تلہار،ہائی وے پر موٹرسائیکل ریس وون وہیلنگ مشغلہ بن گیا
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
تلہار(نمائندہ جسارت) تلہار شہر میں نوجوانوں کی جانب سے شہر کے مصروف ترین حیدرآباد بدین ہائی وے پر موٹر سائیکل ریس اور ون وہیلنگ کرنا پسندیدہ مشغلہ بن گیا ہے جس کی وجہ سے ہائی وے پر کسی بھی وقت کوئی حادثہ رونما ہوسکتا ہے متعدد بار شہریوں کی جانب سے سوشل میڈیا کے ذریعے ایس ایچ او تھانہ تلہار ایس ایس پی ضلع بدین سے مطالبہ کیا گیا ہے کہ ان نوجوانوں کے خلاف کارروائی کی جائے اس سے قبل ان کو کوئی جانی یا مالی نقصان ہو لیکن پولیس نے تاحال کوئی نوٹس نہیں لیا۔تفصیلات کے مطابق تلہار شہر میں چند اوباش نوجوانوں نے شہر میں موٹر سائیکل ریس اور ون وہیلنگ کرنا شروع کی ان کو دیکھ کر شہر کے باقی نوجوان بھی ریس اور ون وہیلنگ کی لت کا شکار ہوگئے اور اب ریسنگ اور ون وہیلنگ تلہار کے نوجوانوں کا پسندیدہ مشغلہ بن گیا ہے شہر کے مصروف ترین حیدرآباد بدین ہائی وے پر رات کے اوقات میں یہ نوجوان اپنے پورے گروپ کے ساتھ آزادانہ طور پر ریسنگ اور ون وہیلنگ کرتے نظر آتے ہیں جبکہ کچھ نوجوانوں گڈوشاہ چوک اللہ والا چوک، چانری اسٹاپ، ٹنڈوباگو روڈ پر بھی ریسنگ اور ون وہیلنگ کرتے نظر آتے ہیں تہواروں کے دنوں میں تو ان نوجوان کی سرگرمیوں میں مزید اضافہ ہو جاتا ہے ان نوجوانوں کی ون وہیلنگ اور ریسنگ کی وجہ سے شہری شدید پریشانی میں مبتلا ہیں ۔شہریوں کے مطابق یہ نوجوان ناصرف اپنی زندگیوں کو خطرے میں ڈال رہے ہیں بلکہ ان کی وجہ سے راہگیروں کو بھی پریشانی ہوتی ہے کہ اگر ان کا زرا بھی توازن بگڑا تو کوئی بڑا حادثہ پیش آسکتا ہے اور جانی نقصان کا خدشہ ہے جس کے پیش نظر شہریوں نے متعدد بار زبانی اور سوشل میڈیا کے ذریعے ایس ایچ او تھانہ تلہار کو آگاہ کیا اور ان نوجوانوں کے خلاف کارروائی کا مطالبہ کیا لیکن کوئی نوٹس نہیں لیا گیا۔ شہر کی جانب سے ایس ایس پی بدین سے مطالبہ کیا گیا ہے کہ وہ شہر میں ون وہیلنگ ریس کا نوٹس لیں اور شہر میں 18سال کی عمر کے ہر نوجوان پربغیر لائسنس کے موٹرسائیکل چلانے پر مکمل پابندی عائد کردی جائے تو ون وہیلنگ مسئلہ ہمیشہ کے لیے ختم ہو جائے گا۔
.
ذریعہ
ذریعہ: Jasarat News
کلیدی لفظ: اور ون وہیلنگ ہائی وے پر ان نوجوان گیا ہے
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ