وفاقی وزیر داخلہ نے حوالہ ہنڈی میں ملوث بااثر افراد کے خلاف کارروائی کرنے کا حکم دے دیا
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد میں وفاقی وزیر داخلہ محسن نقوی نے حوالہ ہنڈی، ایجنٹ اور بھکاری مافیا کے خلاف مؤثر کارروائی کا حکم دے دیا ہے۔
ایف آئی اے کراچی زون میں اجلاس کی صدارت کرتے ہوئے انہوں نے کہا کہ حوالہ ہنڈی میں ملوث بڑے بڑے لوگوں پر بھی ہاتھ ڈالا جائے اور کسی کا دباؤ قبول کیے بغیر بلا امتیاز کارروائی کی جائے۔
محسن نقوی نے بھکاریوں کو بیرون ملک بھجوانے والے ایجنٹ مافیا کو پاکستان کے امیج کے لیے نقصان دہ قرار دیتے ہوئے ان کے خلاف فوری اور واضح ایکشن لینے کی ہدایت کی۔ ان کا کہنا تھا کہ مفرور ایجنٹس کو دیگر صوبوں کے تعاون سے گرفتار کیا جائے اور بیرون ملک سے ڈی پورٹ ہو کر واپس آنے والے بھکاریوں کی بھی گرفتاری یقینی بنائی جائے۔
انہوں نے جعلی ادویات کے کاروبار کو ناقابل برداشت قرار دیا اور ہدایت کی کہ اس مکروہ دھندے میں ملوث عناصر کو آہنی ہاتھوں سے نمٹا جائے کیونکہ ان کی اصل جگہ جیل ہے۔
وزیر داخلہ نے نان کسٹم مصنوعات کے خلاف بھی بھرپور کارروائی کی ہدایت دی اور ساتھ ہی ان مسافروں کے خلاف بھی سخت قانونی اقدام کا حکم دیا جو بیرون ملک 5 ہزار ڈالر سے زائد رقم لے کر جاتے ہیں۔ ان کا کہنا تھا کہ قانون کی خلاف ورزی پر کسی کو رعایت نہ دی جائے۔
.ذریعہ: Jasarat News
کلیدی لفظ: کے خلاف
پڑھیں:
وزیرداخلہ محسن نقوی کا اچانک اسلام ایئرپورٹ کا دورہ، ویزا ایجنٹ کیخلاف کارروائی کا حکم
فوٹو بشکریہ سوشل میڈیاوزیرِ داخلہ محسن نقوی نے اسلام ایئرپورٹ کا اچانک دورہ کیا، اس دوران انہوں نے ایک ویزا ایجنٹ کے خلاف کارروائی کا حکم دیا۔
ایئرپورٹ کے ذرائع کے مطابق وزیرِ داخلہ نے ڈیپارچر لاؤنج میں ایف آئی اے ایمیگریشن کا معائنہ کیا اور ایمیگریشن کے عمل کا جائزہ لیا۔
وزیرِ داخلہ نے ایئرپورٹ پر کام کرنے والے تمام اداروں کو مسافروں کو سہولت فراہم کرنے کی ہدایت کی۔
وزیرِ داخلہ کا کہنا تھا کہ جعلی دستاویزات یا دیگر ذرائع سے بیرون ممالک جانے والے مسافر ملک کی بدنامی کا باعث بن رہے ہیں، یہ صورتحال کسی قمیت پر جاری رہنے کی اجازت نہیں دے سکتے، بغیر تصدیق شدہ دستاویزات سفر کرنے کی اجازت نہیں دی جا سکتی، ایجنٹ مافیا پیسوں کے لالچ میں معصوم لوگوں کے مستقبل سے کھیل رہے ہیں اور ملک کی بدنامی کا باعث بنتے ہیں۔
اِن کا کہنا تھا کہ معصوم لوگوں کو ملازمت کا جھانسہ دے کر بیرون ممالک بھجوانے والے ایجنٹوں سے کوئی رعایت نہیں ہو گی۔
نیا عالمی ریکارڈ: سلمان علی آغا نے ڈریوڈ، محمد یوسف اور دھونی کو پیچھے چھوڑ دیا