قومی سلامتی کمیٹی اجلاس کے بعد خواجہ آصف کی بات کرنے سے معذرت، کانوں کو ہاتھ لگا لیے
اشاعت کی تاریخ: 23rd, June 2025 GMT
وزیر دفاع خواجہ آصف نے قومی سلامتی کمیٹی کے اہم اجلاس کے بعد صحافیوں سے بات کرنے سے گریز کیا اور سوالات سن کر کانوں کو ہاتھ لگا لیے۔
وزیراعظم شہباز شریف کی زیر صدارت قومی سلامتی کمیٹی کا اجلاس منعقد ہوا جس میں وفاقی وزرا، مسلح افواج کے سربراہان اور حساس اداروں کے نمائندگان نے شرکت کی۔
اجلاس میں اسرائیل اور ایران کے درمیان جاری جنگ، اور اس کے نتیجے میں خطے پر پڑنے والے ممکنہ اثرات، بالخصوص امریکا کی جانب سے ایران پر حالیہ حملے کا تفصیلی جائزہ لیا گیا۔
اجلاس کے اختتام پر جب وزیر دفاع خواجہ آصف واپس روانہ ہو رہے تھے تو صحافیوں نے ان سے گفتگو کی کوشش کی، تاہم انہوں نے بات کرنے سے صاف معذرت کرتے ہوئے صرف مسکراتے ہوئے کانوں کو ہاتھ لگا لیے اور گاڑی میں سوار ہو کر روانہ ہوگئے۔
واضح رہے کہ قومی سلامتی کمیٹی اجلاس کا اعلامیہ جاری کردیا گیا ہے جس کے مطابق پاکستان نے ایران پر اسرائیل کے حملوں کی مذمت کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بات سے گریز بات کرنے سے معذرت خواجہ آصف قومی سلامتی کمیٹی کانوں کو ہاتھ وزیر دفاع وی نیوز.ذریعہ: WE News
کلیدی لفظ: بات سے گریز بات کرنے سے معذرت خواجہ ا صف قومی سلامتی کمیٹی کانوں کو ہاتھ وزیر دفاع وی نیوز قومی سلامتی کمیٹی کانوں کو ہاتھ بات کرنے سے
پڑھیں:
خطے کی صورتحال پر غور کے لیے قومی سلامتی کمیٹی کا ہنگامی اجلاس آج طلب
امریکا کی جانب سے ایران کی تین جوہری تنصیبات پر حملے کے بعد خطے میں پیدا ہونے والی کشیدہ صورتحال پر غور کے لیے قومی سلامتی کمیٹی کا ایک ہنگامی اجلاس آج اسلام آباد میں منعقد ہو گا۔
میڈیا رپورٹس کے مطابق وزیر اعظم کے دفتر نے تصدیق کی ہے کہ اجلاس پیر کی شام کو ہو گا، جس کی صدارت وزیر اعظم شہباز شریف کریں گے، اس اعلیٰ سطحی اجلاس میں سول اور عسکری قیادت کے اہم ترین عہدیدار شریک ہوں گے، چیف آف آرمی اسٹاف فیلڈ مارشل عاصم منیر بھی اجلاس میں شریک ہوں گے۔
فیلڈ مارشل عاصم منیر حال ہی میں امریکا کے دورے سے واپس آئے ہیں اور اجلاس میں امریکی صدر ڈونلڈ ٹرمپ سے ہونے والی ملاقات کی تفصیلات سے آگاہ کریں گے۔
پاکستان کی جانب سے امریکی حملوں کی مذمتپاکستان نے ایران کی جوہری تنصیبات پر امریکی حملوں کی سخت مذمت کی ہے، یہ حملے آرمی چیف فیلڈ مارشل عاصم منیر اور امریکی صدر ڈونلڈ ٹرمپ کے درمیان ملاقات کے صرف 4 روز بعد کیے گئے۔
وزیر اعظم شہباز شریف نے ایرانی صدر مسعود پزیشکیان سے ٹیلیفونک گفتگو میں امریکی حملے اور اسرائیلی جارحیت کی شدید مذمت کی، وزیر اعظم آفس سے جاری ہونے والے ایک سرکاری اعلامیے میں کہا گیا کہ وزیر اعظم نے گزشتہ 8 دنوں سے جاری اسرائیلی جارحیت کو بلاجواز اور اشتعال انگیز قرار دیا، اور کہا کہ امریکی حملے اس کے بعد کیے گئے۔
وزیر اعظم نے ایرانی عوام اور حکومت کے ساتھ پاکستان کی غیر متزلزل یکجہتی کا اعادہ کیا اور جانی نقصان پر افسوس کا اظہار کیا۔ انہوں نے اس بات پر بھی تشویش ظاہر کی کہ امریکہ نے ان تنصیبات پر حملہ کیا جو اقوام متحدہ کی جوہری توانائی ایجنسی کی نگرانی میں تھیں۔
یہ بھی پڑھیں: وزیراعظم شہباز شریف کا ایرانی صدر کو ٹیلی فون، امریکی حملوں کی مذمت، ایران کیساتھ غیرمتزلزل یکجہتی کا اعادہ
وزیر اعظم شہباز شریف نے ان حملوں کو بین الاقوامی قوانین اور اقوام متحدہ کی جوہری توانائی ایجنسی کے ضوابط کی سنگین خلاف ورزی قرار دیا، انہوں نے اقوام متحدہ کے چارٹر کے آرٹیکل 51 کے تحت ایران کے حقِ دفاع کو تسلیم کرتے ہوئے فوری مذاکرات کی ضرورت پر زور دیا اور سفارت کاری کو مسئلے کا واحد پائیدار حل قرار دیا۔
وزیر اعظم نے خطے میں کشیدگی کم کرنے کے لیے اجتماعی کوششوں کی اپیل کی اور کہا کہ پاکستان اس سلسلے میں تعمیری کردار ادا کرنے کے لیے تیار ہے، وزیر اعظم آفس کے مطابق ایرانی صدر مسعود پزیشکیان نے پاکستان کی حمایت پر شکریہ ادا کیا اور کہا کہ ایران پاکستانی عوام اور حکومت کے تعاون کو قدر کی نگاہ سے دیکھتا ہے۔
مزید پڑھیں:وائٹ ہاؤس میں اہم ملاقات: صدر ٹرمپ نے فیلڈ مارشل سید عاصم منیر کی قائدانہ اور فیصلہ کن صلاحیتوں کو سراہا
ایک علیحدہ بیان میں دفتر خارجہ نے بھی ایران کی جوہری تنصیبات پر امریکی حملوں کی مذمت کی، ترجمان دفتر خارجہ نے اتوار کو جاری بیان میں کہا کہ ان حملوں سے خطے میں کشیدگی میں مزید اضافے کا خدشہ ہے۔
ترجمان نے کہا کہ یہ حملے بین الاقوامی قوانین کی تمام روایات کے منافی ہیں اور اقوام متحدہ کے چارٹر کے تحت ایران کو اپنے دفاع کا حق حاصل ہے، دفتر خارجہ نے تمام فریقین پر زور دیا کہ وہ بین الاقوامی قوانین کی پاسداری کریں اور بحران کے حل کے لیے بات چیت کا راستہ اپنائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف شہباز شریف فیلڈ مارشل عاصم منیر قومی سلامتی کمیٹی ہنگامی اجلاس وزیر اعظم
وزیراعظم کی 2028 تک ریکوڈک کو ریلوے لائن نیٹ ورک سے منسلک کرنے کی ہدایت