بجٹ بانئ پی ٹی آئی کے سامنے رکھنا چاہتے ہیں، ملاقات کی اجازت نہیں دی جا رہی: علی امین گنڈاپور
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
وزیراعلیٰ خیبرپختونخوا علی امین گنڈاپور نے کہا کہ صوبہ کے مالیاتی بجٹ پر بانی پاکستان تحریک انصاف عمران خان کی رائے لینا چاہتے ہیں، مگر ہمیں اس کی اجازت نہیں دی جا رہی، یہ رکاوٹیں اس مقصد کے تحت کھڑی کی جا رہی ہیں کہ بجٹ منظور نہ ہو سکے اور صوبے میں مالیاتی ایمرجنسی نافذ کر کے حکومت کا خاتمہ کیا جائے۔
صوبائی اسمبلی میں خطاب کرتے ہوئے وزیراعلیٰ خیبرپختونخوا علی امین گنڈاپور نے واضح کیا کہ میں ایسی کسی بھی سازش کو کامیاب نہیں ہونے دوں گا، جس روز عمران خان نے حکم دیا، میں حکومت چھوڑ دوں گا، لیکن کسی کو سازش کے ذریعے عوامی مینڈیٹ پر ڈاکہ ڈالنے کی اجازت نہیں دیں گے۔
انہوں نے دعویٰ کیا کہ تحریک انصاف کی سابقہ حکومت کو باقاعدہ منصوبہ بندی کے تحت گرایا گیا اور سب جانتے ہیں کہ اس سازش کے پیچھے کون تھا۔ انہوں نے کہا کہ عمران خان نے جمہوریت کی خاطر اپنی دو صوبائی حکومتیں قربان کیں، اور اب بھی وہ حکومت گنوانے کو تیار ہیں مگر غیر آئینی سازشوں کو کامیاب نہیں ہونے دیں گے۔
وزیراعلیٰ نے مزید کہا کہ جو بھی شخص اختیارات سے تجاوز کرے گا، تاریخ اسے فراموش نہیں کرے گی۔ اگر کسی کو یہ گمان ہے کہ وہ احتساب سے بچ جائے گا، تو وہ سخت غلطی پر ہے۔
اپنی حکومت کی مالی حالت پر روشنی ڈالتے ہوئے گنڈاپور نے کہا کہ جب انہوں نے صوبے کا انتظام سنبھالا تو خزانے میں محض 18 دن کی تنخواہوں کے اخراجات موجود تھے۔ ان کے بقول، امن و امان کی صورتحال کو جان بوجھ کر بدترین بنانے کی کوشش کی گئی، اور اب بھی خیبرپختونخوا پر ڈرون حملے بند نہیں کیے جا رہے۔
.ذریعہ: Jasarat News
کلیدی لفظ: کہا کہ
پڑھیں:
علی امین کیلئے صوبائی حکومت سونے کا انڈا دینے والی مرغی ہے، گورنر فیصل کریم کنڈی
فیصل کریم کنڈی—فائل فوٹوگورنر خیبر پختون خوا فیصل کریم کنڈی نے کہا ہے کہ صوبائی حکومت وزیرِ اعلیٰ علی امین گنڈاپور کے لیے سونے کا انڈا دینے والی مرغی ہے۔
فیصل کریم کنڈی نے ڈیرہ اسماعیل خان کے صحافیوں کے نمائندہ وفد سے گورنر ہاؤس میں ملاقات کی اور کہا کہ علی امین گنڈاپور کسی بھی صورت اقتدار نہیں چھوڑ سکتے۔
انہوں نے کہا کہ صوبائی حکومت علی امین کے لیے سونے کا انڈا دینے والی مرغی ہے، وزیرِ اعلیٰ خیبر پختونخوا صرف بڑھکیں مار رہے ہیں کہ وہ اسمبلی توڑ دیں گے۔
گورنر خیبر پختونخوا نے مزید کہا کہ کے پی کے حکومت اپنا بجٹ کسی بھی طریقے سے پاس کر لے گی کیونکہ بانیٔ پی ٹی آئی سے ان کی ملاقات ممکن نہیں۔
اُن کا کہنا ہے کہ صوبے میں کسی بھی وقت ایمرجنسی خارج از امکان نہیں۔
برطانوی ایف 35کی بھارت میں ہنگامی لینڈنگ