کمر توڑ مہنگائی، رمضان کے آغاز پر بھی عوام کی جانب سے محدود خریداری
اشاعت کی تاریخ: 18th, February 2026 GMT
رمضان کے آغاز پر پاکستانی شہری مہنگائی کے دباؤ کے باعث اپنے گھریلو بجٹ کو محتاط انداز میں استعمال کر رہے ہیں اور خریداری کے اپنے معمولات میں تبدیلیاں لا رہے ہیں۔
مزید پڑھیں: رمضان المبارک کا چاند نظر آگیا، پاکستان میں کل پہلا روزہ ہوگا
مہنگے یوٹیلیٹی بل اور اجناس کی بڑھتی ہوئی قیمتیں لوگوں کے اخراجات پر اثر ڈال رہی ہیں، جس کی وجہ سے لوگ رمضان کی تیاریوں میں محتاط رویہ اختیار کررہے ہیں۔
عام طور پر رمضان میں جب مسلمان صبح سے شام تک روزہ رکھتے ہیں اور افطار کے لیے خصوصی کھانے تیار کرتے ہیں، پاکستان بھر میں پھل، تلی ہوئی چیزیں اور مٹھائیاں زیادہ فروخت ہوتی ہیں، لیکن حالیہ برسوں میں مہنگائی اور اقتصادی بحران کے بعد بجلی اور گیس کے نرخوں میں اضافے نے خریداری کے رجحانات بدل دیے ہیں۔
اس وجہ سے درمیانے طبقے کے کئی گھرانے خریداری محدود کر رہے ہیں جبکہ تاجر پچھلے رمضان کے مقابلے میں کم فروخت رپورٹ کررہے ہیں۔
ماہرین اقتصادیات کا کہنا ہے کہ اشیا کی قیمتیں بلند سطح پر ہیں، جس کی وجہ سے رمضان کی خریداری میں گھریلو بجٹ پر دباؤ برقرار ہے۔
مزید پڑھیں: ماہِ رمضان میں سوشل میڈیا پر اپنی پوسٹس کو وائرل بنانے کے لیے بہترین وقت کون سا ہے؟
تاجروں کا کہنا ہے کہ عام طور پر لوگ رمضان کے دوران مختلف اشیا خرید رہے ہوتے تھے، لیکن اس بار رجحان مختلف ہے اور لوگ خریداری کم کررہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews خریداری رمضان مہنگائی وی نیوز.
ذریعہ
ذریعہ: WE News
کلیدی لفظ: مہنگائی وی نیوز رمضان کے رہے ہیں
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار