بلوچستان میں ترقیاتی منصوبوں کیلیے عالمی بینک نے قرض کی منظوری دیدی
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:عالمی بینک نے پاکستان کے لیے اہم مالی تعاون کی منظوری دے دی، جس کے تحت 19 کروڑ 40 لاکھ ڈالر کی رقم بلوچستان میں جاری ترقیاتی منصوبوں پر خرچ کی جائے گی۔ یہ قرض صرف صوبے کے بنیادی مسائل کے حل میں مدد دے گا بلکہ مقامی سطح پر معیشت اور روزگار کے مواقع کو فروغ دینے کا باعث بھی بنے گا۔
اعلامیے کے مطابق یہ رقم بلوچستان میں دو اہم نوعیت کے منصوبوں پر صرف کی جائے گی۔ پہلا منصوبہ تعلیم کے شعبے سے متعلق ہے، جس کا بنیادی مقصد بچوں کے لیے معیاری اور مؤثر تعلیمی مواقع کی فراہمی ہے اور دوسرا منصوبہ بلوچستان کی پانی کی ضروریات سے جڑا ہوا ہے، جس کے تحت واٹر سیکورٹی کے اقدامات کو مؤثر بنانے اور ماحولیاتی تبدیلیوں کے اثرات کا مقابلہ کرنے کی کوشش کی جائے گی۔
عالمی بینک کے کنٹری ڈائریکٹر ناجے بن ہیسن کے مطابق ان منصوبوں کا مقصد بلوچستان جیسے پسماندہ علاقے میں تعلیمی خلا کو پر کرنا ہے، جہاں اسکولوں کی دستیابی، بنیادی سہولیات اور بچوں کا تعلیمی رجحان دیگر صوبوں کی نسبت کم ہے۔ انہوں نے کہا کہ تعلیم ایک ایسا شعبہ ہے جو طویل المدتی ترقی کی بنیاد فراہم کرتا ہے اور اگر بلوچستان میں تعلیمی معیار کو بہتر بنایا جائے تو صوبے کی معاشی حالت میں بھی بہتری آ سکتی ہے۔
پانی کے منصوبے کے حوالے سے عالمی بینک کے نمائندوں نے واضح کیا کہ بلوچستان واٹر سیکورٹی پراجیکٹ صوبے کو خشک سالی، پانی کی کمی اور موسمیاتی تبدیلی کے دیگر منفی اثرات سے محفوظ بنانے کی جانب ایک اہم قدم ہے۔ یہ منصوبہ صرف پانی کے ذخیرے یا ترسیل تک محدود نہیں بلکہ اس میں واٹر مینجمنٹ، سسٹین ایبل ایگریکلچر اور مقامی آبادی کی تربیت جیسے عناصر بھی شامل ہوں گے۔
بلوچستان جیسے خطے میں جب انسانی ترقی، انفرااسٹرکچر اور قدرتی وسائل پر بیک وقت سرمایہ کاری کی جاتی ہے تو اس کے نتیجے میں روزگار کے مواقع میں اضافہ ہوتا ہے، مقامی معیشت کو سہارا ملتا ہے اور غربت میں کمی واقع ہوتی ہے۔ اس لیے ان منصوبوں کو صرف مالی تعاون کے تناظر میں نہیں بلکہ ایک سماجی تبدیلی کے محرک کے طور پر بھی دیکھا جانا چاہیے۔
واضح رہے کہ حال ہی میں ایشیائی ترقیاتی بینک نے بھی پاکستان کو مالی تعاون فراہم کیا ہے۔ اے ڈی بی نے پاکستان کے لیے 35 کروڑ ڈالر قرض کی منظوری دی تھی، جسے خواتین کی مالی شمولیت اور بینکنگ رسائی میں بہتری کے لیے استعمال کیا جانا ہے۔ اے ڈی بی کے مطابق پاکستان میں خواتین کا مالیاتی نظام سے کمزور تعلق معیشت کی بڑی رکاوٹوں میں سے ایک ہے اور اس منصوبے سے خواتین کی خود مختاری میں اضافہ ہوگا۔
.
ذریعہ
ذریعہ: Jasarat News
کلیدی لفظ: بلوچستان میں عالمی بینک کے لیے ہے اور
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار