مون سون بارشوں سے قبل نالوں کی صفائی یقینی بنائی جائے، سنی تحریک
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)پاکستان سنی تحریک کے سینئر مرکزی نائب صدر محمد خالد قادری نے اپنے بیان میں وزیر اعلی سندھ، وزیر بلدیات سے مطالبہ کیا ہے کہ مون سون بارشوں سے قبل نالوں/ گٹر اور بجلی کے نظام کو درست کرنے کیلئے سندھ بھر میں اقدامات کیے جائیں، ہر سال بارشیں ہوتی ہیں اور نقصان عوام کا ہوتا ہے جبکہ حکومت اور متعلقہ ادارے صرف اجلاسوں اور بیانات تک محدود ہوتے ہیں یہی وجہ ہے کہ ہر سال مسائل ہوتے ہیں کیونکہ ان مسائل کا مستقل حل نکالا ہی نہیں جاتا، سیوریج کے ناقص نظام کو درست کیا ہی نہیں جاتا۔ بارشیں اللہ کی طرف سے نعمت ہوتی ہیں مگر حکمرانوں کی نااہلی اور متعلقہ محکموں کی عدم دلچسپی کی وجہ سے عوام نہ صرف اذیت میں مبتلا ہوتی ہے بلکہ نقصانات سے بھی دوچار ہوتی ہے۔،ہر سال سندھ بھر میں ترقیاتی کاموں/ ضلعی حکومتوں کے اربوں روپیہ خرچ ہوتے ہیں مگر ایک شہر،ایک تعلقہ،ایک علاقہ نہیں دکھایا جاسکتا، جہاں پانی، بجلی سیوریج کا نظام بلکل درست ہو۔ انہوں نے کہا ہے کہ حکومت اور ضلعی حکومتیں/انتظامیہ خود عوام کی دشمن ہے درخت لگانے کے بجائے انہیں کاٹ دیا جاتا ہے کوئی پوچھنے والا نہیں ہے درختوں کو مکمل کاٹنے کے بجائے چھانٹی/کٹنگ کی جائے، درخت ختم کرنا انسان دشمنی ہے ہر ادارہ درخت پودے لگا کر انکی دیکھ بھال کرے تاکہ بڑھتی ہوئی درجہ حرارت اور آلودگی پر قابو پایا جا سکے۔ محمد خالد قادری نے کہا کہ ڈپٹی کمشنر اور میئر حیدرآباد ذاتی دلچسپی لیکر نالوں/گٹر کی صفائی کو یقینی بنائیں، اسٹریٹ لائٹ کے نظام کو بہتر بنائیں اور جگہ جگہ پودے/درخت لگائے جائیں۔ بالخصوص قبرستانوں کی حالت زار کو بھی درست کیا جائے اور جن قبرستانوں میں گٹر لائن کا گندہ پانی جاتا ہے قبروں کی بے حرمتی ہوتی ہے اسکی روک تھام کیلئے اقدامات کیے جائیں، قبرستانوں میں اور باہر راستوں پر بھی درخت لگائے جائیں۔
.ذریعہ: Jasarat News
پڑھیں:
پنجاب حکومت دسمبر میں بلدیاتی الیکشن کی خواہاں، نیا نظام متعارف کروایا جائے گا
لاہور:پنجاب حکومت دسمبر میں بلدیاتی انتخابات کے انعقاد کی خواہاں ہے، اس سلسلے میں نیا نظام متعارف کروایا جائے گا۔
پنجاب میں لوکل گورنمنٹ بل 2025 قائمہ کمیٹی سے منظور کروا لیا گیا ہے۔ چیئرمین کمیٹی پیر اشرف رسول کے مطابق ہم نے بل منظور کر لیا ہے اور اب اسمبلی سے منظور ہو گا۔
حکومتی ذرائع کا کہنا ہے کہ حکومت پنجاب اس سال دسمبر میں بلدیاتی انتخابات کروانے کی خواہاں ہے۔ بل کے تحت پنجاب میں نیا بلدیاتی نظام متعارف کروایا جائے گا، نئی حلقہ بندیاں ہوں گی، جن میں ڈسٹرکٹ انتظامیہ الیکشن کمیشن کو مدد فراہم کرے گی۔
چیئرمین قائمہ کمیٹی کے مطابق یونین کونسل میں سے وارڈ سسٹم ختم، ایک یونین کونسل سے 9 ممبر منتخب ہوں گے۔ منتخب ہونے والے ممبرز کو ایک ماہ میں سیاسی جماعت میں شامل ہونا ہو گا۔ 9 منتخب ہونے والے ممبر اپنا چیئرمین و وائس چیئرمین خود چنیں گے۔ 9 منتخب ہونے والے ممبرز ریزرو سیٹوں کے ممبرز چنیں گے۔
پنجاب اسمبلی کی قائمہ کمیٹی برائے لوکل گورنمنٹ کی تجویز پر ڈی سی کو ضلعی کمیٹیوں چیئرمین بنانے کی متنازع شق میں تبدیلی کر دی گئی ہے۔ بل میں ترمیم کے مطابق ضلعی کمیٹیوں کے چیئرمین عوامی نمائندے ہوں گے، ڈی سی شریک چیئرمین ہوں گے۔
اس سے پہلے حکومت پنجاب نے لوکل گورنمنٹ بل 2025 میں ضلعی کمیٹیوں کا چیئرمین ڈی سی کو تعینات کرنے کی تجویز کی تھی۔ حالیہ ترمیم پنجاب اسمبلی کی قائمہ کمیٹی برائے لوکل گورنمنٹ کی متفقہ تجویز پر کی گئی ہے۔
بل میں ترمیم کے مطابق آبادی کے حساب سے سب سے بڑی مقامی حکومت کا ہیڈ 6 ماہ کے لیے ضلعی کمیٹیوں کا چیئرمین ہو گا۔ 6 ماہ بعد آبادی کے حساب سے دوسری بڑی مقامی حکومت کا ہیڈ ضلعی کمیٹیوں کا چیئرمین ہو گا۔ مرحلہ وار 6 ماہ کے لیے ہر مقامی حکومت کا ہیڈ ضلعی کمیٹیوں کا چیئرمین ہو گا اور کسی مقامی حکومت کا ہیڈ نہ ہونے کی صورت میں اگلے ضلع کو مدنظر رکھا جائے گا۔
پنجاب اسمبلی قائمہ کمیٹی برائے لوکل گورنمنٹ میں لوکل گورنمنٹ بل پر ہر ہفتے شق وار بریفنگ جاری ہے، جسے منظوری کے لیے اسمبلی اجلاس میں پیش کیا جائے گا اور بل کی حتمی منظوری گورنر پنجاب دیں گے۔
ایگزیکٹیو ڈائریکٹر ایچ ای سی کی برطرفی پر عدالتی حکم امتناع، بیلف کے ذریعے چارج دلوا دیا