پنجاب اسمبلی: بلال یامین کا اپوزیشن رکن اعجاز شفیع پر گھڑی چوری کے الزام کا ڈراپ سین
اشاعت کی تاریخ: 25th, June 2025 GMT
—فائل فوٹو
پنجاب اسمبلی میں بلال یامین کا اپوزیشن رکن اعجاز شفیع پر گھڑی چوری الزام کا ڈراپ سین ہو گیا۔
اسپیکر کی جانب سے بنائی جانے والی کمیٹی نے بلال یامین کے الزام کوغلط قرار دے دیا۔
بجٹ پیش کرنے کے موقع پر ہنگامہ آرائی میں حکومتی رکن بلال یامین کی گھڑی گم ہو گئی تھی، بلال یامین نے اپوزیشن رکن اعجاز شفیع پر اپنی گھڑی چوری کرنے کا الزام عائد کیا تھا۔
اب حکومتی رکن بلال یامین نے ایوان میں میاں اعجاز شفیع سے معذرت کر لی ہے اور کہا ہے کہ اسپیکر کی قائم کی گئی کمیٹی کی رپورٹ سے متفق ہوں، مجھے اس وقت یہ محسوس ہوا کہ اعجاز شفیع نے میری گھڑی اتاری ہے۔
بلال یامین کا کہنا ہے کہ الزام کے باعث اعجاز شفیع کی دل آزاری ہوئی ہے تو ان سے معذرت چاہتا ہوں۔
اس موقع پر میاں اعجاز شفیع نے کہا کہ اسپیکر پنجاب اسمبلی حکومتی ارکان کو رولز اور تہذیب سکھانے کا بندوبست کریں، اس طرح کے الزامات سے پگڑی اچھالنے کا سلسلہ غلط ہے۔
ایجنڈا مکمل ہونے پر پنجاب اسمبلی کا اجلاس کل صبح 11 بجے تک ملتوی کر دیا گیا۔
.ذریعہ: Jang News
کلیدی لفظ: پنجاب اسمبلی بلال یامین اعجاز شفیع
پڑھیں:
چیف الیکشن کمشنر الیکشن چوری کی تحقیقات میں رکاوٹیں ڈال رہے ہیں‘راہل گاندھی
data-id="863a0a8" data-element_type="widget" data-widget_type="theme-post-content.default">
250921-08-23
دہلی(مانیٹرنگ ڈیسک )انڈین پارلیمنٹ (لوک سبھا) میں قائد حزب اختلاف راہل گاندھی نے ایک بار پھر وزیر اعظم نریندر مودی پرووٹ چوری کے الزمات کو دہراتے ہوئے کہا ہے کہ چیف الیکشن کمشنر یانیش کمار کرناٹک سی آئی ڈی کو معلومات فراہم کرنے میں بھی رکاوٹیں ڈال رہے ہیں۔سماجی رابطے کی ویب سائٹ’’ ایکس‘‘ پر موجود ویڈیو کلپ میں صحافیوں سے گفتگو میں راہل گاندھی کو سنا جا سکتا ہے کہ ہم نے پریس کانفرنس کے دوران جو کچھ دکھایا وہ سیاہ اور سفید ہے ،کرناٹک میں سی آئی ڈی کی تحقیقات جاری ہیں۔یاد رہے کہ راہول گاندھی پچھلے کچھ عرصے سے الیکشن میں ووٹ چوری کے الزامات لگا رہے ہیں۔ دوسری جانب الیکشن کمیشن نے ان الزامات کی تردید کرتے ہوئے وضاحت بھی جاری کر دی ہے۔ راہل گاندھی نے چیف الیکشن کمشنر پر الزام لگاتے ہوئے کہا ہے کہ سی آئی ڈی نے خاص طور پر ان فون نمبروں کے بارے میں معلومات مانگی ہیں جو ووٹ چوری کے لیے استعمال کیے گئے تھے تاہم چیف الیکشن کمشنریانیش کمار وہ معلومات نہیں دے رہے ہیں جو سی آئی ڈی مانگ رہی ہے۔راہل گاندھی نے کہا کہ سی ای سی کے خلاف ووٹ کی چوری کا اس سے بڑا کوئی ثبوت نہیں ہو سکتا ،پولیس معلومات مانگ رہی ہے اور انڈیا کے الیکشن کمشنر تعاون نہیں کر رہے۔ انہوں نے ایک بار پھر دعویٰ کرتے ہوئے کہا کہ ہم نے جو مہادیو پورہ اور نالندہ میں کیا اس کے بعد انڈیا میں کسی کے ذہن میں یہ شک نہیں رہے گا کہ نریندر مودی نے ووٹ چوری کیا ہے۔ کانگریس راہنما نے کہاکہ میں یہ پہلے بھی کہہ چکا ہوں ہم ایک تہلکہ خیز انکشاف کرنے جا رہے ہیں جو صورتحال کو مکمل طور پر بدل دے گا کیونکہ ہمارے پاس اپنی بات کے ٹھوس ثبوت ہیں۔
عافیہ رہائی :ڈاکٹر فوزیہ کی برطانیہ میں تقاریب میں شرکت