سینیٹ میں 27ویں آئینی ترمیم پر ووٹنگ کے دوران اپوزیشن کا احتجاج،چیئرمین کی کرسی کا گھیراؤ
اشاعت کی تاریخ: 10th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: سینیٹ میں 27ویں ترمیم کی منظوری کے لئے ووٹنگ کے دوران اپوزیشن نے بھرپوراحتجاج کیا۔
اجلاس کے دوران اپوزیشن نے بل کی کاپیاں پھاڑ کر چیئرمین سینیٹ پر پھینک دیں اور نامنظور نامنظور کے نعرے لگائے، اپوزیشن ارکان نے چیئرمین سینیٹ کی کرسی کا گیھراؤ کرلیا۔اپوزیشن اراکین احتجاج کے بعد سینیٹ اجلاس سے واک آؤٹ کرگئے اور ایوان سے باہر چلے گئے۔
اپوزیشن ارکان نے مؤقف اختیار کیا کہ گنتی کے بغیر اجلاس کی کارروائی کیسے جاری رہ سکتی ہے۔اپوزیشن کے ہنگامے کے باوجود 27ویں ترمیم کے لیے حکومت کو درکار نمبر 64 پورے ہوگئے، جے یو آئی کے احمد خان ترمیم کے حق میں کھڑے ہوگئے جب کہ پی ٹی آئی کے سیف اللہ ابڑو بھی ترمیم کے حق میں کھڑے ہوئے۔
قومی اسمبلی کا اجلاس اسپیکر ایاز صادق کی صدارت میں جاری تھا کہ پی ٹی آئی اور دیگر اپوزیشن ارکان نے شدید احتجاج شروع کردیا۔ اپوزیشن ارکان نے اسپیکر کے ڈائس کے سامنے دھرنا دے دیا اور بانی پی ٹی آئی کی تصاویر والے پلے کارڈز اٹھا کر نعرے بازی کی۔
ایوان میں ”آمریت مردہ باد، جمہوریت زندہ باد“, ”آئین کا قتل بند کرو“, ”جعلی اسمبلی نامنظور“ اور ”جعلی حکومت نامنظور“ کے نعرے گونجتے رہے۔ بانی پی ٹی آئی کے حق میں بھی بلند آواز میں نعرے بازی کی جاتی رہی۔
صورت حال اس وقت مزید کشیدہ ہوگئی جب پی ٹی آئی کے رکن اقبال آفریدی نے اسپیکر کے ڈائس کے سامنے اذان دینا شروع کر دی، جب کہ اسپیکر ایاز صادق نے احتجاج کے دوران ہیڈ فون لگا کر کارروائی جاری رکھی۔
اسی دوران مسلم لیگ ن کے نو منتخب رکن قومی اسمبلی بلال فاروق تارڑ نے حلف اٹھا لیا۔ بلال تارڑ وفاقی وزیر اطلاعات عطاء اللہ تارڑ کے بھائی ہیں۔
ذریعہ: Jasarat News
کلیدی لفظ: اپوزیشن ارکان نے پی ٹی ا ئی کے دوران ا ئی کے
پڑھیں:
متحدہ اپوزیشن کا اجلاس؛سینیٹ میں ووٹنگ کے بائیکاٹ کا فیصلہ
اسلام آباد(ڈیلی پاکستان آن لائن)متحدہ اپوزیشن نے 27ویں آئینی ترمیم کیلئے سینیٹ ووٹنگ کے بائیکاٹ کا فیصلہ کیا ہے۔
نجی ٹی وی چینل جیو نیوز کے مطابق محمود خان اچکزئی کی زیرصدارت متحدہ اپوزیشن کا پارلیمنٹ ہاؤس میں اجلاس ہوا، اپوزیشن کے مشترکہ پارلیمانی پارٹی اجلاس میں سینیٹ میں ووٹنگ کے بائیکاٹ کا فیصلہ کیاگیا۔سینیٹرراجہ ناصر عباس نے کہاکہ ہم ووٹنگ کے عمل کا بائیکاٹ کرنے جارہے ہیں۔
مزید :
سروے کے مطابق صرف 12.03 فیصد مصنوعات پر ٹیکس اسٹیمپ پائے