وزیراعظم اور سعودی ولی عہد کے درمیان ٹیلیفونک رابطہ، خطے کی صورتحال اور دوطرفہ تعلقات پر تبادلہ خیال
اشاعت کی تاریخ: 24th, June 2025 GMT
اسلام آباد:
وزیراعظم محمد شہباز شریف نے سعودی عرب کے ولی عہد اور وزیراعظم شہزادہ محمد بن سلمان بن عبدالعزیز آل سعود سے ٹیلیفونک گفتگو کی ہے، جس میں دوطرفہ تعلقات، علاقائی امن اور حالیہ عالمی صورتحال پر تبادلہ خیال کیا گیا۔
وزیراعظم نے خادم الحرمین الشریفین شاہ سلمان بن عبدالعزیز کے لیے دلی احترام اور نیک تمناؤں کا اظہار کرتے ہوئے رواں برس حج کے کامیاب انعقاد پر سعودی قیادت کو مبارکباد دی۔ وزیراعظم نے پاکستانی حجاج کرام کی شاندار مہمان نوازی پر سعودی عرب کا خصوصی شکریہ بھی ادا کیا۔
گفتگو کے دوران وزیراعظم نے بھارت کے ساتھ حالیہ کشیدگی کے دوران سعودی عرب کی مسلسل حمایت پر شکریہ ادا کیا۔ انہوں نے کہا کہ پاکستان جموں و کشمیر، پانی، تجارت اور دہشت گردی سمیت تمام اہم تنازعات کے پرامن اور بامعنی حل کے لیے بھارت کے ساتھ مذاکرات کے لیے تیار ہے۔
دونوں رہنماؤں نے مشرق وسطیٰ میں حالیہ ابھرتی ہوئی کشیدہ صورتحال پر بھی غور کیا، خصوصاً اسرائیل-ایران بحران کے تناظر میں۔ وزیراعظم نے علاقائی کشیدگی میں فوری کمی، مذاکرات کے ذریعے مسئلے کے حل اور سفارتی ذرائع کے استعمال پر زور دیا۔ انہوں نے گزشتہ رات کے حملوں کا حوالہ دیتے ہوئے تمام فریقوں سے بین الاقوامی قوانین اور اقوام متحدہ کے چارٹر کے تحت تحمل اختیار کرنے کی اپیل کی۔
اس موقع پر وزیراعظم نے سعودی عرب کی خودمختاری اور علاقائی سالمیت کے لیے پاکستان کی غیر متزلزل حمایت کا اعادہ کیا اور ولی عہد شہزادہ محمد بن سلمان کی مدبرانہ قیادت اور امن کے قیام کی کوششوں کو سراہا۔ انہوں نے کہا کہ سعودی عرب نہ صرف مسلم دنیا بلکہ عالمی سطح پر امن و استحکام کی علامت کے طور پر ابھرا ہے۔
سعودی ولی عہد نے وزیراعظم شہباز شریف کی ٹیلیفون کال پر شکریہ ادا کرتے ہوئے پاکستان کی یکجہتی اور حمایت کو سراہا۔ انہوں نے مشرق وسطیٰ میں امن و خوشحالی کے فروغ کے لیے پاکستان کے تعمیری کردار کی تعریف کی اور اس بات کا اعادہ کیا کہ سعودی عرب اس مقصد کے لیے پرعزم ہے۔
Post Views: 5.ذریعہ: Daily Mumtaz
پڑھیں:
شہباز شریف کا شہزادہ محمد بن سلمان سے رابطہ، مشرق وسطیٰ کی تازہ ترین صورتحال پر گفتگو
سعودی عرب کے ولی عہد سے ایک ٹیلیفونک گفتگو میں وزیراعظم نے سعودی عرب کی خودمختاری اور علاقائی سالمیت کے لیے پاکستان کی غیر متزلزل حمایت کا اعادہ کیا، وزیر اعظم نے پاکستان کی جانب سے ولی عہد کو ان کی دانشمندانہ قیادت اور خطے میں امن کی بحالی کے لیے کوششوں پر خراج تحسین پیش کیا۔ اسلام ٹائمز۔ وزیراعظم شہباز شریف کا سعودی عرب کے ولی عہد شہزادہ محمد بن سلمان سے ٹیلی فونک رابطہ ہوا، دونوں راہنماؤں نے مشرق وسطیٰ کی صورتحال پر تبادلہ خیال کیا۔ وزیراعظم شہباز شریف نے سعودی ولی عہد کو حج کی مبارکباد دی اور پاکستانی حجاج کی میزبانی پر شکریہ ادا کیا۔ شہباز شریف نے بھارت کے ساتھ کشمیر، پانی، تجارت اور دہشت گردی پر بات چیت کی پیشکش کی، ایران اسرائیل تنازع پر پاکستان نے پُرامن حل اور بین الاقوامی قانون کی پاسداری پر زور دیا۔
وزیراعظم نے کہا کہ پاکستان، اسرائیل ایران بحران کے تناظر میں علاقائی کشیدگی میں فوری کمی کی مکمل حمایت کرتا، انہوں نے تمام فریقوں سے بین الاقوامی قوانین اور اقوام متحدہ کے چارٹر کی پاسداری کرتے ہوئے تحمل کا مظاہرہ کرنے پر زور دیا۔ اس تناظر میں شہباز شریف نے سعودی عرب کی خودمختاری اور علاقائی سالمیت کے لیے پاکستان کی غیر متزلزل حمایت کا اعادہ کیا، وزیر اعظم نے پاکستان کی جانب سے ولی عہد کو ان کی دانشمندانہ قیادت اور خطے میں امن کی بحالی کے لیے کوششوں پر خراج تحسین پیش کیا۔
شہباز شریف نے مزید کہا کہ یہ کوششیں سعودی عرب کے بین الاقوامی سطح پر امن کے ضامن اور امتِ مسلمہ کے راہنما کے طور پر نمایاں حیثیت کی عکاس ہے۔ ولی عہد عزت مآب شہزادہ محمد بن سلمان بن عبدالعزیز آل سعود نے ٹیلیفون کال پر وزیراعظم کا شکریہ ادا کیا اور سعودی عرب کے ساتھ پاکستان کی یکجہتی اور حمایت کو سراہا۔ انہوں نے حالیہ تنازع کے پُرامن حل کیلئے پاکستان کے تعمیری کردار کی بھی تعریف کی۔ سعودی ولی عہد نے کہا کہ سعودی عرب، مشرق وسطیٰ کے خطے میں دیرپا امن اور خوشحالی کے فروغ کے لیے پوری طرح پُرعزم ہے۔
ٹرمپ کشمیر پر ثالثی کے لیے بھارت یا پاکستان پر دباؤ نہیں ڈال سکتے، امریکی محکمہ خارجہ