عوام کے تعاون سے ترقی کا نہ رکنے والا سفر جاری ہے، سید وجیہ حسن
اشاعت کی تاریخ: 24th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر) چیئرمین ناظم آباد ٹاؤن محمد مظفرسے اہلیانِ ناظم آباد کے معتبر نمائندوں کے وفد کی ملاقات۔ اس موقع پر امیر جماعت اسلامی ضلع وسطی سید وجیہ حسن، وائس چیئرمین ناظم آباد ٹاؤن محمد نعمان صدیقی، منتخب بلدیاتی نمائندے بھی موجود تھے، ملاقات کے دوران وفد نے چیئرمین سید محمد مظفر کی قیادت پر بھرپور اعتماد کا اظہار کرتے ہوئے اپنی مکمل حمایت کا یقین دلایا، انہوں نے مزید کہا کہ ہم ناظم آباد ٹاؤن کی منتخب اور عوامی حمایت یافتہ قیادت کے ساتھ کھڑے ہیں اور کسی بھی غیر جمہوری دباؤ یا ہتھکنڈے کو کامیاب نہیں ہونے دیں گے۔ اس موقع پر امیر جماعت اسلامی ضلع وسطی سید وجیہ حسن نے کہا عوام کے تعاون سے ترقی کا نہ رکنے والا سفر جاری ہے، چیئرمین ناظم آباد ٹاؤن سید محمد مظفر نے کہا کہ ہمارا عزم ہے کہ ہم ناظم آباد ٹائون کو مثالی ٹائون بنائیں، اور دستیاب وسائل میں رہتے ہوئے عوام کو ذیادہ سے ذیادہ بلدیاتی سہولتیں فراہم کرنے کے ساتھ اہلیان ناظم آباد ٹائون کو خوشگوار ماحول فراہم کریں، انہوں نے کہا کہ ہمارے مختصر دور میں ناظم آباد ٹائون میں بلدیاتی سہولتوں کی فراہمی، پارکوں کی بحالی، اسکولوں اور لائبریریوں تعمیر اور بحالی کے کام جاری ہیں، انہوں نے کہا ہم عوامی خدمت کے جذبے کے ساتھ کام کررہے ہیں اور ہمیں عوام کا مکمل تعاون حاصل ہے، اس موقع پر وائس چیئرمین محمدنعمان صدیقی نے کہا ناظم آباد ٹائون کے منتخب بلدیاتی نمائندے اور افسران و ملازمین ٹیم ورک کے ساتھ ناظم آباد ٹائون کی ترقی کے لیے کوشاں ہیں۔
.ذریعہ: Jasarat News
کلیدی لفظ: ناظم ا باد ٹائون ناظم ا باد ٹاو ن کے ساتھ
پڑھیں:
نسٹ کے ریکٹر، ڈاکٹر محمد زاہد لطیف سے پاکستان ہائی کمشنر کی ملاقات
برطانیہ میں پاکستان ہائی کمشنر ڈاکٹر محمد فیصل نے نیشنل یونیورسٹی آف سائنسز اینڈ ٹیکنالوجی (نسٹ) کے ریکٹر، ڈاکٹر محمد زاہد لطیف سے پاکستان ہائی کمیشن لندن میں ملاقات کی۔
ملاقات میں تحقیق، جدت اور تعاون کے فروغ کے لیے اقدامات پر تبادلۂ خیال کیا گیا، خصوصاً نیشنل یونیورسٹی آف سائنسز اینڈ ٹیکنالوجی اور برطانیہ کی یونیورسٹیوں کے درمیان پبلک پالیسی کے شعبے میں اشتراک پر گفتگو ہوئی۔
ہائی کمشنر ڈاکٹر محمد فیصل نے ڈاکٹر محمد زاہد لطیف کو پاکستان ہائی کمیشن لندن کی جانب سے تعلیمی روابط اور علمی و تدریسی تبادلے کے فروغ میں ہر ممکن تعاون کی یقین دہانی کرائی۔
نئے پراپرٹی آرڈیننس سے قبضہ مافیا کا مستقل راستہ روک دیا: عظمیٰ بخاری