پشاور خودکش حملہ، کب کیا ہوا؟
اشاعت کی تاریخ: 24th, November 2025 GMT
پولیس نے پشاور ایف سی ہیڈکوارٹر پر دہشتگردی واقعے کی ایک ابتدائی رپورٹ تیار کرلی جس میں حملہ آوروں کے آنے، حملہ کرنے، اندر داخل ہونے اور ہلاک ہونے تک کی تمام تفصیلات بیان کی گئی ہیں۔
یہ بھی پڑھیں: پشاور ایف سی ہیڈکوارٹر پر حملہ کیسے ناکام ہوا؟
پیدل خودکش نے حالات کا جائزہ لیا اور مرکزی گیٹ پر حملہ کیا۔ پشاور اور انسداد دہشتگردی پولیس کے مطابق پشاور ایف سی ہیڈکوارٹر دہشت گردی واقعے میں حملہ آور فیڈرل کانسٹیبلری میں ہونے والی صبح کی پریڈ کو نشانہ بنانا چاہتے تھے لیکن حملہ ناکام بنا دیا گیا۔
پشاور پولیس کے ایک اعلیٰ افسر نے رپورٹ کی تفصیلات بتاتے ہوئے کہا کہ حملہ آوروں کی شناخت کا عمل جاری ہے اور سی سی ٹی وی فوٹیجز کی مدد سے تصاویر حاصل کی گئی ہیں۔
’پیدل حملہ آور نے مرکزی گیٹ پر حملہ کیا‘رپورٹ کے مطابق ایک خودکش حملہ آور پیدل آیا تھا جو سنہری مسجد روڈ صدر سے ایف سی ہیڈکوارٹر پہنچا۔
مزید پڑھیے: پشاور ایف سی ہیڈکوارٹر پر دہشتگردوں کا حملہ ناکام، تینوں خودکش حملہ آور ہلاک، 3 اہلکار شہید
پولیس کو حاصل سی سی ٹی وی فوٹیجز سے اس کی نشاندہی ہوئی ہے۔ تفتیشی ٹیم کے ایک افسر نے بتایا کہ ویڈیو فوٹیج میں ایک مشکوک شخص دکھائی دیا ہے جو پیدل تھا اور ایف سی ہیڈکوارٹر کے مرکزی گیٹ کے سامنے بی آر ٹی اسٹاپ پل کے ساتھ کچھ دیر کھڑا رہا۔
انہوں نے بتایا کہ ویڈیو میں نظر آنے والا شخص چادر اوڑھے ہوئے تھا جبکہ خاص قسم کے جوگرز پہنے ہوئے تھے۔ مزید بتایا کہ تفتیش کے دوران مرکزی گیٹ پر خودکش حملہ آور کے اعضا اور پاؤں ملے جن کے جوتے ویڈیو والے جوتوں سے میچ کر گئے جبکہ اعضا ڈی این اے کے لیے بھجوا دیے گئے ہیں۔
انہوں نے بتایا کہ پیدل حملہ آور جب مرکزی گیٹ پر پہنچا تو سیکیورٹی سخت تھی اور اندر پریڈ جاری تھی۔ حملہ آور نے مرکزی گیٹ پر خودکش دھماکہ کیا جس کے نتیجے میں 3 اہلکار موقعے پر ہی شہید ہو گئے جبکہ کچھ راہ گیر زخمی بھی ہوئے۔ حملہ تقریباً صبح 8 بج کر 10 منٹ پر ہوا۔
مزید پڑھیں: ایف سی ہیڈکوارٹر پر حملہ کیوں؟ حکومت اور پی پی پی اتحاد ختم؟ پی پی پی دوڑ سے باہر؟
پولیس کی ابتدائی رپورٹ میں بتایا گیا ہے کہ مرکزی گیٹ پر دھماکے کے بعد 2 مسلح خودکش حملہ آور اندر داخل ہونے میں کامیاب ہوئے اور فائرنگ شروع کر دی۔
’پریڈ کے دوران حملہ کرنا چاہتے تھے’پولیس افسر نے بتایا کہ دو حملہ آور ہیڈکوارٹر کے اندر داخل ہوتے ہی فائرنگ کرنے لگے جس کے بعد پولیس اور سیکیورٹی اہلکار موقع پر پہنچ گئے۔
ایف سی اہلکاروں نے بکتر بند گاڑی کا استعمال کرکے حملہ آوروں کو مرکزی گیٹ کے قریبی احاطے تک محدود کر دیا اور بکتر بند گاڑی سے دونوں حملہ آوروں کو نشانہ بنایا۔
انہوں نے کہا کہ ’یہ بڑا حملہ تھا، تینوں حملہ آور خودکش تھے لیکن بکتر بند گاڑی کے استعمال سے بڑے نقصان سے بچا لیا گیا‘۔
انہوں نے مزید بتایا کہ بی ڈی یو ٹیم نے خودکش جیکٹس کو ناکارہ بنا دیا ہے۔
سی ٹی ڈی نے حملے کی مزید تحقیقات شروع کر دی ہیں جبکہ دونوں ہلاک دہشت گردوں کی لاشیں تحویل میں لے لی گئی ہیں۔
یہ بھی پڑھیے: بنوں: ایف سی ہیڈکوارٹر پر دہشتگردوں کا حملہ، 6 جوان شہید، 5 دہشتگرد ہلاک
پولیس کے مطابق شہر کے تمام داخلی راستوں پر لگے کیمرے چیک کیے جا رہے ہیں تاکہ سہولت کاروں تک بھی پہنچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف سی ہیڈکوارٹر حملہ تفصیلات پشاور ایف سی ہیڈکوارٹر حملہ پشاور ایف سی ہیڈکوارٹر حملہ ٹائم لائن.
ذریعہ
ذریعہ: WE News
کلیدی لفظ: ایف سی ہیڈکوارٹر حملہ تفصیلات پشاور ایف سی ہیڈکوارٹر حملہ پشاور ایف سی ہیڈکوارٹر اور ایف سی ہیڈکوارٹر ایف سی ہیڈکوارٹر پر مرکزی گیٹ پر نے بتایا کہ خودکش حملہ حملہ آوروں حملہ آور انہوں نے پر حملہ
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا