مقبول رہنما کبھی الیکشن کا بائیکاٹ نہیں کرتے، کارکردگی سے بڑھ کر کوئی بیانیہ نہیں، مریم نواز
اشاعت کی تاریخ: 24th, November 2025 GMT
پنجاب کی وزیرِاعلیٰ مریم نواز شریف کا کہنا ہے کہ حالیہ ضمنی انتخابات دراصل ایک ریفرنڈم ثابت ہوئے جن میں مسلم لیگ (ن) کو واضح کامیابی حاصل ہوئی۔
وزرا کے اجلاس سے خطاب کرتے ہوئے مریم نواز نے کہا کہ حیرت ہے کہ جب نتائج حق میں نہ آئیں تو اسے بائیکاٹ قرار دے دیا جاتا ہے۔ عالمی میڈیا اب یہ لکھ رہا ہے کہ ماضی میں پنجاب ’جادو ٹونے‘ پر چلایا جاتا تھا، مگر ایسے ہتھکنڈوں سے صرف وقتی فائدہ ہی مل سکتا ہے۔
یہ بھی پڑھیے: عام انتخابات کے مقابلے میں ضمنی انتخابات میں ن لیگ نے کتنے زائد ووٹ حاصل کیے؟
ہری پور کے ضمنی انتخاب پر بات کرتے ہوئے انہوں نے کہا کہ عوام نے نواز شریف پر اعتماد کا اظہار کیا۔ مقبول رہنما کبھی الیکشن کا بائیکاٹ نہیں کرتے، کارکردگی سے بڑھ کر کوئی بیانیہ نہیں ہوتا۔
انہوں نے کہا کہ جن لوگوں کو آج ملاقاتوں کے لیے ترس آ رہا ہے، پوری مسلم لیگ (ن) برسوں اسی رویے کا سامنا کرتی رہی ہے۔ میری 13 سال کی بیٹی سے ملاقات تک نہیں ہونے دی جاتی تھی، جبکہ مجھے والدہ کی وفات کی خبر بھی جیل میں ملی۔
یہ بھی پڑھیے: ضمنی انتخابات میں کامیابی، کیا ن لیگ اب پیپلز پارٹی کی محتاج نہیں رہی؟
وزیراعلیٰ پنجاب نے کہا کہ نواز شریف نے بھی قید کے باوجود انتخابات کا بائیکاٹ نہیں کیا اور عوامی مینڈیٹ کا احترام کیا۔ پی ٹی آئی آج اپنے کیے کا نتیجہ بھگت رہی ہے، ملک پر حملہ کرنے والوں کو پھولوں کے ہار نہیں پہنائے جاتے۔
انہوں نے الزام لگایا کہ تحریکِ انصاف نے سیاسی توڑ جوڑ کے ذریعے انتخابات جیتنے کی کوشش کی اور مخالفین کی پگڑیاں اچھالی گئیں، مگر خاموشی اختیار کی گئی۔ جس روز انہوں نے ریاست پر حملہ کیا، اُن کی زوال پذیری وہیں سے شروع ہوئی۔
خیبرپختونخوا کا ذکر کرتے ہوئے مریم نواز نے کہا کہ وہاں کرپشن کے انبار لگا دیے گئے، جبکہ صرف بیانیہ دینے سے عوام کا پیٹ نہیں بھرتا۔ خیبرپختونخوا کو برسوں صرف چور کے بیانیے پر چلایا گیا اور صوبہ پتھر کے دور میں دھکیل دیا گیا۔
یہ بھی پڑھیے: پنجاب و خیبرپختونخوا کے ضمنی انتخابات، غیر حتمی نتائج میں ن لیگ کی مجموعی برتری
وزیراعلیٰ کا کہنا تھا کہ پی ٹی آئی دور میں پوری ریاستی مشینری ہمارے خلاف کھڑی تھی، لیکن آج انہیں پنجاب میں بائیکاٹ اور خیبرپختونخوا میں بدترین شکست کا سامنا ہے۔
انہوں نے کہا کہ پی ٹی آئی نے ’قیدی نمبر 804‘ کے نام پر الیکشن لڑا مگر ناکامی مقدر بنی۔ ضمنی انتخابات میں عوام نے مسلم لیگ (ن) کے بیانیے پر مہر لگائی۔ یہ فتح نواز شریف اور پنجاب اور خیبرپختونخوا کے عوام کے نام ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ضمنی انتخابات مریم نواز ن لیگ وزیراعلی.ذریعہ: WE News
کلیدی لفظ: ضمنی انتخابات مریم نواز ن لیگ وزیراعلی ضمنی انتخابات مریم نواز نواز شریف نے کہا کہ انہوں نے
پڑھیں:
نئے صوبے بنانے سے ملک مزید تقسیم کا شکار ہو گا: مریم نواز
لاہور (نوائے وقت رپورٹ) وزیراعلیٰ مریم نواز شریف سے نیشنل ڈیفنس یونیورسٹی کی27ویں نیشنل سکیورٹی ورکشاپ کے شرکاء نے ملاقات کی- وزیراعلیٰ نے این ڈی یو کے وفد کا پر تپاک خیرمقدم کیا۔ شرکاء کو حکومت پنجاب کے عوامی فلاح وبہبود کے پراجیکٹس اوراقدامات سے آگاہ کیا۔ نیشنل سکیورٹی ورکشاپ کے شرکاء نے حکومت پنجاب کے فلاحی اقدامات کو سراہا۔ وزیراعلی نے کہاکہ آپریشن’’بنیان مرصوص‘‘ میں کامیابی کے بعد پاکستان دنیا میں ہر مقام پر سربلند ہے۔ پنجاب میں بہت کچھ کرچکے ہیں اوربہت کچھ ہونے جارہا ہے۔وسائل کی غیر منصفانہ تقسیم کی وجہ سے مسائل کا سامنا کرنا پڑتا ہے۔ احتساب نہ ہونے پر پبلک سیکٹر میں پرفارمنس زیرو ہوجاتی ہے۔ سیلاب کے اثرات کا سامنا کررہے ہیں،نہ صرف لاکھوں افراد بلکہ مویشیوں کو بھی بچایا گیا۔ ماحولیاتی تبدیلی حقیقت ہے،بہتری کیلئے پاکستان کی کاوشوں کو دنیا بھر میں پذیرائی ملی۔ پنجاب میں سموگ کنٹرول کرنے کیلئے انتھک محنت کی گئی۔ سرحد پار سے فصلیں جلانے کے اثرات لاہور پر آتے ہیں۔ ووٹ نہ ملنے کا ڈر ہو تو کوئی اچھا کام نہیں کیا جا سکتا،تجاوزات اٹھانے پر لوگ ناراض بھی ہوئے۔ میرٹ کا نفاذ اورسفارش کی نفی ہمارا نصب العین ہے۔پنجاب میں میرٹ کی خلاف ورزی نہیں کی جاسکتی،سیاسی بنیاد پر کوئی بھرتی نہیں کی گئی۔ کوئی کہہ دے کہ میں نے کسی کی سفارش کی ہے تو استعفیٰ تک دے سکتی ہوں۔ممکن ہے نچلے لیول پر کرپشن پوری طرح کنٹرول میں نہ ہو مگر اب ٹاپ لیول پر ممکن نہیں۔ تاریخ میں پہلی مرتبہ خواتین وزراء، سیکرٹری، کمشنر،ڈی سی اورڈی پی او کام کررہی ہیں۔ مریم اورنگزیب،عظمی بخاری،ثانیہ عاشق،سلمی بٹ بہت محنتی اوراچھاکام کررہی ہیں۔میرٹ،شفافیت اوربروقت فیصلہ سازی گڈگورننس کے رہنماء اصول ہیں۔ بروقت فیصلہ سازی کیلئے ہمت اورپھر قابلیت بھی درکار ہوتی ہے۔ ڈیپارٹمنٹس کی کارکردگی کا جا ئزہ لینے کیلئے وزراء اورسیکرٹریز کے 6،6گھنٹے کے میراتھن سیشن ہورہے ہیں۔سرکاری طورپر گندم نہ خریدنے سے کسان نہیں مڈل مین فائدہ اٹھاتا ہے۔ گندم نہ خریدنے پر تنقید کا سامنا کرنا پڑا،پنجاب واحد صوبہ ہے جہاں روٹی،آٹا اورگندم کے نرخ نہیں بڑھے۔ احتساب اورجوابدہی کے احساس کے بغیرگڈ گورننس ممکن نہیں۔ سبزی، روٹی اورآٹا سستا ہونے سے غریب آدمی کا کچن آسانی سے چل سکتا ہے۔ خوف اورغصے سے کام نہیں لیا جاسکتا،بیوروکریسی کی طرف سے مثبت تعاون ملاہے۔ ناکامیوں کا ملبہ بیوروکریسی یا دوسروں پر ڈالنا میرا وطیرہ نہیں۔ میرا خیال ہے کہ مزید صوبے بنانے سے ملک مزید تقسیم کا شکار ہوگا۔ ماحولیات کی بہتری اورتحفظ کیلئے پنجاب واحد صوبہ ہے جہاں کام ہورہا ہے۔ سرمایہ کاروں کیلئے اکنامک زون اورانڈسٹریل سٹیٹ کے دروازے کھول دیئے۔سرمایہ کاری بڑھانے کیلئے فریز لینڈ بھی دینا پڑی تو دیں گے۔ گارمنٹس سٹی پلگ اینڈ پلے پراجیکٹ بالکل تیار ہے،جلد آغاز کریں گے۔ چل رہے ہیں لیکن کرپشن کی کوئی شکایت نہیں۔ انشاء اللہ پانچ سال میں پنجاب کرپشن فری ہوگا۔میرے بارے میں جلسوں میں رکیک جملے کہے گئے،والد کیساتھ کھڑے ہونے پر جیل میں ڈال دیا گیا، آج مکافات عمل ہے۔وہ جانتے تھے ان کو نہ گرایاگیاتو ہماری جگہ نہیں بنتی،دنیا میں پاکستان اورپاکستان کے لوگوں کو بدنام کیاگیا۔ سیاسی اخلاقیات کا معیار مقرر کرنا چا ہیے،الزام لگایا ہے تو ثابت بھی کریں۔ گالی گلوچ اورالزام تراشی کاجواب پرفارمنس کے بیانیے سے دیں گے۔ مریم نواز شریف نے لکی مروت اور ڈیرہ اسماعیل خان میں فورسز کے آپریشنز میں 18 بھارتی اسپانسرڈدہشت گرد وں کو ہلاک کرنے پر سکیورٹی فورسز کو خراج تحسین پیش کیا ہے۔
شیخ حسینہ واجد نے عدالتی فیصلے کو سیاسی اور جانبدار قرار دے دیا