راولپنڈی: گھر میں گیس لیکج سے دھماکا، 7 شہری زخمی
اشاعت کی تاریخ: 1st, July 2025 GMT
راولپنڈی میں رینج روڈ پر واقع گھر میں گیس لیکج سے دھماکا ہوا اور آگ لگ گئی جس کے نتیجے میں 7 افراد زخمی ہوگئے۔
رپورٹ کے مطابق اطلاع پر ریسکیو 1122 و امدادی ادارے موقع پر پہنچ گئے اور آگ پر قابو پالیا۔
زخمیوں میں چار بچے, دو خواتین اور ایک مرد شامل ہیں، زخمیوں کو ابتدائی طبی امداد فراہم کرکے اسپتال منتقل کیا جارہا ہے۔
.ذریعہ: Express News
پڑھیں:
پشاورمیں پولیس موبائل کے قریب دھماکا ، پولیس اہلکار محفوظ رہے
پشاور(نیوز ڈیسک) ناصر باغ روڈ پر پولیس موبائل کے قریب دھماکا کے نتیجے میں کوئی جانی نقصان نہیں ہوا اور اہلکار محفوظ رہے۔
تفصیلات کے مطابق پشاور کے ناصر باغ روڈ پر پولیس وین کے قریب جمعے کے روز ریموٹ کنٹرول بم (IED) کا دھماکہ ہوا۔.
پولیس ذرائع نے بتایا کہ دھماکے میں کوئی جانی نقصان نہیں ہوا اور پولیس اہلکارمحفوظ رہے تاہم موبائل کوجزوی نقصان پہنچا۔
حکام کا کہنا تھا کہ پولیس وین معمول کے گشت پر تھی جب اسے نشانہ بنایا گیا، واقعہ ریگی ماڈل ٹاؤن کے قریب پیش آیا تاہم پولیس کی بھاری نفری موقع پرپہنچ گئی ہے اور علاقے میں سرچنگ جاری ہے۔
دوسری جانب لکی مروت کے علاقے وندہ کریم خان میں نامعلوم مسلح افراد کی فائرنگ سے فرنٹیئر کانسٹیبلری (ایف سی) اہلکار بشیراللہ اور ان کے بھائی شہید ہوگئے۔
پولیس نے بتایا کہ اہلکار چھٹی پر تھے اور رات کے وقت ہوٹل سے پیدل گھر جا رہے تھے کہ دہشت گردوں نے نشانہ بنایا۔ واقعہ پیزو تھانے کی حدود میں پیش آیا۔
خیال رہے خیبرپختونخوا حکومت صوبے کے ضم شدہ قبائلی اضلاع میں فرنٹیئر کرائمز ریگولیشن (ایف سی آر) کے کچھ حصے بحال کرنے پر غور کر رہی ہے۔
ذرائع کے مطابق سابق فاٹا کے انضمام کے بعد یہ فورس ختم کر دی گئی تھی، تاہم جرائم پر قابو پانے میں مشکلات کے باعث اسے پولیس ایکٹ کے تحت جزوی طور پر دوبارہ متعارف کرانے کی تجویز زیر غور ہے۔
Post Views: 6
پاکستان کی پرو ہاکی لیگ میں شرکت، وزیر اعظم نے خصوصی کمیٹی قائم کر دی