مشرق وسطیٰ میں کشیدگی: ایران کی درخواست پر سلامتی کونسل کا ہنگامی اجلاس طلب
اشاعت کی تاریخ: 22nd, June 2025 GMT
مشرق وسطیٰ میں کشیدگی کے پیش نظر ایران کی درخواست پر سلامتی کونسل کا ہنگامی اجلاس طلب کرلیا گیا۔
نائب وزیراعظم و وزیرِ خارجہ سینیٹر اسحاق ڈار نے بتایا کہ ایران کی صورتحال پر اقوام متحدہ کی سلامتی کونسل کا ہنگامی اجلاس آج طلب کر لیا گیا ہے، جو ایران کی درخواست پر بلایا گیا، جسے پاکستان، چین اور روس کی مکمل حمایت حاصل ہے۔
یہ بھی پڑھیں ایران کا آبنائے ہرمز بند کرنے کا فیصلہ، دنیا پر اس کے کیا اثرات مرتب ہوں گے؟
سینیٹر اسحاق ڈار نے استنبول میں اسلامی تعاون تنظیم (او آئی سی) کے اجلاس کے موقع پر میڈیا سے گفتگو کرتے ہوئے کہاکہ سلامتی کونسل کا ہنگامی اجلاس ایران پر حالیہ اسرائیلی اور امریکی حملوں کے تناظر میں طلب کیا گیا ہے۔ انہوں نے کہا کہ پاکستان نے ایران کی اس درخواست کی کھل کر حمایت کی ہے۔
اسحاق ڈار کے مطابق پاکستان ہمیشہ اصولی موقف کا حامی رہا ہے، اور ہم اقوام متحدہ کے چارٹر کے تحت ایران کی خودمختاری، علاقائی سالمیت اور دفاع کے حق کی مکمل حمایت کرتے ہیں۔
اسحاق ڈار کی ایرانی وزیر خارجہ عباس عراقچی سے ملاقاتاو آئی سی اجلاس کی سائیڈ لائن پر سینیٹر اسحاق ڈار کی ایرانی وزیرِ خارجہ عباس عراقچی سے ملاقات بھی ہوئی، جس میں علاقائی سیکیورٹی اور مشرق وسطیٰ کی بگڑتی صورتِ حال پر تبادلہ خیال کیا گیا۔
اسحاق ڈار نے بتایا کہ اپنے عزیز بھائی ایران کے وزیرِ خارجہ عباس عراقچی سے ملاقات میں انہوں نے ہمیں ایران کا نکتہ نظر تفصیل سے بتایا۔
انہوں نے کہاکہ پاکستان نے اسرائیل کے بلاجواز اور غیر قانونی حملوں کی شدید مذمت کی ہے اور ایران پر امریکی بمباری کو بھی بین الاقوامی قوانین اور اقوام متحدہ کے چارٹر کی خلاف ورزی قرار دیا۔
اسحاق ڈار نے اس موقع پر دو ٹوک مؤقف اختیار کرتے ہوئے کہاکہ پاکستان خطے میں کسی بھی ملک کے خلاف طاقت کے استعمال کے خلاف ہے۔ ہم مسئلہ کا پرامن حل چاہتے ہیں، لیکن ساتھ ہی ایران کی خودمختاری اور دفاع کے حق کی بھرپور حمایت بھی کرتے ہیں۔
یہ بھی پڑھیں وزیراعظم شہباز شریف کا ایرانی صدر کو ٹیلی فون، امریکی حملوں کی مذمت، ایران کیساتھ غیرمتزلزل یکجہتی کا اعادہ
انہوں نے عالمی برادری سے مطالبہ کیا کہ وہ خطے میں امن و استحکام کے لیے فوری اقدامات کرے اور اسرائیلی و امریکی جارحیت کو روکنے کے لیے مؤثر سفارتی مداخلت عمل میں لائی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار اقوام متحدہ ایرانی وزیر خارجہ سلامتی کونسل مشرق وسطیٰ کشیدگی نائب وزیراعظم ہنگامی اجلاس طلب وی نیوز.ذریعہ: WE News
کلیدی لفظ: اسحاق ڈار اقوام متحدہ ایرانی وزیر خارجہ سلامتی کونسل مشرق وسطی کشیدگی ہنگامی اجلاس طلب وی نیوز سلامتی کونسل کا ہنگامی اجلاس اسحاق ڈار نے اقوام متحدہ انہوں نے ایران کی
پڑھیں:
مصر کے وزیر خارجہ کا اسحاق ڈار کو فون، پاکستان اور سعودی عرب کو دفاعی معاہدے پر مبارکباد
نائب وزیراعظم و وزیر خارجہ سینیٹر اسحاق ڈار کو گزشتہ شام مصر کے وزیر خارجہ ڈاکٹر بدر عبدالعاطی کا ٹیلی فون موصول ہوا۔
مصر کے وزیر خارجہ نے پاکستان اور سعودی عرب کو اسٹریٹجک میوچوئل ڈیفنس ایگریمنٹ پر دستخط کرنے پر مبارکباد دی اور اسے شراکت داری، اعتماد اور تعاون کو مضبوط بنانے میں ایک اہم سنگِ میل قرار دیا۔
دونوں رہنماؤں نے علاقائی اور عالمی امور پر بھی گفتگو کی اور امن، استحکام اور اقتصادی ترقی کی اہمیت پر زور دیا۔
اس موقع پر دونوں وزرائے خارجہ نے کثیرالجہتی تعاون کے عزم کا اعادہ کیا اور آئندہ ہفتے اقوام متحدہ کی جنرل اسمبلی کے 80ویں اجلاس کے دوران بامعنی ملاقاتوں کا عندیہ دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار پاکستان دفاعی معاہدہ سعودی عرب مصر وزیرخارجہ
اسپین نے اسرائیل کے ساتھ 825 ملین ڈالر کے اسلحہ معاہدے منسوخ کر دیے