محکمہ موسمیات کی کراچی میں آج بھی موسلادھار بارش کی پیشگوئی
اشاعت کی تاریخ: 27th, June 2025 GMT
محکمہ موسمیات نے مون سون سسٹم کے تحت کراچی میں آج بھی موسلادھار بارش کا امکان ظاہر کیا ہے، گزشتہ روز گلشن حدید میں سب سے زیادہ 17 ملی میٹر بارش ریکارڈ کی گئی۔
جاری اعداد و شمار کے مطابق شارع فیصل پر 12 ملی میٹر، اولڈ سٹی ایریا میں 9 ملی میٹر، ڈیفنس فیز 2 میں 7.8 ملی میٹر، ایئرپورٹ پر 5 ملی میٹر اور یونیورسٹی روڈ پر 2 ملی میٹر بارش ریکارڈ کی گئی۔
محکمہ موسمیات کے تازہ ترین تجزیے کے مطابق بھارتی گجرات ریجن اور اس سے ملحقہ شمالی بحیرہ عرب میں گردش کی شدت میں اضافہ ہوتا جا رہا ہے اور یہ تقریباً کم دباؤ کا نظام بن چکا ہے۔
◾ تازہ ترین تجزیے کے مطابق بھارتی گجرات ریجن اور اس سے ملحقہ شمالی بحیرہ عرب میں گردش کی شدت میں اضافہ ہوتی جا رہی ہے اور یہ تقریباً کم دباؤ کا نظام بن چکا ہے۔ اس کے زیر اثر سندھ کے کئی علاقوں بالخصوص زیریں / ساحلی علاقوں میں اگلے 2 سے 3 روز تک وقفے وقفے کے ساتھ بارش کا سلسلہ pic.
سسٹم کے زیر اثر سندھ کے کئی علاقوں بالخصوص زیریں اور ساحلی علاقوں میں اگلے 2 سے 3 روز تک وقفے وقفے کے ساتھ بارش کا سلسلہ جاری رہے گا۔
گزشتہ رات ہونے والی بارش کے باوجود موسم اب بھی قدرے مرطوب ہے اور شہر کے مختلف علاقوں میں پہلے ہی محسوس کیے جانے والا درجہ حرارت 37 سے 40 ڈگری سینٹی گریڈ کے قریب ہے۔
کراچی میں دوپہر سے لے کر آج رات دیر گئے تک درمیانی سے تیز بارش متوقع ہے۔ اس دوران شہر کے چند علاقوں میں گرج چمک کے ساتھ موسلادھار بارش بھی ہو سکتی ہے۔
واضح رہے کہ مون سون اسپیل کے تحت کراچی سمیت سندھ میں یکم جولائی تک بارشوں کی پیشگوئی ہے۔
ذریعہ: Express News
کلیدی لفظ: علاقوں میں ملی میٹر
پڑھیں:
سندھ ، ڈینگی سےمزید 1شہری جاں بحق، مجموعی اموات 27 ہوگئیں
حیدرآباد(نیوزڈیسک)صوبائی محکمہ صحت کے مطابق گزشتہ 24 گھنٹے میں سندھ میں ڈینگی سے ایک ہلاکت رپورٹ ہوئی ہے، صوبے میں ڈینگی سے اموات کی مجموعی تعداد 27 ہو گئی۔
محکمہ صحت کے مطابق ڈینگی سے ہلاکت حیدرآباد میں رپورٹ ہوئی، گزشتہ 24 گھنٹوں میں ڈینگی کے ایک ہزار 212 کیسز سامنے آئے ہیں۔
محکمہ صحت کے مطابق حیدر آباد میں 447، کراچی میں 765 ڈینگی کیسز رپورٹ ہوئے۔ رواں ماہ سندھ میں ڈینگی کے 7 ہزار 173 کیسز رپورٹ ہوئے ہیں۔
غربت کم کرنے کیلیے برآمدات کو بڑھانا ہوگا، وزیر سرمایہ کاری