ملک کے بالائی علاقوں میں برفباری سے سردی کی شدت میں مزید اضافہ
اشاعت کی تاریخ: 5th, November 2025 GMT
data-id="863a0a8" data-element_type="widget" data-widget_type="theme-post-content.default">
گلگت بلتستان اور خیبرپختونخوا کے بالائی سیاحتی علاقوں میں برفباری کے باعث موسم مزید سرد ہوگیا ہے۔
گلگت بلتستان کے مختلف مقامات پر برفباری کا سلسلہ دوبارہ شروع ہو گیا ہے، بابوسر، نانگا پربت اور بٹوگاہ کی بلند چوٹیوں پر وقفے وقفے سے برف پڑ رہی ہے، جبکہ 12 سے زائد گاڑیاں برف میں پھنسنے کی اطلاعات ہیں۔
ادھر خیبرپختونخوا کے سوات، دیر اور کالام کے پہاڑی علاقوں میں بھی برفباری سے سردی میں اضافہ ہوگیا ہے۔ اپر ہزارہ ڈویژن میں موسمِ سرما کی پہلی بارش اور ژالہ باری کے بعد درجہ حرارت مزید گر گیا، اور دن کے اوقات میں بھی رات جیسی خنکی محسوس کی گئی۔
ایوبیہ، نتھیا گلی اور چھانگلہ گلی سمیت گلیات کے بالائی علاقوں میں دو سے تین انچ تک برف پڑ چکی ہے۔
مظفرآباد سے وادی نیلم تک بھی بارش اور برفباری کے باعث موسم نہایت سرد ہوگیا ہے۔ انتظامیہ نے شہریوں کو خراب موسم کے دوران غیر ضروری سفر سے گریز کی ہدایت کی ہے۔
پی ڈی ایم اے کے مطابق خیبرپختونخوا کے مختلف علاقوں میں آج بھی وقفے وقفے سے بارش اور برفباری کا امکان ہے، جب کہ تمام ضلعی انتظامیہ کو احتیاطی اقدامات کے لیے الرٹ رہنے کی ہدایت کی گئی ہے۔
ذریعہ: Jasarat News
کلیدی لفظ: علاقوں میں
پڑھیں:
خیبر پختونخوا کے مختلف علاقوں میں آج سے بارشوں کا الرٹ جاری
—فائل فوٹوپروونشل ڈیزاسٹر مینجمنٹ اتھارٹی (پی ڈی ایم اے) نے خیبر پختونخوا کے مختلف علاقوں میں آج سے بارشوں کا الرٹ جاری کردیا۔
صوبے کے مختلف علاقوں میں 5 نومبر تک وقفے وقفے سے بارشوں و برفباری کی پیشگوئی کی گئی ہے۔
تمام اضلاع کی انتظامیہ کو پیشگی اقدامات سے متعلق الرٹ رہنے کی ہدایت بھی کی گئی ہے۔
پہاڑی علاقوں میں لینڈ سلائیڈنگ کے باعث سڑکوں کی بندش کا خدشہ بھی ظاہر کیا گیا ہے۔
باجوڑ:سیکیورٹی فورسز نے خطرناک دہشت گرد کمانڈر مفتی مزاحم کو ہلاک کر دیا