پاکستان ایک ذمہ دار جوہری ریاست ہے ،پاک فوج نے بھارت کو پیشہ وارانہ انداز میں منہ توڑ جواب دے کر ملک وقوم کا سر فخر سے بلند کردیا ،شازیہ مری
اشاعت کی تاریخ: 20th, June 2025 GMT
اسلام آباد (اُردو پوائنٹ اخبارتازہ ترین - اے پی پی۔ 20 جون2025ء) پاکستان پیپلز پارٹی کی مرکزی ترجمان شازیہ مری نے کہا ہے کہ پاکستان ایک ذمہ دار جوہری ریاست ہے،پاک فوج نے بھارت کو پیشہ وارانہ انداز میں منہ توڑ جواب دے کر نہ صرف ملک وقوم کا سر فخر سے بلند کردیا بلکہ دنیا پر ثابت کردیا کہ وہ دشمن کےناپاک عزائم کو خاک میں ملانے کی بھر پور صلاحیت رکھتی ہے، دنیا کے سامنے بھارتی چہرہ بے نقاب کرکے کامیاب دورے سے آج واپسی پر بلاول بھٹو زرداری کا کراچی میں والہانہ استقبال کیا جائے گا۔
پارلیمنٹ ہائوس کے باہر میڈیا سے گفتگو کرتے ہوئے انہوں نے کہا کہ بلاول بھٹو زرداری نے اعلیٰ سطحی پارلیمانی وفد کے ہمراہ امریکاسمیت یورپ کے مختلف ممالک کے 11روزہ دورے میں اقوام عالم کو پہلگام واقعہ کی سچائی بتا کر بھارت کا مکروہ چہرہ بے نقاب کیا ۔(جاری ہے)
انہوں نے کہا کہ وزیراعظم محمد شہباز شریف نے سابق وزیر خارجہ بلاول بھٹو زرداری کی نوجوان قیادت کو جو مشن سونپا وہ انہوں نے کامیابی سے پورا کیا، وفد نے مجموعی طور پر 64 اعلیٰ سطحی ملاقاتیں کیں جن میں امریکی اراکین پارلیمنٹ ، تھنک ٹینکس اور سفارتی مشنز سے ملاقاتیں شامل تھیں اور پوری دنیا کو بھارتی فالس فلیگ آپریشن اور اس کی جارحیت اور سندھ طاس معاہدے کو منسوخ کرنے کے غیر قانونی یک طرفہ اقدامات سے آگاہ کیا۔
دوسری جانب بھارت نے بھی ایک وفد بھیجا جو اپنی کمیونٹی کے لوگوں کے ساتھ کھانے کھاتے اور گانے گاتے دکھائی دیئے اور کسی تھنک ٹینک نے ان کی آواز نہیں سنی۔ شازیہ مری نے کہا کہ پہلے دن سے کہہ رہے ہیں کہ پہلگام واقعہ فالس فلیگ آپریشن تھا،مودی کا کیس صرف پروپیگنڈہ ہے جبکہ پاکستان کا کیس سچا ہے۔ بلاول بھٹو زرداری نے بتایا کہ ہم امن کے خواہ ہیں، پاکستان ہی وہ ملک ہے جو دہشت گردی کا خاتمہ چاہتا ہے جبکہ بھارت نے ہمیشہ من گھڑت بیانات کے ذریعے سازشیں کیں، اب دنیا بھارت کی حقیقت جان چکی ہے ۔ شازیہ مری نے کہا کہ ایک عرصہ بعد ایسا ہوا ہے کہ دنیا پاکستان کو سنجیدہ لے رہی ہے ۔ شازیہ مری نے کہا کہ بلاول بھٹو زرداری کی عالمی میڈیا کے ساتھ 17 ملاقاتیں ہوئیں اور بلاول بھٹو کی اس کامیاب دورے کے بعد آمد آج متوقع ہے جس کے لئے کراچی میں ان کے استقبال کے لئے لوگوں کا ہجوم ہے ۔ پاکستان پیپلز پارٹی کی ترجمان نے کہا کہ وہ ایک پاکستانی کی حیثیت سے پاکستان کا کیس لڑنے گئے تھے ، بلاول بھٹو نے پاکستان کے عوام کا سر فخر سے بلند کیا ہے۔ شازیہ مری نے کہا کہ ہمیں اپنی پاک افواج پر فخر ہے جنہوں نے بہترین صلاحیت کا مظاہرہ کیا ،ہمیں اطمینان ہے کہ ہمارا دفاع مضبوط ہے، بلاول بھٹو سب سے کم عمر وزیر خارجہ رہے ،ان کی سفارتی صلاحیتوں کو مدنظر رکھتے ہوئے وزیراعظم محمد شہباز شریف نے ان کی قیادت میں پارلیمانی وفد تشکیل دیا جس پر ہم وزیراعظم کے بھی شکر گزار ہیں ، بلاول بھٹو اور ان کی ٹیم کی اہم ممالک سے ملاقاتیں ہوئیں ، امریکاکے دورے کے دوران انہوں نے امریکی سینیٹ اور کانگریس کے 25ممبران سے ملاقاتیں کیں، بلاول بھٹو زرداری نے غزہ میں جاری بربریت کی بھی مذمت کی اور فلسطینیوں سے یکجہتی کا اظہار کیا، بلاول بھٹو نے ایران کے خلاف حالیہ اسرائیلی جارحیت کی بھی مذمت کی اور ایران کے عوام کے ساتھ اظہار یکجہتی کیا ۔.ذریعہ: UrduPoint
کلیدی لفظ: تلاش کیجئے شازیہ مری نے کہا کہ بلاول بھٹو زرداری انہوں نے
پڑھیں:
پاکستان تصادم چاہتا ہے اور نہ ہی بھارت سے مذاکرات کیلئے بے چین ہیں، بلاول بھٹو
پاکستان تصادم چاہتا ہے اور نہ ہی بھارت سے مذاکرات کیلئے بے چین ہیں، بلاول بھٹو WhatsAppFacebookTwitter 0 18 June, 2025 سب نیوز
اسلام آباد (سب نیوز)چیئرمین پیپلز پارٹی بلاول بھٹو زرداری نے کہا ہے کہ پاکستان نہ جنگ چاہتا ہے اور نہ ہم مذاکرات کے لیے بے چین ہیں۔چیئرمین پیپلز پارٹی بلاول بھٹو زرداری نے بھارتی سیکرٹری خارجہ کے بیان پر ردعمل میں کہا کہ بھارت اس وقت بہت بری طرح ہارا ہوا ہے۔ اور بھارت کے ساتھ حالیہ 5 روزہ جنگ میں پاکستان نے فیصلہ کن فتح حاصل کی۔
انہوں نے کہا کہ بھارت نے افسوس کے ساتھ پائیدار امن کی تمام کوششوں کی مزاحمت کی ہے۔ اور بھارت کی طرف سے امریکی سفارتی کوششوں کی بھی مزاحمت کی گئی۔بلاول بھٹو نے کہا کہ پاکستان نہ جنگ چاہتا ہے اور نہ ہم مذاکرات کے لیے بے چین ہیں۔ جبکہ امن دونوں ملکوں کے مفاد میں ہے۔ اور پاک بھارت تنازعات کا کوئی فوجی حل نہیں۔انہوں نے کہا کہ بھارت کا پانی کو ہتھیار بنانا اور مقبوضہ جموں و کشمیر میں جبر کسی طور پر قبول نہیں۔ جبکہ بھارت کی طرف سے دہشتگردی کو سیاسی ٹول کے طور استعمال کرنا درست نہیں۔چیئرمین پیپلز پارٹی نے کہا کہ آگے کا راستہ ایماندارانہ سفارت کاری میں ہے انکار میں نہیں۔انہوں نے کہا کہ فیلڈ مارشل سید عاصم منیرکے اعزاز میں ٹرمپ کی طرف سے دوپہر کا کھانا پاکستان امریکہ تعلقات میں مثبت قدم ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنیب خیبرپختونخوا نے کوہستان 40ارب روپے مالی اسکینڈل کی تحقیقات شروع کردیں، اعظم سواتی طلب نیب خیبرپختونخوا نے کوہستان 40ارب روپے مالی اسکینڈل کی تحقیقات شروع کردیں، اعظم سواتی طلب امریکا سن لے، ایران کبھی سرینڈر نہیں کرے گا، آیت اللہ علی خامنہ ای مسلسل ایرانی حملوں سے اسرائیل کے دفاعی ایرو میزائل انٹرسیپٹرز کی مقدار کم ہو رہی ہے،امریکی اخبار اماراتی صدر شیخ محمد بن زایدکا ایرانی صدر مسعود پزشکیان سے ٹیلیفونک رابطہ بھارت فیلڈ مارشل عاصم منیر کی صدر ٹرمپ سے خصوصی ملاقات اور ظہرانے سے بری طرح گھبرا گیا ججز اپنی صفوں میں طاقت کیسامنے ہتھیار ڈالنے والوں کی نشاندہی کریں، جسٹس منصور علی شاہCopyright © 2025, All Rights Reserved
رابطہ کریں ہمارے بارے ہماری ٹیم
ٹیسٹ چیمپئین شپ فائنل؛ اسمتھ کی صورت میں آسٹریلیا کو بڑا دھچکا