لاہور؛ دفاتر جاتی خواتین کو ٹارگٹ کرنے والا جھپٹا مار گینگ گرفتار، ویڈیو بھی سامنے آگئی
اشاعت کی تاریخ: 25th, June 2025 GMT
لاہور:
شہر میں دفاتر جاتی خواتین کو ٹارگٹ کرنے والے جھپٹا مار گینگ کو ٹھوکر سے گرفتار کر لیا گیا۔
ایس ایچ او فیصل ٹاؤن افضال رؤف نے پولیس ٹیم کے ہمراہ کارروائی کی۔ دوران کارروائی 3 رکنی گروپ کو ٹریس کرکے ٹھوکر سے گرفتار کیا گیا۔
سی سی ٹی وی فوٹیج میں ملزمان کو دفتر جاتی خاتون کا پرس چھینتے دیکھا جا سکتا ہے۔ ملزمان صبح کے وقت دفتر، کالج اور یونیورسٹی جاتی خواتین کو ٹارگٹ کرتے تھے۔
ایس پی ماڈل ٹاؤن اخلاق اللہ تارڑ کا کہنا تھا کہ ملزمان جھپٹا، چوری اور ڈکیتی کے مقدمات میں سابقہ ریکارڈ یافتہ بھی ہیں۔ ملزمان سے 9 موبائل فون اور ڈیڑھ لاکھ سے زائد چھینی گئی نقدی جبکہ چوری شدہ موٹر سائیکل اور ناجائز اسلحہ بھی برآمد کیا گیا۔
اخلاق اللہ تارڑ کے مطابق ملزمان شہزاد، بلال اور اکرم کے خلاف مقدمہ درج کرکے تفتیش جاری ہے۔ اسٹریٹ کریمنلز کا خاتمہ اولین ترجیحات میں شامل ہے۔
.ذریعہ: Express News
پڑھیں:
اہلکار کے قتل کیخلاف واپڈا ہائیڈرو یونین نے دفاتر کی تالہ بندی کی
data-id="863a0a8" data-element_type="widget" data-widget_type="theme-post-content.default">
نوشہروفیروز(نمائندہ جسارت)سکھر میں قتل ہونے والے ایل ایس فہیم سمیجو کے قتل کیخلاف واپڈا ہائیڈرو یونین سراپا احتجاج واپڈا ہائیڈرویونین نے دفاتر کی تالہ بندی کرکے آفیس کے باہر دھرنا کیمپ قائم کرلیا۔ دھرنا واپڈا ہائیڈرو یونین کے ڈویژنل چیئرمین فاروق کلہوڑو،ڈویژنل سیکرٹری شاہد سموں، ژونل وائس چیئرمین ولی محمد بھاگت، ڈویژنل وائس چیئرمین یعقوب عالمانی، اسلم شر کی قیادت میں جاری ہے۔ مقتول لائن سپرنٹنڈنٹ کے قاتلوں کی گرفتاری کیلئے شدید نعرے بازی جاری ہے ۔ مظاہرین کا کہنا ہے کہ شدید گرمی میں ہمارے ورکرز اپنے فرائض انجام دیتے ہیں اب ان کی زندگیاں بھی محفوظ نہیں ۔مقتول ایل ایس فہیم سمیجو کے قاتل گرفتار نہ ہوئے تو دمادم مست قلندر ہوگا ۔سکھر پولیس فوری طور پر قاتلوں کو گرفتار کرکے واپڈا لیبر کو تحفظ فراہم کرے مقتول کے قاتل فوری گرفتار نہ ہوئے تو سندھ بھر کے واپڈا دفاتر کی تالہ بندی کرکے احتجاج کا دائرہ بڑھائیں گے ۔
محرابپور،خسرہ کامریض بچہ چل بسا