ایمازون کے بانی جیف بیزوس کی دوسری شادی پر بڑے پیمانے پر احتجاج کیوں ہورہا ہے؟
اشاعت کی تاریخ: 23rd, June 2025 GMT
دنیا کے امیر ترین افراد میں شامل اور ایمازون کے بانی جیف بیزوس کی اٹلی کے شہر وینس میں ہونے والی شادی کو لے کر عالمی ماحولیاتی تنظیم گرین پیس اور مقامی کارکنوں کی جانب سے شدید احتجاج کیا گیا ہے۔ مظاہرین کا کہنا ہے کہ ایک ارب پتی شخص اپنی تفریح کی خاطر ایک تاریخی اور نازک شہر کو کرائے پر نہیں لے سکتا۔
جیف بیزوس اور صحافی لورا سانچیز کی شادی کو صدی کی شادی قرار دیا جا رہا ہے، جس میں قریباً 200 مہمان شریک ہوں گے، جن میں امریکی صدر ڈونلڈ ٹرمپ کی بیٹی ایوانکا ٹرمپ اور داماد جیرڈ کشنر سمیت فلم، فیشن اور کاروبار کی دنیا کی مشہور شخصیات شامل ہوں گی۔
یہ بھی پڑھیں دنیا کے تیسرے امیر ترین شخص کی دوسری شادی پر کتنے ڈالرز خرچ ہوں گے؟
گرین پیس اٹلی اور برطانوی گروپ ’Everyone hates Elon‘ کے کارکنوں نے وینس کے مشہور سینٹ مارک اسکوائر میں ایک بڑا بینر آویزاں کیا جس پر بیزوس کی مسکراتی تصویر کے ساتھ لکھا تھا۔ ’اگر تم وینس کو اپنی شادی کے لیے کرائے پر لے سکتے ہو، تو تم زیادہ ٹیکس بھی ادا کر سکتے ہو۔‘
اس دوران پولیس موقع پر پہنچی، مظاہرین کی شناخت چیک کی اور بعد میں بینر ہٹا دیا گیا۔
احتجاجی کارکن سمونا اباتے نے رائٹرز سے گفتگو کرتے ہوئے کہاکہ مسئلہ صرف شادی کا نہیں، بلکہ اس نظام کا ہے جو امیروں کو ہر چیز خریدنے کی اجازت دیتا ہے۔ ایک شخص کو پورا شہر اپنی تفریح کے لیے کرائے پر نہیں لینا چاہیے۔
وینس کے میئر لوئیجی بروگنارو اور علاقائی گورنر لوکا زائیا نے بیزوس کی شادی کا دفاع کرتے ہوئے کہاکہ اس سے مقامی معیشت کو فائدہ ہوگا، خاص طور پر گونڈولا اور واٹر بوٹس کے شعبے کو فائدہ پہنچے گا۔
زائیا نے بتایا کہ شادی پر 20 سے 30 ملین یورو خرچ ہونے کا تخمینہ ہے، جب کہ بیزوس ایک ملین یورو مقامی تحقیقی ادارے کو عطیہ کریں گے جو وینس کے ماحولیاتی نظام پر تحقیق کرتا ہے۔
شہر میں پہلے بھی بیزوس مخالف بینرز سینٹ مارک کی گھنٹی ٹاور اور ریالٹو پل پر آویزاں کیے گئے تھے، جب کہ مقامی افراد نے پرامن احتجاج اور علامتی ناکہ بندی کی دھمکیاں دی تھیں۔
ناقدین کا کہنا ہے کہ وینس جیسا تاریخی شہر پہلے ہی سیاحت کے بوجھ سے دوچار ہے اور اسے مزید وی آئی پی تقریبات کی بجائے عوامی سہولیات، رہائش اور ماحولیاتی تحفظ کی ضرورت ہے۔
یہ بھی پڑھیں آپ کی پرانی شادی کو نئے دور میں خطرہ ہے
شادی کی اصل تاریخ اور مقامات خفیہ رکھے گئے ہیں، تاہم اطلاعات کے مطابق تقریبات26 سے 28 جون کے درمیان ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اٹلی بانی ایمازون بڑے پیمانے پر احتجاج جیف بیزوس شادی وی نیوز.
ذریعہ
ذریعہ: WE News
کلیدی لفظ: اٹلی بانی ایمازون بڑے پیمانے پر احتجاج جیف بیزوس وی نیوز جیف بیزوس بیزوس کی
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
ٹی20 ورلڈ کپ 2026: پاکستان نے سپر 8 کے لیے جگہ پکی کر لی