وزیراعظم شہبازشریف کی ضمنی انتخابات میں شاندار کامیابی پر لیگی رہنماؤں کو مبارکباد
اشاعت کی تاریخ: 24th, November 2025 GMT
وزیراعظم شہبازشریف نے ضمنی انتخابات میں شاندار کامیابی پر لیگی رہنماؤں کو مبارکباد پیش کی۔ وزیراعظم نے اےاین 129میں حافظ محمد نعمان اور این اے 143 چیچہ وطنی میں محمد طفیل جٹ کو کامیابی پرمبارکباد پیش کرتے ہوئےکہا کہ نوازشریف کے ویژن اور ان کی بے مثال قیادت کی بدولت ضمنی انتخابات میں کامیابی حاصل ہوئی۔ وزیراعظم کا کہنا تھا کہ ضمنی انتخابات میں کامیابی مریم نواز کی محنت پر عوام کےاعتماد کی عکاسی ہے، اور یہ جیت حکومتی کارکردگی پر عوام کے اعتماد کا مظہر ہے۔ انہوں نے کہا کہ ضمنی الیکشن میں کامیابی میں پارٹی کارکنان کی محنت بھی شامل ہے۔ یاد رہے کہ ن لیگ نے ضمنی انتخابات میں قومی اسمبلی کی تمام 6 نشستوں پر کامیابی حاصل کرلی جبکہ صوبائی اسمبلی کی بھی 7 میں سے 6 نشستیں ن لیگ کے حصے میں آئی، پیپلز پارٹی صوبائی اسمبلی کی صرف ایک نشست پر کامیابی حاصل کرسکی۔
.ذریعہ: Nawaiwaqt
کلیدی لفظ: ضمنی انتخابات میں
پڑھیں:
ضمنی انتخاب،قومی و صوبائی اسمبلی کے 13حلقوں میں لیگی امیدواروں کو واضح برتری حاصل
پی ٹی آئی کی چھوڑی ہوئی جن نشستوں پر نون لیگ انتخابی برتری لینے میں کامیاب ہوئی ہے اس میںواضح طور پر ووٹرز ٹرن آؤٹ کم دکھائی دیا، تحریک انصاف کے حلقوں میں انتخابی نتائج مسترد کرنے پر صلاح مشورے
آزاد امیدواروں کی جانب سے ضمنی انتخابات پر متعدد سوالات اُٹھائے گئے ،کچھ حلقوں میں ووٹرز کی طرف سے گھروں سے بیلٹ پیپر لانے کے سنگین الزامات بھی لگتے رہے، فارم۴۵ پربھی جلد دستخط کرانے کی اطلاعات زیر گردش
ملک بھر میں قومی اسمبلی کے 6اور پنجاب اسمبلی کے 7حلقوں میں ضمنی انتخابات کے لیے پولنگ کا وقت ختم ہونے کے بعد ووٹوں کی گنتی اور غیر حتمی غیر سرکاری نتائج کا سلسلہ جاری ہے ۔ تاہم واضح طور پر پنجاب میں نون لیگ تمام ہی نشستوں پر ٓواضح برتری رکھنے میں کامیاب ہو
گئی ہے۔ تفصیلات کے مطابق ہری پور، لاہور، فیصل آباد، ساہیوال، ڈیرہ غازی خان، سرگودھا، میانوالی، مظفرگڑھ کے 13 قومی و صوبائی حلقوں میں ضمنی الیکشن ہوئے ۔واضح رہے کہ پی ٹی آئی کی چھوڑی ہوئی جن نشستوں پر نون لیگ انتخابی برتری لینے میں کامیاب ہوئی ہے اس میںواضح طور پر ووٹرز ٹرن آؤٹ کم دکھائی دیا۔ دوسری طرف پی ٹی آئی ایک جماعت کے طور پر کہیں پر بھی انتخابات میں شریک نہیں ہوئی البتہ کچھ آزاد امیدوار پی ٹی آئی کی حمایت رکھتے تھے۔ آزاد امیدواروں کی جانب سے ضمنی انتخابات پر متعدد سوالات بھی اُٹھائے گئے ہیں جبکہ کچھ حلقوں میں یہ الزامات بھی سامنے آئے کہ ووٹرز گھروں سے بیلٹ پیپر لے کر آئے جو پہلے سے دستخط شدہ بھی تھے، جبکہ کچھ جگہوں پر فارم۴۵ بھی جلد دستخط کرانے کی اطلاعات بھی گردش میں رہیں۔مجموعی طور پرتحریک انصاف کی جانب سے اس انتخابی عمل پر سنگین سوالا ت اُٹھائے جاتے رہے۔ رات گئے جب تمام حلقوں سے انتخابی عمل میں نون لیگ کی پراسرار مگر واضح برتری کی خبریں آرہی تھیں تو تحریک انصاف کے حلقوں میں ان انتخابی نتائج کو مسترد کرنے پر صلاح مشورے جاری تھے۔
این اے 185 ڈی جی خان
حلقے کے 108 پولنگ اسٹیشنز کے غیر حتمی غیر سرکاری نتائج کے مطابق مسلم لیگ ن کے امیدوار محمود قادر لغاری 40527 ووٹ لے کر آگے جبکہ پیپلزپارٹی کے امیدوار سردار دوست کھوسہ 19008 ووٹ لے کر دوسرے نمبر پر ہیں۔
ساہیوال: این اے 143 ضمنی انتخابات
حلقے کے تمام 442 پولنگ اسٹیشنز کے غیر سرکاری غیر حتمی نتائج کے مطابق مسلم لیگ ن کے چوہدری محمد طفیل جٹ 136313 ووٹ لیکر آگے جبکہ آزاد امیدوار ضرار اکبر 13120 ووٹ لیکر دوسرے نمبر پر ہیں۔
ہری پور، این اے 18
161 پولنگ اسٹیشن کے غیر حتمی غیر سرکاری نتائج کے مطابق مسلم لیگ ن کے بابر نواز 44707 ووٹ لے کر پہلے جبکہ آزاد امیدوار شہر ناز 28469 ووٹ لے کر دوسرے نمبر پر ہیں۔
لاہور: این اے 129
پاکستان مسلم لیگ ن کے امیدوار حافظ نعمان نے میدان مار لیا، انہوں نے 63 ہزار 441 ووٹ حاصل کیے جبکہ پی ٹی آئی کے حمایت یافتہ آزاد امیدوار 29099 ووٹ حاصل کر سکے ۔مسلم لیگ ن کے امیدوار حافظ نعمان نے 34342 ووٹوں کی برتری حاصل کی۔ ریٹرننگ افسر کے مطابق 334 پولنگ سٹیشن میں ٹرن آؤٹ 18.67 فیصد رہا۔تمام 317 پولنگ سٹیشن میں ٹرن آؤٹ 17.24 فیصد رہا، جبکہ ن لیگی امیدوار حافظ محمد نعمان 63441 ووٹ لے کر پہلے نمبر پر اور آزاد امیدوار ارسلان احمد ووٹ 29099 لے کر دوسرے نمبر پررہے ۔
فیصل آباد: حلقہ نمبراین اے 96
153 پولنگ اسٹیشن کے غیر حتمی غیر سرکاری نتائج کے مطابق پاکستان مسلم لیگ ن کے امیدوار بلال چوہدری 63957 ووٹ لے کر
پہلے جبکہ آزاد امیدوار ملک نواب شیر وسیر 21067 ووٹ دوسرے نمبر پر ہیں۔
مظفرگڑھ: پی پی 269
63 پولنگ اسٹیشنز کے غیر سرکاری نتائج کے مطابق پی پی پی کے میاں علمدارقریشی 23227 ووٹ لیکر آگے جبکہ آزاد امیدوار اقبال پتافی 13444 ووٹ لے کر دوسرے نمبر پر ہیں۔
میانوالی: حلقہ پی پی 87
96 پولنگ اسٹیشنز کے غیر سرکاری غیر حتمی نتائج کے مطابق علی حیدرنور خان 44944 لے کر آگے جبکہ نوابزادہ ایاز خان 2622 لے کر دوسرے نمبر پر ہیں۔
فیصل آباد: پی پی 98
غیر حتمی غیر سرکاری نتائج کے مطابق مسلم لیگ ن کے آزاد علی تبسم نے 28907 ووٹ کے ساتھ پہلے جبکہ آزاد امیدوار محمد اجمل چیمہ 20401 ووٹ کے ساتھ دوسرے نمبر پر ہیں۔
فیصل آباد، پی پی 115
68 پولنگ کے اسٹیشنز کے غیر حتمی غیر سرکاری نتائج کے مطابق مسلم لیگ ن کے محمد طاہر پرویز 12431 ووٹ لے کر پہلے جبکہ آزاد امیدوار محمد اصغر نے 2012 ووٹ لے کر دوسرے نمبر پر ہیں۔
فیصل آباد: پی پی 116
ووٹنگ ختم ہونے کے بعد گنتی کا عمل جاری ہے
ساہیوال: پی پی 203
تمام 185 پولنگ اسٹیشنز کے غیر سرکاری غیر حتمی نتائج کے مطبق مسلم لیگ ن کے چوہدری محمد حنیف جٹ 46820 ووٹ لیکر آگے جبکہ آزاد امیدوار فلک شیر ڈوگر10975 ووٹ لیکر دوسرے نمبر پر ہیں، ٹرن آؤٹ 23 فیصد رہا۔
سرگودھا،پی پی 73
89 پولنگ اسٹیشن کے غیر حتمی غیر سرکاری نتائج کے مطابق ن لیگ کے سلطان علی رانجھا 28704 ووٹ کے ساتھ پہلے جبکہ آزاد امیدوار حارث رانجھا 4091 ووٹ دوسرے نمبر پر ہیں۔
ریاض میں بلیک ہیٹ 2025: سعودی عرب ایک بار پھر عالمی سائبر سیکیورٹی کا مرکز بننے کو تیار