارٹی کا کہنا ہے کہ سربراہ پاکستانی سفارتی مشن بلاول بھٹو زرداری نے امریکا، برطانیہ اور یورپی یونین کا اہم دورہ کیا، 11 دنوں میں 3 ممالک، 4 بڑے شہر اور 68 اہم سفارتی ملاقاتیں کیں۔
بلاول بھٹو زرداری نے پاکستان کا مؤقف امن، مسئلہ کشمیر، اور انڈس واٹر ٹریٹی پر مؤثر انداز میں دنیا کے سامنے رکھا۔
.ذریعہ: Jang News
کلیدی لفظ: بلاول بھٹو زرداری
پڑھیں:
کراچی ایئرپورٹ پر شدید ٹریفک جام، بلاول بھٹو کی آمد سے قبل راستے بند
data-id="863a0a8" data-element_type="widget" data-widget_type="theme-post-content.default">
کراچی: آج سہ پہر تین بجے کے قریب، کراچی ایئرپورٹ کی طرف جانے والے اہم راستوں پر شدید ٹریفک جام کی اطلاعات موصول ہو رہی ہیں۔
ذرائع کے مطابق پاکستان پیپلز پارٹی کے چیئرمین بلاول بھٹو زرداری کی رات 7 بجے ایئرپورٹ آمد اور کسی پروگرام کے لیے روانگی کے پیش نظر انتظامیہ نے حفاظتی اقدامات کے تحت اہم شاہراہوں کو قبل از وقت بند کر دیا ہے۔
ہمارے رپورٹر نے بتایا کہ شاہراہ فیصل، اور دیگر متعلقہ راستوں پر گاڑیوں کا رش بڑھ گیا ہے، جس کی وجہ سے شہریوں کو شدید مشکلات کا سامنا کرنا پڑ رہا ہے۔ ٹریفک پولیس نے متبادل راستوں کی طرف رہنمائی شروع کر دی ہے، تاہم غیر یقینی صورتحال نے روزمرہ کے سفر کو متاثر کیا ہے۔
شہریوں کی جانب سے انتظامیہ سے اپیل کی جا رہی ہے کہ وہ ٹریفک کے بہاؤ کو منظم کرنے کے لیے مؤثر اقدامات یقینی بنائے جبکہ انتظامیہ کی جانب سے شہریوں سے گزارش کی جا رہی ہے کہ وہ متبادل راستوں کا استعمال کریں اور صورتحال کو برداشت کریں جب تک کہ آمد کے پروگرام کا اختتام نہ ہو جائے۔
ایران پر اسرائیلی حملے میں ہمارا کوئی کردار نہیں: امریکا کی وضاحت