پاکستان کی حمایت کو کبھی فراموش نہیں کریں گے، ایرانی سفیر
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد(صباح نیوز)پاکستان میں ایران کے سفیرِ ڈاکٹر رضا امیری مقدم نے کہا ہے کہا یرانی عوام پاکستان کے بھائی چارے اور حمایت کے اس تاریخی اظہار کو کبھی فراموش نہیں کریں گے۔ ایکس پر اپنے پیغام میں انہوں نے کہا ہے کہ ایران کی عظیم قوم ایک باوقار اور فیصلہ کن فتح کا جشن منا رہی ہے،پاکستان کی حکومت اور عوام کو تہہ دل سے خراج تحسین پیش کرنا چاہتا ہوں، پاکستان نے غیرمتزلزل یکجہتی اور حمایت کا مظاہرہ کرتے ہوئے پورے عزم کے ساتھ ہمارے شانہ
بشانہ کھڑا ہے،پاکستان کے صدر آصف علی زرداری ،وزیراعظم شہباز شریف کا خاص طور پر شکرگزار ہوں، فیلڈ مارشل عاصم منیر، اسحاق ڈار نائب وزیراعظم، خواجہ آصف وزیر دفاع، قومی اسمبلی اور سینیٹ کے معزز اراکین کے ساتھ ساتھ، علمائے کرام، سیاسی جماعتوں اور پاکستان کے میڈیا اداروں کو ان کے اصولی اور جرأت مندانہ حمایت پر مبارکباد دیتا ہوں۔ اقوام متحدہ، سلامتی کونسل اور اسلامی تعاون تنظیم سمیت مختلف بین الاقوامی پلیٹ فارمز میں اسلامی جمہوریہ ایران کی مسلسل اور مضبوط حمایت پر پاکستان کی وزارت خارجہ کا بھی تہہ دل سے شکریہ ادا کرتا ہوں۔یہ تاریخی فتح فخر، طاقت، خود اعتمادی، ہمت اور باطل پر حق کی حتمی فتح کی ایک لازوال علامت کے طور پر امت مسلمہ کی اجتماعی یاد میں نقش ہو جائے گی۔
ذریعہ: Jasarat News
پڑھیں:
اسحاق ڈار سے ایرانی وزیر خارجہ کا رابطہ‘ پاک افغان کشیدگی میں کمی کیلیے تعاون کی پیشکش
data-id="863a0a8" data-element_type="widget" data-widget_type="theme-post-content.default">
251110-01-10
تہران (مانیٹرنگ ڈیسک) نائب وزیراعظم اور وزیر خارجہ اسحاق ڈار اور ایرانی وزیر خارجہ سید عباس عراقچی کے درمیان ٹیلیفونک رابطہ ہوا، اس دوران دوطرفہ تعلقات علاقائی اور عالمی امور پر تبادلہ خیال کیا گیا۔ ایران کے خبر رساں ادارے کے مطابق دونوں رہنماؤں نے پاک ایران تعلقات کے فروغ کے عزم کا اعادہ کیا، ایرانی وزیرِ خارجہ نے پاکستان اور افغانستان کی صورتحال پر تشویش کا اظہار کرتے ہوئے مذاکرات جاری رکھنے اور اختلافات کے پرامن حل پر زور دیا۔ ایران نے پاک، افغان کشیدگی میں کمی اور خطے کے استحکام کے لیے ہر ممکن تعاون کی پیشکش کی۔ ایرانی وزیرِ خارجہ نے دونوں برادر، ہمسایہ اور مسلم ممالک کے دیرینہ دوستانہ تعلقات کی اہمیت پر زور دیتے ہوئے کہا کہ ایران مختلف شعبوں میں تعاون کو فروغ دینے اور مزید گہرا کرنے کا پختہ عزم رکھتا ہے۔ عباس عراقچی نے افغانستان اور پاکستان کے درمیان جاری کشیدگی پر تشویش ظاہر کی اور کہا کہ دونوں ممالک کو علاقے کے مؤثر ممالک کے تعاون سے اختلافات کے حل اور تناؤ میں کمی کے لیے مسلسل مذاکرات جاری رکھنے کی ضرورت ہے۔ انہوں نے اس سلسلے میں ایران کی مکمل معاونت فراہم کرنے کے عزم کا اعادہ بھی کیا۔ پاکستانی وزیرِ خارجہ نے پاکستان اور افغانستان کے درمیان حالیہ مذاکرات اور پیش رفت سے اپنے ایرانی ہم منصب کو آگاہ کیا اور خطے میں امن و استحکام برقرار رکھنے کی اہمیت پر زور دیا۔ اس موقع پر دونوں وزرائے خارجہ نے ان امور پر مشاورت کے تسلسل پر اتفاق کیا۔
سوڈان میں جنگی جرائم کا خدشہ، عالمی فوجداری عدالت کا سخت انتباہ