اگلی سرکاری تعطیلات کب ہوں گی؟ جانیے
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان میں نیا ہجری سال 1447ھ، محرم الحرام کا آغاز 27 جون بروز جمعہ سے ہونے کا امکان ہے جبکہ یوم عاشورہ اتوار 6 جولائی کو ہوگا۔
میڈیا رپورٹس کےمطابق مرکزی رویت ہلال کمیٹی کا اجلاس 25 جون بروز بدھ کو چیئرمین مولانا عبدالخبیر آزاد کی زیر صدارت کوئٹہ میں منعقد ہوگا، جب کہ زونل کمیٹیاں لاہور، کراچی، پشاور، اسلام آباد سمیت مختلف شہروں میں چاند دیکھنے کے لیے اجلاس کریں گی۔
رویت ہلال ریسرچ کونسل کے مطابق محرم الحرام کا چاند 25 جون کو پاکستانی وقت کے مطابق سہ پہر 3 بج کر 32 منٹ پر پیدا ہوگا، چاند کی عمر غروب آفتاب تک 27 گھنٹے سے زائد ہو چکی ہو گی جبکہ غروب شمس اور غروب قمر کے درمیان فرق مختلف شہروں میں 74 سے 76 منٹ تک ہوگا، جو کہ چاند دیکھنے کے لیے مناسب وقت مانا جاتا ہے۔
ماہرین فلکیات کا کہنا ہے کہ ملک بھر میں چاند دیکھنا آسان ہوگا، لہٰذا یکم محرم الحرام 27 جون کو ہونے کا قوی امکان ہے۔
رواں سال عاشورہ یعنی 10 محرم الحرام 6 جولائی بروز اتوار کو ہوگا، جب کہ 9 محرم ہفتہ 5 جولائی کو آئے گا چونکہ یہ دونوں ایام ہفتہ اور اتوار کے دن پڑ رہے ہیں، اس لیے سرکاری ملازمین کو کسی اضافی چھٹی کا امکان نہیں ہوگا، کیونکہ یہ ایام پہلے ہی ویک اینڈ کا حصہ ہوتے ہیں۔
محرم الحرام اسلامی سال کا پہلا مہینہ ہے اور اسے اسلامی کیلنڈر میں حرمت والے مہینوں میں شمار کیا جاتا ہے۔ دنیا بھر کے مسلمان خصوصاً محرم کی 9 اور 10 تاریخ کو حضرت امام حسینؓ اور اُن کے جانثار ساتھیوں کی کربلا میں دی گئی قربانیوں کی یاد میں مجالس اور جلوس منعقد کرتے ہیں، پاکستان بھر میں بھی ان ایام کو مذہبی عقیدت و احترام سے منایا جاتا ہے۔
سرکاری و نجی اداروں، سیکیورٹی اداروں اور بلدیاتی اداروں نے محرم الحرام کے دوران امن و امان برقرار رکھنے کے لیے پیشگی اقدامات کی تیاری شروع کر دی ہے۔
.
ذریعہ
ذریعہ: Jasarat News
کلیدی لفظ: محرم الحرام
پڑھیں:
سارا انعام قتل کیس: شاہنواز امیر کی اپیلوں پر سماعت موسم گرما کی تعطیلات کے بعد تک ملتوی
---فائل فوٹواسلام آباد ہائی کورٹ نے سارا انعام قتل کیس میں سزا یافتہ مجرم شاہنواز امیر کی سزا کے خلاف اپیل اور دیگر متعلقہ اپیلوں کی سماعت موسم گرما کی تعطیلات کے بعد تک ملتوی کر دی۔
کیس کی سماعت جسٹس خادم حسین سومرو اور جسٹس محمد آصف نے کی، مجرم کی والدہ ثمینہ شاہ کی بریت کے خلاف درخواست بھی زیرِ سماعت آئی۔
سماعت کے دوران شاہنواز امیر کی جانب سے وکیل چوہدری عبدالعزیز جبکہ مقتولہ سارا انعام کے والد کی جانب سے رضوان عباسی عدالت میں پیش ہوئے۔
جسٹس ارباب محمد طاہر اور جسٹس انعام امین منہاس نے کیس کی سماعت کی۔
جسٹس خادم حسین سومرو نے استفسار کیا کہ کیا فریقین دلائل کے لیے تیار ہیں جس پر دونوں جانب کے وکلا نے آمادگی ظاہر کی، بعد ازاں وکیل چوہدری عبدالعزیز نے دلائل کا آغاز کرتے ہوئے سب سے پہلے ایف آئی آر کا متن پڑھا۔
وکیل نے مؤقف اختیار کیا کہ اس مقدمے میں ایاز امیر ابتدا ہی میں کیس سے ڈسچارج ہو گئے تھے اور اس حکم کو کسی فورم پر چیلنج نہیں کیا گیا۔
انہوں نے بتایا کہ ثمینہ شاہ کو بھی ٹرائل کورٹ نے عدم شواہد کی بنیاد پر بری کیا تھا تاہم اس وقت ان کے وکیل عدالت میں موجود نہیں تھے۔
عدالت نے آئندہ تاریخ کے حوالے سے فریقین سے رائے طلب کی جس پر رضوان عباسی نے سماعت آئندہ ہفتے یا موسم گرما کی تعطیلات کے بعد مقرر کرنے کی استدعا کی۔
اسلام آباداسلام آباد کی مقامی عدالت نے سارہ...
بعد ازاں عدالت نے کیس کی سماعت موسم گرما کی تعطیلات کے بعد تک ملتوی کر دی۔
واضح رہے کہ ستمبر 2022ء میں سارا انعام کو ان کے شوہر شاہنواز امیر نے قتل کر دیا تھا جبکہ ٹرائل کورٹ شاہنواز امیر کو سزائے موت سنا چکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ