پاکستانیوں کے لیے ازبکستان نے ویزے کی شرائط کو نرم کر دیا، علی شیر
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر)ازبکستان کے سفیر علی شیر تختایف نے کہا ہے کہ ۔انہوںنے کہا کہ ہم ان پاکستانی کمپنیوں کی حوصلہ افزائی کریںگے جو کھیلوں کے حوالے سے ہم سے تعاون چاہتی ہیں ۔انہوں نے کہا کہ پاکستانی شہریوں کے لیے ازبکستان نے ویزے کی شرائط کو نرم کیا ہے اور 6مہینے کے بعد کراچی سے براہ راست ازبکستان کے لیے فلائٹ شروع ہوجائے گی ۔انہوںنے کہا کہ ازبکستان ٹریڈ سینٹر کے قیام کا مقصد دونوں ممالک کے درمیان تجارتی روابط کو مزید بڑھانا ہے ۔دونوں ممالک مختلف شعبوں میں تعاون بڑھا کر معاشی میدان میں ترقی کرسکتے ہیں ۔انہوںنے کہا کہ پاکستانیوں کے لیے ہمارے دروازے ہمیشہ کھلے ہیں ۔ازبکستان میں پاکستانی صنعتکاروں کے لیے کافی مواقع موجود ہیں ۔انھوں کہا کہ کے اسپورٹس مینجمنٹ کے چیف ایگزیکٹو رئیس خان نے کراچی میں ازبکستان ٹریڈ سینٹر میں ملاقات کی ۔اس موقع پر ٹی ڈی اے اپ کے سی ای او فیض احمد چدھڑ ،ازبکستان چیمبر آف کامرس اینڈ انڈسٹری کے ڈپٹی چیئرمین تختائیف اکوربیرجون خاکیمووچ،البینا مرتضیٰ ،آرکے اسپورٹس مینجمنٹ کی وائس چیئرپرسن ارم فواد بھی موجود تھیں ۔رئیس خان نے ازبکستان کے سفیر کو آر کے اسپورٹس مینجمنٹ کی سرگرمیوں کے حوالے سے آگاہ کیا ۔انہوںنے بتایا کہ آر کے اسپورٹس کمپنی اب تک فٹبال ،ہاکی ،کرکٹ ،پیڈل ،اسکواش ،میراتھن اور باکسنگ سمیت مختلف کھیلوں کے مقابلوں کا انعقاد کراچکی ہے ۔ہمارا مقصد بلاصلاحیت کھلاڑیوں کی حوصلہ افزائی ہے ۔ہم خصوصی طور پروومن کھلاڑیوں کی صلاحیتوں کو اجاگر کرنے کے لیے اقدامات کررہے ہیں تاکہ ان کا ٹیلنٹ بھی دنیا کے سامنے لایاجاسکے ۔ہم ان کھلاڑیوں کو بین الاقوامی سطح پر متعارف کروانا چاہتے ہیں ۔انہوںنے کہا کہ ازبکستان اور پاکستان کے دیرینہ تعلقات ہیں ۔ہم اسپورٹس کے حوالے سے ازبکستان کے ساتھ اپنی سرگرمیوں کو بڑھانا چاہتے ہیں ۔اس سلسلے میں آر کے اسپورٹس مینجمنٹ کا وفد جلد ازبکستان کاد ورہ کرے گا جہاں مختلف کھیلوں کے انعقاد کے حوالے سے بات چیت کی جائے گی ۔پاکستان اورازبکستان کے درمیان اسپورٹس اور کلچر میں کافی یگانگت پائی جاتی ہے ۔انہوںنے کراچی میں ازبکستان ٹریڈ سینٹر کے قیام کو خوش آئن قرار دیتے ہوئے کہا کہ اس سینٹر کے قیام سے دونوں ممالک کے درمیان تجارتی روابط کو مزید فروغ حاصل ہوگا۔ازبکستان کے سفیر نے کہا کہ دنیا بھر میں پاکستان کا اسپورٹس کے شعبے میں کافی نام ہے ۔پاکستان نے مختلف کھیلوں کے عالمی مقابلوں میں کامیابی حاصل کی ہے ۔
.ذریعہ: Jasarat News
کلیدی لفظ: کے اسپورٹس مینجمنٹ انہوںنے کہا کہ ازبکستان کے کے حوالے سے کھیلوں کے نے کہا کہ کے لیے
پڑھیں:
کراچی آرٹس کونسل عالمی ثقافتوں کو جوڑنے کا کام کر رہا ہے، فرانسیسی سفیر
کراچی (نیوزڈیسک)پاکستان میں تعینات فرانس کے سفیر نکولس گالے نے اپنی اہلیہ کیملیا گالے کے ہمراہ کراچی آرٹس کونسل کا دورہ کیا اور آرٹس کونسل آف پاکستان کراچی کے زیر اہتمام ”ورلڈ کلچر فیسٹیول 2025 “میں جاری ثقافتی سرگرمیوں کے فروغ کےلیے آرٹس کونسل کی کاوشوں کو سراہا۔
اس موقع پر انھوں نے کہا کہ آرٹس کونسل آف پاکستان دنیا بھر کی ثقافتوں کو جوڑنے کا کام کر رہا ہے، ورلڈ کلچر فیسٹیول میں فرانسیسی میورل آرٹسٹ شیفومی آرٹس کونسل کی دیوار کو ثقافت کے خوبصورت رنگوں میں ڈھال رہے ہیں، یہ میورل پاکستان اور فرانس کی دوستی اور ثقافتی ہم آہنگی کا مظہر اور باعث فخر بات ہے۔
اس موقع پر انکے ہمراہ کراچی میں فرانس کے قونصل جنرل الیکسیز چتھاٹنسکی، الائنس فرانسز کراچی کے ڈائریکٹر ایمونیل بوریچ اور الحمرا آرٹس کونسل کے چیئرمین رضی احمد بھی تھے۔
کراچی آرٹس کونسل دنیا بھر کی ثقافتوں کو جوڑنے کا کام کر رہا ہے، فرانسیسی سفیر
صدر آرٹس کونسل محمد احمد شاہ نے فرانسیسی سفیر کا خیرمقدم کرتے ہوئے انہیں آرٹس کونسل کراچی کے مختلف حصوں کا دورہ کرایا، جہاں ثقافتی سرگرمیاں عروج پر تھیں۔
فرانسیسی سفیر نے آرٹس کونسل کا دورہ کرتے ہوئے کہا کہ ورلڈ کلچر فیسٹیول میں پیش کی جانے والی عالمی ثقافتوں کی نمائش، فنونِ لطیفہ کی مختلف سرگرمیوں پر مبنی پروگرامز دنیا بھر کی ثقافت کو جوڑنے میں اہم کردار ادا کر رہے ہیں۔ کراچی آرٹس کونسل کی کاوشیں قابل تعریف ہیں۔
انہوں نے کہا کہ کراچی کا یہ ثقافتی میل جول دنیا بھر کی ثقافتوں کو قریب لانے میں پل کا کردار ادا کر رہا ہے۔ آرٹس کونسل کی جانب سے ایسے ایونٹس کے انعقاد کو انہوں نے نہایت خوش آئند قرار دیا اور کہا کہ فیسٹیول میں ملکی و بین الاقوامی فنکاروں کی بڑی تعداد شرکت کر رہی ہے اور یہ پاکستان کی ثقافتی شناخت کو عالمی سطح پر اجاگر کرنے کا اہم ذریعہ بن رہا ہے۔
اس موقع پر صدر آرٹس کونسل محمد احمد شاہ نے فرانسیسی سفیر اور ان کی اہلیہ سمیت دیگر مہمانوں کو گلدستے پیش کیے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن