ومبلڈن 2025: نوواک جوکووچ کی فتح، کوارٹر فائنل میں رسائی
اشاعت کی تاریخ: 7th, July 2025 GMT
سربیا کے نواک جوکووچ نے آسٹریلیا کے ایلکس ڈی منر کو شکست دے کرومبلڈن 2025 کے کوارٹر فائنل میں جگہ بنا لی۔
لندن کے سینٹر کورٹ میں کھیلے گئے ٹینس گرینڈ سلیم ٹورنامنٹ کے راؤنڈ آف 16 کے میچ میں عالمی رینکنگ میں نمبر 6 نواک جوکووچ نے 11 سیڈڈ ایلکس ڈی منر کو 1 کے مقابلے میں 3 سیٹس جیت کر شکست دی۔
آسٹریلوی کھلاڑی نے پہلے سیٹ میں جوکووچ کو 1-6 سے زیر کر کے میچ کا فاتحانہ آغاز کیا۔ البتہ، وہ اس برتری کو برقرار نہیں رکھ پائے۔
جوکووچ نے ایلکس ڈی منر کے خلاف شاندار کم بیک کرتے ہوئے اگلے تین سیٹ 4-6، 4-6 اور 4-6 سے جیت کر کوارٹر فائنل مرحلے میں جگہ بنائی۔
.ذریعہ: Express News
پڑھیں:
پہلا ون ڈے: پاکستان نے جنوبی افریقا کو 2وکٹوں سے شکست دے دی
data-id="863a0a8" data-element_type="widget" data-widget_type="theme-post-content.default">
فیصل آباد: پہلے ون ڈے میں پاکستان نے جنوبی افریقا کو 2 وکٹوں سے شکست دے کر تین میچوں کی سیریز میں 1-0 کی برتری حاصل کرلی۔
اقبال اسٹیڈیم فیصل آباد میں کھیلے گئے میچ میں پاکستان نے جنوبی افریقا کی جانب سے دیا جانے والا 264 رنز کا ہدف 8 وکٹوں کے نقصان پر 49.4 اوورز میں حاصل کرلیا۔سلمان آغا نے 62 رنز بنا کر آؤٹ ہوئے، محمد رضوان نے 55 رنز بنائے، فخر زمان 45 اور صائم ایوب 39 رنز بنا کر پویلین لوٹ گئے۔ بابر اعظم 7 رنز بنا سکے، حسین طلعت نے 22 رنز بنا کر نگیدی کو وکٹ دے بیٹھے۔ حسن نواز آگے بڑھ کر شاٹ مارنے کی کوشش میں 1 رن پر وکٹ گنوا بیٹھے۔
جنوبی افریقا کی جانب سے لنگی نگیدی اور دونوین فریرا نے دو، دو وکٹیں حاصل کیں۔ جنوبی افریقا کی ٹیم پہلے بیٹنگ کرتے ہوئے 49.1 اوورز میں 263 رنز بنا کر آؤٹ ہوئی اور پاکستان کو جیت کے لیے 264 رنز کا ہدف دیا تھا۔
کوئنٹن ڈی کاک نے 63 اور پریٹوریئس نے 57 رنز کی ذمہ دارانہ اننگز کھیلی، کپتان میتھیو نے 42 اور بوش نے 41 رنز بنائے۔ ٹونی ڈی زورزی 18 رنز بنا کر آؤٹ ہوئے۔
پاکستان کی جانب سے نسیم شاہ اور ابرار احمد نے تین، تین کھلاڑیوں کو آؤٹ کیا، صائم ایوب نے دو اور محمد نواز نے ایک وکٹ حاصل کی۔
اس سے قبل پاکستان نے جنوبی افریقا کے خلاف ٹاس جیت کر پہلے فیلڈنگ کا فیصلہ کیا تھا۔جنوبی افریقا کے جارحانہ بلے باز ڈیوالڈ بریوس کندھے کی تکلیف کے باعث سیریز سے باہر ہوگئے ہیں۔
سیریز کے تمام میچ اے اسپورٹس پر براہ راست دکھائے جائیں گے، ون ڈے سیریز کا فاتحانہ آغاز کرنے کیلئے شاہینوں نے کمرکس لی ہے، اقبال اسٹیڈیم میں بھرپورٹریننگ سے دونوں ٹیمیں وارم اپ، ٹرافی کی رونمائی بھی ہوگئی۔
شاہین آفریدی پہلی بار ون ڈے سیریز میں گرین شرٹس کی قیادت کررہے ہیں، دوہزارچوبیس میں انہیں چارمیچزمیں ناکامی کے بعد ٹی ٹوئنٹی کی کپتانی سے ہٹا دیا گیا تھا۔جبکہ فیصل آباد سترہ سال بعد انٹرنیشنل میچزکی میزبانی کررہا ہے۔
اقبال اسٹیڈیم میں شاہینوں کا ریکارڈ شاندار رہا ہے، 12 میں سے 9 ون ڈے جیتے ہیں جبکہ 3 ہارے ہیں، اس میدان پرآخری میچ پاکستان اور بنگلادیش کے درمیان2008 میں کھیلا گیا تھا جو شاہینوں نے جیتا تھا۔
استنبول مذاکراتی عمل دوبارہ شروع ہونے کے اعلان نے عالمی میڈیا میں دوبارہ توجہ حاصل کرلی