پشاور میں ایف سی ہیڈکوارٹر پر خودکش حملہ ناکام، 3 دہشتگرد ہلاک
اشاعت کی تاریخ: 24th, November 2025 GMT
پشاور: ایف سی ہیڈکوارٹر پر خودکش حملہ ناکام بنا دیا گیا جب کہ 3 دہشت گرد ہلاک ہو گئے۔
میڈیا ذرائع کے مطابق ایف سی ہیڈکوارٹر پر 3 دہشتگردوں نے اچانک حملہ کر دیا۔ ابتدا میں ایک خودکش بمبار نے مرکزی گیٹ کے قریب خود کو دھماکے سے اڑا دیا، جس کے نتیجے میں زور دار آواز نے پورے علاقے کو لرزا کر رکھ دیا۔
دھماکے کے چند لمحوں بعد ہی باقی دو حملہ آوروں نے افراتفری کا فائدہ اٹھاتے ہوئے اندر داخل ہونے کی کوشش کی، تاہم فورسز کے بروقت ردعمل نے دہشتگردوں کی پیش قدمی روک دی اور دو طرفہ فائرنگ کے تبادلے میں دونوں حملہ آور مار دیے گئے۔
فورسز کی فوری اور بروقت کارروائی کے دوران 3 اہلکار شہید ہوگئے جبکہ 2 جوان زخمی ہوئے جنہیں فوری طور پر اسپتال منتقل کیا گیا۔ دھماکے اور فائرنگ کی اطلاع ملتے ہی ریسکیو 1122 کی ٹیمیں، متعدد ایمبولینسز اور آگ بجھانے والی گاڑیاں جائے وقوع پر پہنچ گئیں۔ زخمیوں کو لیڈی ریڈنگ اسپتال منتقل کیا گیا۔
دھماکے کے فوراً بعد پولیس، ایلیٹ فورس اور دیگر قانون نافذ کرنے والے اداروں نے علاقے کو گھیرے میں لے لیا۔ سی سی پی او پشاور میاں سعید خود موقع پر پہنچے اور آپریشن کی نگرانی کرتے رہے۔
انہوں نے بتایا کہ حملے کے بعد صدر اور کوہاٹ روڈ سمیت اردگرد کے تمام راستوں کو ٹریفک اور عام شہریوں کے لیے مکمل طور پر بند کردیا گیا تاکہ کسی بھی قسم کی مزید ہنگامی صورتحال سے نمٹا جاسکے۔ شہر میں بی آر ٹی سروس بھی عارضی طور پر روک دی گئی۔
آئی جی خیبر پختونخوا نے تصدیق کی کہ تینوں دہشتگرد ہلوک ہو گئے ہیں جب کہ علاقے میں کلیئرنس آپریشن جاری ہے۔
.
ذریعہ
ذریعہ: Al Qamar Online
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار