الطاف وانی کا کشمیریوں پر بھارتی مظالم کو بے نقاب کرنے پر انسانی حقوق کے ماہرین کا شکریہ
اشاعت کی تاریخ: 9th, November 2025 GMT
انہوں نے کہا کہ ایسے وقت میں جب سچائی دبائی جا رہی ہے اور مظلوموں کی آوازیں خاموش کی جا رہی ہیں، ماہرین کی اصولی مداخلت، احتساب اور انصاف کے لیے ایک روشن مینار کی حیثیت رکھتی ہے۔ اسلام ٹائمز۔ کشمیر انسٹیٹیوٹ آف انٹرنیشنل ریلیشنز (KIIR) کے چیئرمین الطاف حسین وانی نے مقبوضہ جموں و کشمیر میں انسانی حقوق کی منظم پامالیوں، ریاستی جبر اور شہری املاک کی غیر قانونی مسماری کی جرات مندانہ اور غیر جانبدارانہ چھان بین پر اقوامِ متحدہ کے انسانی حقوق کے ماہرین کا دل کی گہرائیوں سے شکریہ ادا کیا ہے۔ ذرائع کے مطابق الطاف وانی نے ایک بیان میں اس سلسلے میں نہایت باریک بینی سے تیار کردہ اور مستندد رپورٹ پر اقوامِ متحدہ کے انسانی حقوق کے خصوصی نمائندگان بالخصوص پروفیسر بین سول (Ben Saul) اور دیگر مینڈیٹ ہولڈرز کو خراجِ تحسین پیش کیا جس میں بھارت کے ریاستی ظلم و جبر کا پردہ چاک کرتے ہوئے کشمیریوں کو درپیش مظالم کی اصل حقیقت آشکار کی گئی ہے۔ انہوں نے کہا کہ ایسے وقت میں جب سچائی دبائی جا رہی ہے اور مظلوموں کی آوازیں خاموش کی جا رہی ہیں، ماہرین کی اصولی مداخلت، احتساب اور انصاف کے لیے ایک روشن مینار کی حیثیت رکھتی ہے۔
انہوں نے کہا کہ مشترکہ اعلامیہ اس بات کی توثیق کرتا ہے کہ کوئی بھی ریاست سلامتی کے نام پر مظالم کو چھپا نہیں سکتی اور یہ کہ ہر انسان کی حرمت، حقوق اور آزادی ناقابلِ تنسیخ ہیں۔ الطاف وانی نے کہا کہ اقوامِ متحدہ کے ماہرین کا یہ کام ایک واضح پیغام ہے کہ استثنیٰ ناقابلِ قبول ہے اور دنیا سب کچھ دیکھ رہی ہے۔ انہوں نے کہا کہ ماہرین نے درست طور پر نشاندہی کی ہے کہ ظالمانہ اور امتیازی پالیسیاں انتہا پسندی کو ختم نہیں کرتیں بلکہ ریاستی جبر کے شکار عوام کو لگے زخموں کو گہرا اور پائیدار سلامتی کے لیے ضروری اعتماد کو متزلزل کرتی ہیں۔ انہوں نے کہا کہ ماہرین کے مشاہدات کسی دشمنی پر مبنی نہیں بلکہ انصاف کے بنیادی تقاضوں کی نمائندگی کرتے ہیں جس میں بھارتی حکومت سے گرفتار شدگان کی فہرستیں منظرِ عام پر لانے، مسماریوں کی قانونی بنیاد واضح کرنے اور غیر قانونی ہلاکتوں کی تحقیقات کرانے کے مطالبات شامل ہیں۔ انہوں نے کہا کہ اب وقت آ گیا ہے کہ بھارتی حکومت اقوامِ متحدہ کے مینڈیٹ ہولڈرز کی اس واضح اپیل پر عمل کرے جس میں آزاد تحقیقات، مجرموں کے احتساب اور انصاف کے اصولوں سے ہم آہنگ سکیورٹی پالیسی اپنانے کا مطالبہ کیا گیا ہے۔
ذریعہ
ذریعہ: Islam Times
کلیدی لفظ: انہوں نے کہا کہ انصاف کے متحدہ کے جا رہی
پڑھیں:
مشرق وسطیٰ کی صورتحال کنٹرول سے باہر ہوتی جارہی ہے، سیکریٹری جنرل اقوام متحدہ
نیویارک:اقوام متحدہ کے سیکریٹری جنرل انتونیو گوتریس نے خبردار کیا ہے کہ مشرق وسطیٰ کی صورتحال تیزی سے قابو سے باہر ہوتی جا رہی ہے اور پورا خطہ ایک ایسے خطرناک موڑ پر پہنچ چکا ہے جس کے نتائج ناقابلِ تصور ہو سکتے ہیں۔
سلامتی کونسل کے اجلاس سے خطاب کرتے ہوئے انتونیو گوتریس نے کہا کہ مشرقِ وسطیٰ ناقابلِ تصور تباہی کے کنارے پر کھڑا ہے اور خطہ مسلسل وسیع ہوتے ہوئے تصادم کے دائرے میں کھنچتا جا رہا ہے۔
انہوں نے کہا کہ صورتحال قابو سے باہر ہو رہی ہے ایک بحران دوسرے بحران کو جنم دے رہا ہے جبکہ ہر روز نئی کشیدگی مزید خطرناک حالات پیدا کر رہی ہے۔
اقوامِ متحدہ کے سربراہ کے مطابق جیسے جیسے تنازع پھیل رہا ہے ویسے ویسے سیاسی مقاصد پس منظر میں چلے جا رہے ہیں اور تصادم خود ہی ایک مستقل بحران کی شکل اختیار کرتا جا رہا ہے۔
انہوں نے عالمی برادری پر زور دیا کہ مزید کشیدگی کو روکنے اور خطے میں امن و استحکام کے لیے فوری اور مؤثر اقدامات کیے جائیں کیونکہ موجودہ حالات نہ صرف مشرقِ وسطیٰ بلکہ عالمی امن کے لیے بھی سنگین خطرہ بن سکتے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار