بجٹ بانئ پی ٹی آئی کے سامنے رکھنا چاہتے ہیں، ملاقات کی اجازت نہیں دی جا رہی: علی امین گنڈاپور
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
وزیراعلیٰ خیبرپختونخوا علی امین گنڈاپور نے کہا کہ صوبہ کے مالیاتی بجٹ پر بانی پاکستان تحریک انصاف عمران خان کی رائے لینا چاہتے ہیں، مگر ہمیں اس کی اجازت نہیں دی جا رہی، یہ رکاوٹیں اس مقصد کے تحت کھڑی کی جا رہی ہیں کہ بجٹ منظور نہ ہو سکے اور صوبے میں مالیاتی ایمرجنسی نافذ کر کے حکومت کا خاتمہ کیا جائے۔
صوبائی اسمبلی میں خطاب کرتے ہوئے وزیراعلیٰ خیبرپختونخوا علی امین گنڈاپور نے واضح کیا کہ میں ایسی کسی بھی سازش کو کامیاب نہیں ہونے دوں گا، جس روز عمران خان نے حکم دیا، میں حکومت چھوڑ دوں گا، لیکن کسی کو سازش کے ذریعے عوامی مینڈیٹ پر ڈاکہ ڈالنے کی اجازت نہیں دیں گے۔
انہوں نے دعویٰ کیا کہ تحریک انصاف کی سابقہ حکومت کو باقاعدہ منصوبہ بندی کے تحت گرایا گیا اور سب جانتے ہیں کہ اس سازش کے پیچھے کون تھا۔ انہوں نے کہا کہ عمران خان نے جمہوریت کی خاطر اپنی دو صوبائی حکومتیں قربان کیں، اور اب بھی وہ حکومت گنوانے کو تیار ہیں مگر غیر آئینی سازشوں کو کامیاب نہیں ہونے دیں گے۔
وزیراعلیٰ نے مزید کہا کہ جو بھی شخص اختیارات سے تجاوز کرے گا، تاریخ اسے فراموش نہیں کرے گی۔ اگر کسی کو یہ گمان ہے کہ وہ احتساب سے بچ جائے گا، تو وہ سخت غلطی پر ہے۔
اپنی حکومت کی مالی حالت پر روشنی ڈالتے ہوئے گنڈاپور نے کہا کہ جب انہوں نے صوبے کا انتظام سنبھالا تو خزانے میں محض 18 دن کی تنخواہوں کے اخراجات موجود تھے۔ ان کے بقول، امن و امان کی صورتحال کو جان بوجھ کر بدترین بنانے کی کوشش کی گئی، اور اب بھی خیبرپختونخوا پر ڈرون حملے بند نہیں کیے جا رہے۔
.ذریعہ: Jasarat News
کلیدی لفظ: کہا کہ
پڑھیں:
دیرپا امن کا قیام مسئلہ کشمیر کے منصفانہ حل سے جڑا ہوا ہے وزیراعلیٰ علی امین گنڈاپور
وزیر اعلیٰ خیبرپختونخوا سردار علی امین گنڈاپور نے 5 اگست کو یومِ استحصالِ کشمیر کے طور پر مناتے ہوئے کشمیری عوام سے بھرپور یکجہتی کا اظہار کیا اور بھارتی حکومت کے یکطرفہ، غیر قانونی اقدامات کی شدید مذمت کی۔
انہوں نے کہا کہ آج سے ٹھیک 6 سال قبل، 5 اگست 2019 کو مودی سرکار نے کشمیر کی خصوصی آئینی حیثیت ختم کر کے ظلم و جبر کے ایک نئے باب کا آغاز کیا۔
وزیر اعلیٰ نے کہا کہ بھارت کا یہ اقدام نہ صرف اقوام متحدہ کی قراردادوں کے خلاف ہے بلکہ یہ عالمی برادری اور انسانی حقوق کی تنظیموں کے لیے ایک سنجیدہ لمحۂ فکریہ ہے۔
بھارت کا چہرہ بے نقابعلی امین گنڈاپور نے کہا کہ خود کو دنیا کی سب سے بڑی جمہوریت کہنے والا بھارت کئی دہائیوں سے کشمیر میں انسانی حقوق کی بدترین پامالی میں ملوث ہے۔
انہوں نے کہا کہ کشمیری عوام کا حقِ خودارادیت ایک بنیادی انسانی حق ہے، جسے ریاستی جبر و تشدد کے ذریعے دبایا نہیں جا سکتا۔
عالمی برادری سے مطالبہوزیر اعلیٰ خیبرپختونخوا نے عالمی برادری، اقوام متحدہ اور انسانی حقوق کی بین الاقوامی تنظیموں سے پرزور مطالبہ کیا کہ بھارت کی طرف سے کشمیری عوام پر کیے جانے والے مظالم کا سنجیدگی سے نوٹس لیا جائے اور اُنہیں ان کا جائز حق دلوانے میں فعال کردار ادا کیا جائے۔
امن کا راستہ مسئلہ کشمیر کے منصفانہ حل سے مشروطانہوں نے زور دیا کہ اس خطے میں دیرپا امن کا قیام مسئلہ کشمیر کے منصفانہ حل سے جڑا ہوا ہے، اور جب تک کشمیری عوام کی خواہشات کے مطابق اس تنازع کا حل نہیں نکلتا، خطہ امن و استحکام سے محروم رہے گا۔
شہداء کشمیر کو خراجِ عقیدتوزیر اعلیٰ نے کشمیری عوام کے عزم و استقلال کو سراہتے ہوئے کہا کہ ہم ان کشمیری بھائی بہنوں کو خراجِ تحسین پیش کرتے ہیں جو آزادی کی جدوجہد میں مصروف ہیں، اور اُن شہداء کو خراجِ عقیدت پیش کرتے ہیں جنہوں نے اپنی جانوں کا نذرانہ دیا۔
پاکستان کا دو ٹوک مؤقفآخر میں وزیر اعلیٰ خیبرپختونخوا نے اعادہ کیا کہ ہم کشمیری عوام کے حقِ خودارادیت کی اخلاقی، سیاسی اور سفارتی حمایت جاری رکھیں گے اور ان کی جدوجہد میں ہر ممکن ساتھ دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزیراعلیٰ علی امین گنڈا پور یوم استحصال کشمیر
امریکہ سے معاہدہ،پاکستانی مصنوعات پر لگنے والے ٹیرف میں کمی آئے گی: وزارت خزانہ