بی جے پی حکومت "ایس آئی آر" کے بہانے ووٹ کا حق چھین رہی ہے، اکھلیش یادو
اشاعت کی تاریخ: 30th, November 2025 GMT
انہوں نے کہا کہ سماجوادی پارٹی پہلے دن سے مطالبہ کررہی ہے کہ اسطرح کے کام کے دباؤ سے گریز کیا جائے، کیونکہ یہ بہت ذمہ دار، پیچیدہ اور حساس کام ہے۔ اسلام ٹائمز۔ سماج وادی پارٹی کے صدر اکھلیش یادو نے حکمران جماعت بھارتیہ جنتا پارٹی اور الیکشن کمیشن پر ملی بھگت کا الزام لگاتے ہوئے دعویٰ کیا کہ حکومت ووٹر لسٹ کی ایس آئی آر (اسپیشل انٹینسیو ریویژن) کے بہانے ووٹ کا حق چھیننے کی کوشش کر رہی ہے۔ اکھلیش یادو نے یہ بیان ایس آئی آر مہم کے دوران ڈیوٹی کے دوران برین ہیمرج سے ہلاک ہونے والے بی ایل او افسر کے خاندان کو 2 لاکھ روپے کی مالی امداد فراہم کرنے کے بعد ایس پی ہیڈکوارٹر میں ایک پریس کانفرنس سے خطاب کرتے ہوئے دیا۔ اکھلیش یادو نے پریس کانفرنس میں الزام لگایا یہ ایس آئی آر ایک سوچی سمجھی سازش ہے، ایک حکمت عملی ہے۔ انہوں نے کہا کہ یہ ہمارے ووٹ کا حق چھیننے کا منصوبہ ہے، جس کی ہمیں بھیم راؤ امبیڈکر کے دئے گئے آئین کے تحت ضمانت دی گئی ہے۔
سماج وادی پارٹی کے صدر نے کہا مودی حکومت اور الیکشن کمیشن ایس آئی آر کے بہانے ہمارا ووٹ کا حق چھین رہے ہیں، وہ آپ کی شناخت، آپ کی ریزرویشن چھین لیں گے اور آپ پر بے جا دباؤ ڈالیں گے۔ انہوں نے یہ سنگین الزامات ایک بی ایل او وجے کمار ورما کا حوالہ دیتے ہوئے لگائے جن کی 14 نومبر کو برین اسٹروک سے موت ہوگئی تھی۔ اکھلیش یادو نے کہا کہ سرکاری اہلکار ان پر دباؤ ڈال رہے ہیں کہ بی ایل او ڈیوٹی پر نہیں تھے اور پہلے سے بیمار تھے۔ بی ایل او ورما کے اہل خانہ نے میڈیا کو بتایا کہ ورما شکشا مترا تھے اور بی ایل او کے عہدے پر تعینات تھے۔ انہیں 14 تاریخ کو برین اسٹروک ہوا اور وہ اس دن وہ کام پرگئے تھے۔ انہوں نے کہا کہ وہ بیٹھے اپنا کام کر رہے تھے کہ رات گیارہ بجے وہ اپنی کرسی سے گر گئے اور ہم انہیں ہسپتال لے گئے جہاں ڈاکٹروں نے بتایا کہ انہیں برین اسٹروک ہوا ہے۔
متوفی کی اہلیہ نے الزام لگایا کہ ایک افسر نے پہلے کہا تھا کہ وہ پہلے ہی اپنی ذمہ داریوں سے فارغ ہو چکے تھے۔ جب انہوں نے 14 تاریخ کو کام شروع کیا تو اپنی ذمہ داریوں سے فارغ کیسے ہوگئے، ان کو انتظامیہ سے کوئی مدد نہیں ملی، پھر بھی وہ جھوٹے الزامات لگا رہے ہیں۔ خاندان کو دو لاکھ روپے کا چیک سونپتے ہوئے اکھلیش یادو نے کہا کہ فی الحال پارٹی اس خاندان کو دو لاکھ روپے دے رہی ہے، ہم مطالبہ کرتے ہیں کہ اس خاندان کو ایک کروڑ روپے امداد کے طور پر دئے جائیں اور اسے سرکاری نوکریوں سمیت مختلف سرکاری اسکیموں سے منسلک کیا جائے۔ بی ایل او کے اہل خانہ کے بیان کا حوالہ دیتے ہوئے سماج وادی پارٹی کے صدر اکھلیش یادو نے کہا بی ایل او کی موت ڈیوٹی کے دوران ہوئی، لیکن اہلکار دباؤ ڈال رہے ہیں اور یہ دعویٰ کرنے کی سازش رچی جا رہی ہے کہ وہ ڈیوٹی پر نہیں تھے۔ جس اسکول میں وہ شکشا مترا کے طور پر کام کرتے تھے، اس پر بھی یہ دعویٰ کرنے کے لئے دباؤ ڈالا جا رہا ہے کہ وہ پہلے سے بیمار تھے۔
اکھیلیش یادو نے کہا کہ سماجوادی پارٹی پہلے دن سے مطالبہ کر رہی ہے کہ اس طرح کے کام کے دباؤ سے گریز کیا جائے، کیونکہ یہ بہت ذمہ دار، پیچیدہ اور حساس کام ہے۔ انہوں نے کہا کہ ایک بار جب فارم مسترد ہو جاتا ہے اور آپ کے ووٹ کو شمار نہیں کیا جاتا ہے، تو آپ کو تمام دستاویزات اپنے ساتھ رکھنا ہوں گے۔ اترپردیش کے سابق وزیراعلیٰ نے طنزیہ انداز میں کہا کہ یہ ایس آئی آر ہے، بی جے پی کو اتنی جلدی کیوں ہے۔ الیکشن کمیشن اور بی جے پی آپس میں دست و گریباں ہیں اور دونوں جلدی کر رہے ہیں۔ سماجوادی پارٹی کی سربراہ نے سوال کیا میں یہ پہلے بھی کہہ چکا ہوں کہ اترپردیش میں شادیاں مسلسل ہو رہی ہیں اور شادیوں کے دوران لوگوں کو ایک دوسرے کے گھر جانا پڑتا ہے، تیاریاں کرنی پڑتی ہیں اور ہر کوئی مصروف ہوتا ہے، اتنے کم وقت میں پوری ریاست کے لئے ایس آئی آر کرانے کی کیا ضرورت ہے۔
ذریعہ
ذریعہ: Islam Times
کلیدی لفظ: انہوں نے کہا کہ اکھلیش یادو نے یادو نے کہا ایس آئی آر خاندان کو ووٹ کا حق بی ایل او کے دوران رہے ہیں ہیں اور رہی ہے
پڑھیں:
سندھ میں 20 لاکھ گھروں کی تعمیر کو ممکن بنائیں گے:بلاول بھٹو کا گلگت جلسے سے خطاب
سٹی 42: گلگت بلتستان انتخابات کے سلسلے میں اسکردو میں پاکستان پیپلز پارٹی کے جلسے سے چیئرمین پاکستان پیپلز پارٹی بلاول بھٹو زرداری نے خطاب کرتے ہوئے کہا کہ سندھ میں 20 لاکھ گھروں کی تعمیر کا منصوبہ دنیا کا سب سے بڑا ہاؤسنگ پراجیکٹ ہے، جبکہ حقیقی ترقی امیروں کو مزید مراعات دینے کے بجائے غریبوں کو روزگار اور مواقع فراہم کرنے سے ممکن ہے۔
بلاول بھٹو زرداری نے کہا کہ گلگت بلتستان کے عوام کو ان کے آئینی اور جمہوری حقوق دینا ملکی ترقی کے لیے ناگزیر ہے۔ انہوں نے اعلان کیا کہ پیپلز پارٹی گلگت بلتستان کو 18ویں ترمیم جیسے اختیارات دینے کی حامی ہے اور اسلام آباد کو یہاں کے عوام کے حقِ ملکیت کو تسلیم کرنا ہوگا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
چیئرمین پیپلز پارٹی نے کہا کہ تھر کول منصوبے میں 80 فیصد ملازمتیں مقامی افراد کو دی گئیں، جو ان کی جماعت کے عوام دوست وژن کا عملی ثبوت ہے۔ انہوں نے دعویٰ کیا کہ گلگت بلتستان کے دوروں کے حوالے سے وہ دیگر تمام سیاسی رہنماؤں سے زیادہ مرتبہ یہاں آ چکے ہیں۔
خطاب کے دوران بلاول بھٹو زرداری نے ملکی دفاعی صلاحیتوں کا ذکر کرتے ہوئے کہا کہ پاکستان کا ایٹمی پروگرام شہید ذوالفقار علی بھٹو کی قیادت میں شروع ہوا جبکہ میزائل پروگرام کو شہید محترمہ بینظیر بھٹو نے آگے بڑھایا۔ انہوں نے کہا کہ سابق صدر آصف علی زرداری نے پاکستان میں غیر ملکی فوجی اڈوں کی موجودگی کا خاتمہ کیا تھا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
سماجی بہبود کے حوالے سے انہوں نے کہا کہ بے نظیر انکم سپورٹ پروگرام کو ہر صورت محفوظ رکھا جائے گا اور آئندہ بجٹ میں اس پروگرام کے فنڈز میں اضافے کی کوشش کی جائے گی۔ ان کے مطابق پیپلز پارٹی غریب اور پسماندہ طبقات کی نمائندہ جماعت ہے اور عوامی فلاح کے منصوبوں کو جاری رکھے گی۔
علاقائی اور عالمی صورتحال پر گفتگو کرتے ہوئے بلاول بھٹو زرداری نے کہا کہ خطے میں جاری کشیدگی اور جنگوں کے اثرات پوری مسلم دنیا اور عالمی معیشت پر مرتب ہو رہے ہیں۔ انہوں نے امن کے قیام کی ضرورت پر زور دیتے ہوئے امید ظاہر کی کہ جنگوں کے خاتمے اور استحکام کے لیے جاری سفارتی کوششیں کامیاب ہوں گی۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
انہوں نے کہا کہ پیپلز پارٹی ہمیشہ امن، جمہوریت اور عوامی حقوق کی سیاست پر یقین رکھتی ہے اور آئندہ بھی عوام کے مفادات کے تحفظ کے لیے اپنا کردار ادا کرتی رہے گی۔
بلاول بھٹو زرداری نے کہا کہ آپ نے فیصلہ کرنا ہے ، عوام دوست یا عوام دشمن حکومت بنانی ہے ،ہماری غریب دوست اور ان کی عوام دشمن سیاست ہے ، میں نے سیلاب متاثرہ عوام کے لیے گھر بنا کر دیکھائے ۔ انھوں نے کہا کہ ہماری کوشش ہوتی ہے کہ زیادہ سے زیادہ لوگوں کو روزگار دیں ،دوسری جماعتوں کی کوشش ہوتی ہے کہ کیسے لوگوں کو بے روز گار کریں ۔
آزاد کشمیر:تعلیمی اداروں میں گرمیوں کی چھٹیوں کا اعلان
گلگت بلتستان میں انتخابی مہم کے سلسلے میں اسکردو میں جلسے سے خطاب کرتے ہوئے چیئرمین پاکستان پیپلز پارٹی بلاول بھٹو زرداری نے کہا کہ پاکستان کی دفاعی طاقت کی بدولت آج کوئی بھی ملک پاکستان کی جانب میلی آنکھ سے دیکھنے کی جرات نہیں کر سکتا۔ انہوں نے کہا کہ شہید ذوالفقار علی بھٹو نے قوم کو ایٹمی پروگرام کا تحفہ دیا، جبکہ شہید محترمہ بینظیر بھٹو نے میزائل پروگرام کو آگے بڑھایا اور ملکی دفاع کو مزید مضبوط بنایا۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
بلاول بھٹو زرداری نے سابق فوجی حکومت پر تنقید کرتے ہوئے کہا کہ مشرف دور میں غیر ملکی طاقتوں کو پاکستان کی سرزمین پر اڈے قائم کرنے کی اجازت دی گئی تھی، تاہم سلالہ واقعے کے بعد صدر آصف علی زرداری نے ایسے تمام اڈوں کو بند کروا کر غیر ملکی افواج کو واپس بھیج دیا۔ چیئرمین پیپلز پارٹی نے کہا کہ ان کی جماعت پاکستان کو ہر شعبے میں مضبوط اور خودمختار دیکھنا چاہتی ہے۔ ان کے بقول پاکستان پیپلز پارٹی واحد سیاسی جماعت ہے جو ملک کو مزید مستحکم اور عوامی فلاح کی راہ پر گامزن کر سکتی ہے۔
انہوں نے کہا کہ پیپلز پارٹی نے ہمیشہ عوام کو معاشی ریلیف فراہم کرنے کے لیے اقدامات کیے ہیں اور اسی سوچ کے تحت بے نظیر انکم سپورٹ پروگرام (بی آئی ایس پی) متعارف کرایا گیا، جس کے ذریعے غریب اور مستحق خاندانوں کو مالی معاونت فراہم کی جاتی ہے۔ بلاول بھٹو زرداری نے کہا کہ بی آئی ایس پی اسلام آباد یا کسی ایک علاقے کا نہیں بلکہ پورے پاکستان کے عوام کا پروگرام ہے، تاہم بعض سیاسی عناصر اسے ختم کرنے کی کوشش کرتے رہتے ہیں۔
انہوں نے اعلان کیا کہ چاہے گلگت بلتستان کے انتخابات میں پیپلز پارٹی کے امیدوار کامیاب ہوں یا نہ ہوں، وزیراعظم آئندہ بجٹ میں بے نظیر انکم سپورٹ پروگرام کے فنڈز میں اضافے کا اعلان کریں گے تاکہ زیادہ سے زیادہ مستحق افراد کو ریلیف فراہم کیا جا سکے،انہوں نے اس عزم کا اظہار کیا کہ پیپلز پارٹی آئندہ بھی عوامی فلاح، معاشی استحکام اور قومی خودمختاری کے لیے اپنی جدوجہد جاری رکھے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ