ضمنی انتخاب میں کوئی غیر معمولی شکایت موصول نہیں ہوئی ،چیف الیکشن کمشنر
اشاعت کی تاریخ: 24th, November 2025 GMT
ضمنی انتخابات میں ہمیشہ ٹرن آؤٹ کم رہتا ہے ، جس کی بہت سی وجوہات ہوتی ہیں
انتخاب سے نمبر گیم تبدیلی نہیں ہونی تھی جس کی وجہ سے عوام کی دلچسپی کم رہی، گفتگو
چیف الیکشن کمیشن سکندر سلطان راجا نے ضمنی انتخابات کے دوران سیکیورٹی کے موثر اقدامات پر صوبائی حکومتوں کا شکریہ ادا کرتے ہوئے کہا ہے کہ ضمنی انتخاب میں کوئی غیرمعمولی شکایت موصول نہیں ہوئی ہے ۔چیف الیکشن کمشنر سکندر سلطان راجا نے الیکشن کمیشن میں میڈیا کے نمائندوں سے گفتگو کرتے ہوئے کہا کہ ضمنی انتخاب بہت پرامن رہا، پنجاب اور خیبرپختونخوا کی حکومتوں کا شکرگزار ہوں۔انہوں نے کہا کہ ضمنی انتخابات میں ہمیشہ ٹرن آؤٹ کم رہتا ہے ، جس کی بہت سی وجوہات ہوتی ہیں، اس انتخاب سے نمبر گیم تبدیلی نہیں ہونی تھی جس کی وجہ سے عوام کی دلچسپی کم رہی۔انہوںنے کہاکہ ضابطہ اخلاق کی خلاف ورزی کرنے والوں کیخلاف کمیشن نے بلاتفریق ایکشن لیا، ڈی آر اوز نے کچھ رپورٹس بھیجی ہیں،کچھ شکایات کا کمیشن نے خود نوٹس لیا ہے تاہم ضمنی انتخاب میں کوئی غیر معمولی شکایت موصول نہیں ہوئی ہے ۔چیف الیکشن کمشنر نے کہا کہ طلال چوہدری کو (آج)پیرکو طلب کیا ہے اور آج ہی سماعت ہوگی، لوکل گورنمنٹ انتخابات میں ضابطہ اخلاق کی خلاف ورزی پر ایک وزیر اور امیدوار کو نااہل کیا تھا۔چیف الیکشن کمشنر نے کہا کہ ہر چیز کی ایک لیگل اسکیم ہے ، دنیا بھر میں انتخابات میں خلاف ورزیاں ہوتی ہیں،کمیشن وقتاً فوقتاً اپنی تجاویز حکومت کو بھیجتا رہتا ہے ، کمیشن کے پاس ٹربیونل کو ہدایات دینے کا کوئی اختیار نہیں ہے ۔
.ذریعہ: Juraat
کلیدی لفظ: چیف الیکشن کمشنر انتخابات میں کہا کہ نے کہا
پڑھیں:
ضمنی انتخابات 2025: انتخابی مہم کی مدت آج ختم، رات 12 بجے کے بعد مہم چلانا ممنوع
اسلام آباد:الیکشن کمیشن آف پاکستان نے واضح کیا ہے کہ ضمنی انتخابات 2025 کے سلسلے میں انتخابی مہم چلانے کی مقررہ مدت آج رات 12 بجے ختم ہو جائے گی، جس کے بعد کسی بھی امیدوار یا سیاسی جماعت کو مہم جاری رکھنے کی اجازت نہیں ہوگی۔
الیکشن ایکٹ سیکشن 182 کے تحت انتخابی مہم کی مدت مکمل ہونے کے بعد جلسے، ریلیاں اور تشہیری مواد کی تقسیم سمیت کسی بھی قسم کی مہم چلانا قانوناً ممنوع ہے۔
الیکشن کمیشن کے مطابق اگر کسی امیدوار یا جماعت نے رات 12 بجے کے بعد انتخابی سرگرمی جاری رکھی تو ان کے خلاف قانون کے مطابق کارروائی کی جائے گی۔
جنات، سیاست اور ریاست