قدرتی شفا کا خزانہ: سرسوں کا تیل صحت، خوبصورتی اور سردیوں میں بے حد مفید
اشاعت کی تاریخ: 9th, November 2025 GMT
data-id="863a0a8" data-element_type="widget" data-widget_type="theme-post-content.default">
سرسوں کا تیل برصغیر کی دیسی روایات میں ہمیشہ سے خاص اہمیت رکھتا ہے، یہ نہ صرف کھانوں کا ذائقہ بڑھاتا ہے بلکہ صحت، خوبصورتی اور گھریلو علاج میں بھی انتہائی مؤثر مانا جاتا ہے۔
طبی ماہرین کے مطابق سرسوں کے تیل میں وٹامن ای، اومیگا تھری فیٹی ایسڈز، اینٹی آکسیڈنٹس اور قدرتی اجزا پائے جاتے ہیں جو جسم کو اندرونی اور بیرونی طور پر مضبوط بناتے ہیں۔
غذائی ماہرین کا کہنا ہے کہ سرسوں کے تیل میں ایسے اجزا موجود ہیں جو دل کے لیے مفید ہیں، خون میں کولیسٹرول کی سطح کو متوازن رکھتے ہیں اور شریانوں کو بند ہونے سے بچاتے ہیں۔ اس کے باقاعدہ استعمال سے بلڈ پریشر قابو میں رہتا ہے اور دل کے امراض کے خطرات کم ہوتے ہیں۔
طبی ماہرینِ جلد کے مطابق سردیوں میں سرسوں کا تیل خشک جلد کے لیے بہترین قدرتی موئسچرائزر ہے، یہ جلد کو نرم، ملائم اور چمکدار بناتا ہے اور جھریوں یا خشکی سے تحفظ فراہم کرتا ہے۔ بچوں کو سرد موسم میں اس تیل کی ہلکی مالش سے جسم میں حرارت پیدا ہوتی ہے اور قوتِ مدافعت بڑھتی ہے۔
بالوں کے ماہرین کے مطابق سرسوں کے تیل کی مالش بالوں کی جڑوں کو مضبوط کرتی ہے، خشکی ختم کرتی ہے اور بالوں کو گھنا اور چمکدار بناتی ہے۔ یہ قدرتی کنڈیشنر کے طور پر کام کرتا ہے اور ٹوٹے ہوئے بالوں کے لیے مفید سمجھا جاتا ہے۔
دیسی طریقہ علاج کے ماہرین کے مطابق سرسوں کا تیل جوڑوں کے درد، نزلہ زکام اور جسمانی تھکن کے لیے بھی بہترین گھریلو علاج ہے۔ نزلہ زکام کی صورت میں تیل کو نیم گرم کرکے پاؤں کے تلوؤں یا سینے پر مالش کرنے سے آرام ملتا ہے۔ اسی طرح جوڑوں یا پٹھوں کے درد میں سرسوں کے تیل سے ہلکی مالش خون کی روانی بہتر بناتی ہے اور سوجن کم کرتی ہے۔
طبی ماہرین کا مشورہ ہے کہ سرسوں کا تیل ہمیشہ خالص اور صاف شدہ استعمال کیا جائے، کیونکہ غیر معیاری یا ملاوٹ شدہ تیل نقصان دہ ہو سکتا ہے، اعتدال کے ساتھ اس کا روزمرہ استعمال صحت، خوبصورتی اور توانائی کے لیے قدرتی تحفہ ثابت ہو سکتا ہے۔
ذریعہ
ذریعہ: Jasarat News
کلیدی لفظ: سرسوں کا تیل سرسوں کے تیل کے مطابق کے لیے ہے اور
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار