حج 2026ء رجسٹریشن کا آخری روز، ڈھائی لاکھ پاکستانیوں نے درخواستیں جمع کروا دیں
اشاعت کی تاریخ: 9th, July 2025 GMT
اسلام آباد ( اُردو پوائنٹ اخبارتازہ ترین۔ 09 جولائی 2025ء ) ملک میں جاری حج 2026ء کی رجسٹریشن کے آخری روز تک ڈھائی لاکھ پاکستانیوں نے درخواستیں جمع کروا دیں۔ سرکاری میڈیا کے مطابق ملک بھر سے ڈھائی لاکھ کے قریب افراد نے اگلے سال حج کے لیے درخواست دی، اس سلسلے میں رجسٹریشن کے لیے دیا گیا وقت آج بدھ کو ختم ہوجائے گا، وزارت مذہبی امور نے حج 2026ء کے لیے پچھلے مہینے رجسٹریشن شروع کی اور یہ سلسلہ 9 جولائی تک جاری رہنے کا اعلان کیا گیا تھا، رجسٹریشن کے بعد اگلے مرحلے میں درخواست گزار سرکاری یا نجی حج سکیموں میں سے کسی ایک کا انتخاب کر سکیں گے جب کہ پاکستان کو سعودی عرب کی جانب سے حج 2025ء کے لیے ایک لاکھ 79 ہزار 210 افراد کا کوٹہ دیا گیا تھا جو کہ سرکاری اور نجی حج آپریٹرز کے درمیان یکساں طور پر تقسیم ہوا تھا۔
(جاری ہے)
بتایا گیا ہے کہ حج کے خواہشمند افراد کو حکومت کی طرف سے مخصوص کیے گئے 15 بینکوں کے ذریعے رجسٹریشن کی سہولت دی گئی، ان میں سے صرف وہی لوگ حج کے اہل ہوں گے جنہوں نے تمام پراسس مکمل کیا ہوگا، رجسٹریشن کے لیے کسی قسم کی کوئی فیس مقرر نہیں کی گئی، 9 جولائی حج رجسٹریشن کے لیے آخری روز ہے اور لوگ اس مقصد کے لیے آن لائن بھی درخواست دے سکتے ہیں۔ معلوم ہوا ہے کہ حج 2026ء پر آنے والے اخراجات اور شرائط و ضوابط الگ سے حج پالیسی کے مطابق جاری کیے جائیں گے، بیرون ملک مقیم پاکستانیوں کے لیے رجسٹریشن لازمی قرار دی گئی ہے، اس کے علاوہ حج رجسٹریشن ان افراد کے لیے بھی ضروری ہے جو پچھلی بار نجی سکیم میں شامل نہیں ہو سکے تھے کیوں کہ نجی کوٹے کا بڑا حصہ کمپنیوں کی جانب سے بروقت ادائیگیاں اور رجسٹریشن نہ ہونے کے وجہ سے اس سال حج سے محروم رہ گیا۔.
ذریعہ
ذریعہ: UrduPoint
کلیدی لفظ: تلاش کیجئے رجسٹریشن کے کے لیے
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع