ایس آئی آر کے نام پر پورے ملک میں افراتفری مچی ہوئی ہے، راہل گاندھی
اشاعت کی تاریخ: 24th, November 2025 GMT
کانگریس لیڈر نے کہا کہ اگر نیت صاف ہوتی تو الیکشن کمیشن آف انڈیا 30 دنوں کی مختصر وقت میں کام کرنے کے بجائے مناسب وقت دیکر شفافیت اور جوابدہی پر توجہ مرکوز کرتا۔ اسلام ٹائمز۔ پارلیمنٹ میں حزب اختلاف کے قائد اور کانگریس رہنما راہل گاندھی نے ووٹر لسٹ کی خصوصی گہری نظرثانی (ایس آئی آر) عمل کے خلاف ایک بار پھر حملہ بولا ہے۔ انہوں نے الیکشن کمیشن کو ہدف تنقید بناتے ہوئے کہا کہ ایس آئی آر کے نام پر پورے ملک میں افراتفری مچی ہوئی ہے، یہ کوئی اصلاح نہیں ہے بلکہ مسلط کیا گیا ظلم ہے۔ راہل گاندھی نے بھارت کی 12 ریاستوں اور مرکز کے زیر انتظام علاقوں میں جاری "ایس آئی آر" عمل کے متعلق سوشل میڈیا پلیٹ فارم ایکس پر ایک پوسٹ کیا ہے۔ انہوں نے لکھا کہ ایس آئی آر کے نام پر پورے ملک میں افراتفری مچا رکھی ہے، نتیجتاً 3 ہفتوں میں 16 بی ایل او کی جان چلی گئی، ہارٹ اٹیک، تناؤ اور خودکشی۔ انہوں نے کہا کہ ایس آئی آر کوئی اصلاح نہیں بلکہ مسلط کیا گیا ظلم ہے۔
انہوں نے مزید لکھا کہ الیکشن کمیشن آف انڈیا نے ایسا سسٹم بنایا ہے جس میں شہریوں کو خود کو تلاش کرنے کے لئے 22 سال پرانی ووٹر لسٹ کے ہزاروں صفحات پلٹنے پڑیں، مقصد صاف ہے، حقیقی ووٹرز تھک ہار جائے اور ووٹ چوری بغیر روک ٹوک کے جاری رہے۔ کانگریس لیڈر کا مزید کہنا ہے کہ بھارت دنیا کے لئے جدید ترین سافٹ ویئر بناتا ہے، لیکن الیکشن کمیشن آف انڈیا آج بھی کاغذات کی ڈھیر اکٹھے کرنے پر بضد ہے۔ انہوں نے کہا کہ اگر نیت صاف ہوتی تو فہرست ڈیجیٹل، تلاش کے قابل اور مشین کے ذریعہ پڑھنے کے قابل ہوتی۔
راہل گاندھی نے کہا کہ اگر نیت صاف ہوتی تو الیکشن کمیشن آف انڈیا 30 دنوں کی مختصر وقت میں کام کرنے کے بجائے مناسب وقت دے کر شفافیت اور جوابدہی پر توجہ مرکوز کرتا۔ راہل گاندھی نے کہا کہ ایس آئی آر ایک سوچی سمجھی چال ہے، جہاں شہریوں کو ہراساں کیا جا رہا ہے اور بی ایل اوز کی غیر ضروری دباؤ سے ہونے والی اموات کو "ضمنی نقصان" سمجھ کر نظر انداز کر دیا گیا ہے۔ انہوں نے کہا کہ یہ ناکامی نہیں سازش ہے، اقتدار کی حفاظت میں جمہوریت کی قربانی ہے۔
ذریعہ: Islam Times
کلیدی لفظ: راہل گاندھی نے الیکشن کمیشن کہ ایس آئی آر نے کہا کہ انہوں نے
پڑھیں:
الیکشن کمیشن کا نوٹس: رانا ثنا اللہ کو ضابطہ اخلاق کی خلاف ورزی پر طلب
data-id="863a0a8" data-element_type="widget" data-widget_type="theme-post-content.default">
اسلام آباد: الیکشن کمیشن آف پاکستان نے ضابطہ اخلاق کی خلاف ورزی کے الزام میں وزیراعظم میاں محمد شہباز شریف کے مشیر برائے سیاسی امور رانا ثنااللہ خان کو نوٹس جاری کر دیا ہے۔
ڈی آر او کی جانب سے ضابطہ اخلاق کی خلاف ورزی کے سلسلے میں وزیراعظم شہباز شریف کے مشیر برائے سیاسی امور رانا ثنااللہ خان کو آگاہ کیا گیا کہ انہوں نے پی پی 116 میں رانا شہریار کی ریلی میں شرکت کی اور خطاب کیا، جو انتخابی ضابطہ اخلاق کی خلاف ورزی کے زمرے میں آتا ہے۔
نوٹس میں واضح طور پر ہدایت کی گئی ہے کہ رانا ثنا اللہ کو کل ڈی آر او کے دفتر میں حاضری دینا ہوگی اور وہ تمام قانونی تقاضوں اور سوالات کے جوابات کے لیے پیش ہوں۔
دوسری جانب، ترجمان الیکشن کمشنر پنجاب نے بتایا کہ ضابطہ اخلاق کی خلاف ورزی کے بعد ضلعی مانیٹرنگ آفیسر فیصل آباد نے رانا ثنا اللہ اور رانا شہریار کے خلاف کارروائی کرتے ہوئے دونوں پر 50 ہزار روپے جرمانہ عائد کیا۔
ترجمان کے مطابق رانا ثنا اللہ نے رانا شہریار کی انتخابی مہم میں حصہ لے کر ضابطہ اخلاق کی خلاف ورزی کی، اور اگر جرمانہ کل تک ادا نہ کیا گیا تو کیس الیکشن کمیشن کو بھیج دیا جائے گا۔
یاد رہے کہ اس سے قبل این اے 96 فیصل آباد کے ضمنی الیکشن میں ضابطہ اخلاق کی مسلسل خلاف ورزی کے معاملے پر الیکشن کمیشن نے وزیر مملکت برائے داخلہ طلال چوہدری کو بھی 24 نومبر کو ذاتی حیثیت میں پیش ہونے کا نوٹس جاری کیا تھا۔ یہ پیش رفت ظاہر کرتی ہے کہ الیکشن کمیشن ضابطہ اخلاق کی خلاف ورزی کے معاملات پر سخت رویہ اختیار کر رہا ہے اور انتخابی عمل کو شفاف رکھنے کے لیے ہر ممکن اقدام کر رہا ہے۔
معیشت کیلئے بری خبر،پاکستان کا کرنٹ اکاؤنٹ خسارے میں چلا گیا