پنجاب اسمبلی میں مریم نواز نے غصے سے دیکھا تو ڈپٹی سپیکر ،وزرا نے اپوزیشن کی طرف دوڑ کیوں لگائی ؟
اشاعت کی تاریخ: 27th, June 2025 GMT
پنجاب اسمبلی کا اجلاس شروع ہوا تو اسپیکر پنجاب اسمبلی کی جانب سے ایوان میں وارننگ جاری کی گئی کہ اگر اپوزیشن گیلری میں اگر کسی مہمان نے کوئی نعرے بازی کی تو گارڈز انہیں گیلری سے باہر نکال دیں گے۔
اسپیکر پنجاب اسمبلی کی ایوان میں اس وارننگ کے بعد ،وزیر اعلی پنجاب مریم نواز نے بجٹ مکمل ہونے پر اپنی تقریر شروع کی ،تو اپوزیشن نے ایوان کے اندر نعرے لگانے شروع کردیے کہ ’کون بچائے گا پاکستان، عمران خان عمران خان‘، کے نعرے لگانے شروع کردیے، پھر اپوزیشن کے ارکان اسمبلی نے اپنی سیٹوں سے اٹھ کر وزیراعلیٰ مریم نواز کے سامنے پلے کارڈ اٹھا کر احتجاج کرنا شروع کردیا ،اپوزیشن نے وزیر اعلی پنجاب کی تقریر کے دوران خوب شور شرابا کیا
جب اپوزیشن نے مریم نواز اور نواز شریف کے خلاف نعرے لگانا شروع کیے تو مریم نواز نے غصے سے اپوزیشن کی طرف دیکھا تو ڈپٹی اسپیکر اور وزرا اپوزیشن کی طرف دوڑے اور مخالف نعروں پر اپوزیشن کو چپ کروانے میں لگ گئے ،بات یہاں تک پہنچ گئی کہ ڈپٹی اسپیکر ملک ظہیر اقبال چنڑ نے اپوزیشن کے رکن اسمبلی رانا شہباز کے منہ پر ہاتھ رکھ کر انہیں چپ کروانے کی کوشش کی۔
صوبائی وزیر رانا سکندر، فیصل کھوکھر، چیف ویب رانا ارشد، صہیب بھرت سمیت دیگر وزرا اپوزیشن کو چپ کروانے کی کوشش کرتے رہے ۔ڈپٹی اسپیکر ملک ظہیر چنڑ اور وزراء نے کہا کہ اپوزیشن نواز شریف اور مریم نواز کے خلاف نعرے بازی کی بجائے کوئی اور نعرے لگائے، نواز شریف، مریم نواز چور ہے کہ نعرے لگانے سے گریز کریں ، اس ساری صورتحال کے بعد اسپیکر پنجاب اسمبلی ملک احمد خان نے اپوزیشن کو روکنے کی کوشش کی اور کہا بیٹھ کر بات کریں ،یہ کوئی طریقہ نہیں ہے مگر اپوزیشن نے اپنا احتجاج جاری رکھا۔
اسپیکر پنجاب اسمبلی نے اپوزیشن کو نتائج کی دھمکی کیوں دی؟اسپیکر پنجاب اسمبلی نے وزیر اعلیٰ پنجاب مریم نواز کی تقریر کے دوران اپوزیشن کے مسلسل ااحتجاج پر اپوزیشن اراکین کو دھمکی دی کہ اب آپ لوگوں کو اس احتجاج کے سخت نتائج بھگتنے پڑیں گے، مگر اپوزیشن نے اپنا احتجاج جاری رکھا۔
اس دوران نماز کا وقفہ ہوا ، وزیراعلیٰ نے دوبارہ تقریر شروع کی تو اپوزیشن نے پھر اپنا بھرپور احتجاج ریکارڈ کروایا ۔
وزیر اعلی مریم نواز نے اپوزیشن کے احتجاج اور سخت نعروں کے باوجود اپوزیشن کا شکریہ ادا کیا، اس ساری صورتحال پر کل اسپیکر پنجاب اسمبلی ملک احمد خان پریس کانفرنس کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اپوزیشن اسپیکر پنجاب اسمبلی مریم نواز نعرے نوازشریف ہنگامہ وزیراعلی.
ذریعہ
ذریعہ: WE News
کلیدی لفظ: اپوزیشن اسپیکر پنجاب اسمبلی مریم نواز نوازشریف ہنگامہ وزیراعلی اسپیکر پنجاب اسمبلی مریم نواز نے اپوزیشن نے اپوزیشن کے اپوزیشن کو نے اپوزیشن وزیر اعلی
پڑھیں:
کے پی اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم ہے، الیکشن کمیشن
الیکشن کمیشن نے خیبر پختونخوا اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم قرار دے دیا۔
اسلام آباد سے الیکشن کمیشن کے خط کے مطابق خیبر پختونخوا اسمبلی کی جانب سے کی جانے والی ترمیم آئین اور قانون سے متصادم ہے۔
الیکشن کمیشن آف پاکستان کے ایڈیشنل ڈائریکٹر جنرل چوہدری ندیم قاسم کی جانب سے چیف سیکریٹری خیبر پختونخوا کو تحریر کیے گئے خط کے مطابق خیبر پختونخوا اسمبلی نے بلدیاتی حکومت کا نیا ترمیمی بل 6 جولائی کو منظور کیا۔
الیکشن کمیشن کے خط کے مطابق گورنر کے پی نے بلدیاتی حکومت کے نئے ترمیمی بل کی توثیق کر دی ہے، ترمیم کے مطابق ضلع میں ویلیج اور نیبر ہڈ کونسل کی آبادی 30 سے 40 ہزار کے درمیان ہوگی، ترمیم کے مطابق الیکشن کمیشن حکومت سے مشاورت سے کوئی تبدیلی کر سکے گا۔
خط کے مطابق الیکشن ایکٹ اور آئین کے مطابق بلدیاتی حکومتوں کے الیکشن کے لیے حلقہ بندی کرنا الیکشن کمیشن کا اختیار ہے، حلقہ بندی کے معاملے پر حکومت سے مشاورت بھی آئین کی روح کے خلاف ہے۔
الیکشن کمیشن کے خط کے مطابق الیکشن کمیشن کے لیے اس ترمیم کے تحت 30 سے 40 ہزار کی آبادی کے لیے حلقہ بندی کرنا قابل عمل نہیں۔
خط کے متن کے مطابق آئین کے تحت کوئی قانون الیکشن کمیشن کے اختیارات نہیں لے سکتا، اتنی تاخیر سے یہ ترمیم کرنا بظاہر بلدیاتی انتخابات میں تاخیر کا حربہ ہے۔
الیکشن کمیشن کے خط کے مطابق خیبر پختونخوا حکومت اس معاملے پر معاونت کرے تاکہ بلدیاتی انتخابات کا انعقاد کیا جا سکے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم