فیض حمید بھی نہیں اور وہ ججز بھی نہیں جو پی ٹی آئی کو کامیاب کرواتے تھے: مریم نوا
اشاعت کی تاریخ: 24th, November 2025 GMT
data-id="863a0a8" data-element_type="widget" data-widget_type="theme-post-content.default">
وزیر اعلیٰ پنجاب مریم نواز نے کہا ہے کہ مسلم لیگ ن نے ضمنی الیکشن میں بیانیے پر نہیں بلکہ اپنی کارکردگی کے بل بوتے پر کامیابی حاصل کی ہے۔
وزیر اعلیٰ پنجاب مریم نواز نے صوبائی وزرا اور سیکرٹریز کے اجلاس سے خطاب کرتے ہوئے کہا کہ آج نہ فیض حمید موجود ہیں اور نہ وہ ججز جو سابقہ دور میں پاکستان تحریک انصاف کے لیے نتائج یقینی بنایا کرتے تھے۔
مریم نواز نے کہا کہ یہ ضمنی الیکشن ریفرنڈم نہیں تھا اور اللہ تعالیٰ کا شکر ادا کرتے ہیں کہ مسلم لیگ ن نے 2024 کے عام انتخابات میں ہاری ہوئی اپنی نشستیں دوبارہ جیت لیں، پنجاب اور خیبرپختونخوا کے عوام نے مسلم لیگ ن کے حق میں فیصلہ کیا اور یہ جیت بیانیوں کے بل بوتے پر نہیں بلکہ حقیقی کارکردگی کی بنیاد پر حاصل ہوئی۔
انہوں نے مزید کہا کہ تحریک لبیک کو 2017 کے ضمنی الیکشن میں لانچ کیا گیا، گلگت بلتستان میں کامیاب جلسے کیے گئے لیکن مسلم لیگ ن سے سیٹیں چھینی گئیں، سب کو پتا ہے کہ دھاندلی کب اور کس کے لیے ہوئی، مگر مسلم لیگ ن اپنے موقف پر قائم رہی۔
ان کا کہنا تھا کہ عوام اب بیانیوں سے تنگ آ چکے ہیں، ملک کی ترقی کارکردگی کے بغیر ممکن نہیں اور بہترین بیانیہ وہی ہے جو عملی نتائج کے ساتھ ہو۔
وزیر اعلیٰ پنجاب نے ہری پور میں مسلم لیگ ن کی کامیابی کی مثال دیتے ہوئے کہا کہ بیانیے والوں کو کام کرنے کا طریقہ نہیں آتا اور وہ صرف نوجوانوں کو گمراہ کرتے ہیں۔ پی ٹی آئی نے قیدی نمبر 804 کے نام پر الیکشن لڑا لیکن اسے شکست ہوئی، اور ضمنی انتخابات میں مقبولیت کے دعوے زمین بوس ہو گئے۔
انہوں نے کہا کہ فیض حمید کی پوری طاقت سابقہ دور میں پی ٹی آئی کے ساتھ تھی، اور بائیکاٹ تب ہوتا ہے جب ہار کا یقین ہو، جبکہ انہوں نے اور نواز شریف نے جیل کاٹی مگر انتخابات کا بائیکاٹ نہیں کیا۔
مریم نواز نے کہا کہ 2018 میں ملک کو ڈی ریل کیا گیا، لیکن آج نہ فیض حمید موجود ہیں اور نہ وہ ججز جو پی ٹی آئی کے لیے الیکشن جیتواتے تھے۔
ذریعہ
ذریعہ: Jasarat News
کلیدی لفظ: مریم نواز نے مسلم لیگ ن پی ٹی آئی فیض حمید ہیں اور نے کہا کہا کہ
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار