لائیو اسٹریمنگ کے دوران چینی انفلوئنسر کا بیوٹی فلٹر فیل، 1 لاکھ 40 ہزار فالوورز کم ہوگئے
اشاعت کی تاریخ: 18th, February 2026 GMT
سوشل میڈیا کی دنیا میں ایک دلچسپ اور سبق آموز واقعہ پیش آیا جب ایک چینی خاتون انفلوئنسر کی لائیو اسٹریم کے دوران بیوٹی فلٹر میں خرابی آگئی اور اس کا اصل چہرہ سامنے آ گیا۔ اس واقعے کے فوری بعد انفلوئنسر کو شدید نقصان ہوا اور اس کے 1 لاکھ 40 ہزار فالوورز کم ہوگئے۔
یہ بھی پڑھیں: چینی انفلوئنسر لی زی چی کی سوشل میڈیا پر واپسی، 3 برس کہاں غائب رہیں؟
واقعہ اس وقت پیش آیا جب انفلوئنسر اپنے فالوورز کے ساتھ لائیو سیشن کررہی تھیں۔ وہ عام طور پر بیوٹی فلٹرز استعمال کرتی تھیں جو ان کی جلد کو ہموار، چہرے کو پرکشش اور آنکھوں کو بڑا دکھاتے تھے۔
اسٹریم کے دوران فلٹر اچانک فیل ہوگیا اور ان کا قدرتی چہرہ سامنے آگیا، جس میں جلد کی قدرتی ساخت اور عمر کے اثرات واضح تھے۔ ویڈیو میں دیکھا جاسکتا ہے کہ فلٹر کے ختم ہوتے ہی انفلوئنسر کا چہرہ ایک نوجوان پرکشش لڑکی سے ایک بالغ خاتون کی شکل اختیار کرگیا۔
View this post on InstagramA post shared by Abhishek Singh (@abhishek.
اس ویڈیو کے وائرل ہونے کے بعد سوشل میڈیا پر بحث چھڑ گئی۔ کچھ صارفین نے انفلوئنسر پر تنقید کی کہ وہ فالوورز کو دھوکہ دے رہی تھیں، جبکہ دیگر نے کہا کہ فلٹرز کا استعمال آن لائن تفریح کا حصہ ہے اور اس میں کوئی حرج نہیں۔ ایک صارف نے تبصرہ کیا کہ ’فلٹرز صرف تب تک کام کرتے ہیں جب تک وہ کام کرتے ہیں۔‘
اس واقعے نے آن لائن شہرت، صداقت اور بیوٹی اسٹینڈرڈز پر نئی بحث کو جنم دیا ہے۔ انفلوئنسر، جن کا نام ظاہر نہیں کیا گیا، اپنے فالوورز کو ایک مثالی اور پرکشش شکل پیش کرکے بڑی تعداد میں مداح بنا چکی تھیں۔ فلٹر فیل ہونے کے بعد نہ صرف فالوورز میں کمی ہوئی بلکہ انہیں تحائف اور ڈونیشنز میں بھی نقصان اٹھانا پڑا۔
یہ بھی پڑھیں: چینی جوڑے کو باکس میں ملنے والی پاکستانی لڑکی نے سوشل میڈیا مداح سے شادی کیوں کی؟
ماہرین کا کہنا ہے کہ سوشل میڈیا پر فلٹرز کا استعمال عام ہے، لیکن ایسے واقعات صارفین کو یاد دلاتے ہیں کہ آن لائن پیش کی جانے والی تصویر ہمیشہ حقیقت نہیں ہوتی۔ یہ واقعہ چین کی لائیو اسٹریمنگ انڈسٹری پر بھی اثر ڈال سکتا ہے، جہاں انفلوئنسرز اپنی شکل و صورت کو بدل کر کمائی کرتے ہیں۔
ویڈیو اب سوشل میڈیا پلیٹ فارمز پر وائرل ہے اور لاکھوں لوگ اسے دیکھ چکے ہیں، تاہم انفلوئنسر نے اب تک اس واقعے پر کوئی بیان جاری نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news چینی انفلوئنسر سوشل میڈیا فالوورز فلٹر نقصان
ذریعہ
ذریعہ: WE News
کلیدی لفظ: چینی انفلوئنسر سوشل میڈیا فالوورز فلٹر سوشل میڈیا
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا