کراچی میں غیر قانونی تعمیرات روکنے کا مطالبہ،جماعت اسلامی وفد کی سعید غنی سے ملاقات
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی:اپوزیشن لیڈر کے ایم سی اور نائب امیر جماعت اسلامی کراچی سیف الدین ایڈوکیٹ کی قیادت میں جماعت اسلامی کے ٹاؤن چیئرمینوں کے وفد نے وزیر بلدیات سعید غنی سے سندھ سیکریٹریٹ تغلق ہاؤس میں اہم ملاقات کی، جس میں کراچی کے اہم شہری مسائل خصوصاً غیر قانونی تعمیرات، مخدوش عمارتیں، واٹر کارپوریشن اور سندھ سالڈ ویسٹ مینجمنٹ کی ناقص کارکردگی پر تفصیلی تبادلہ خیال کیا گیا۔
وفد نے کراچی میں ایس بی سی اے کی مبینہ ملی بھگت سے جاری غیر قانونی تعمیرات، لیاری میں منہدم عمارت کے سانحے، شہر میں موجود 588 مخدوش عمارتوں، اور شہری انفرا اسٹرکچر کی تباہ حالی کے تناظر میں سخت اقدامات کا مطالبہ کیا۔
وفد نے زور دیا کہ ان عمارتوں میں رہائش پذیر افراد کو کم از کم 6 ماہ کا کرایہ دیا جائے اور مالکان کو متبادل جگہ فراہم کی جائے۔
جماعت اسلامی کے وفد نے مطالبہ کیا کہ سالانہ ترقیاتی منصوبوں (ADP) میں ٹاؤن اور یوسی چیئرمینز کو شامل کیا جائے تاکہ ترقیاتی کام زمینی حقائق اور عوامی ترجیحات کے مطابق ہوں، واٹر کارپوریشن اور سالڈ ویسٹ مینجمنٹ کے معاملات میں بھی بلدیاتی نمائندوں کو فیصلہ سازی کا حصہ بنایا جائے۔
مشترکہ پریس کانفرنس میں گفتگو کرتے ہوئے سیف الدین ایڈوکیٹ نے کہا کہ ہمارا مقصد شہر کی بھلائی اور مسائل کا حل ہے۔ ہم بلڈر مافیا اور ایس بی سی اے کی ملی بھگت سے جاری غیر قانونی تعمیرات کے خلاف ہیں، مخدوش عمارتیں گرائی جا رہی ہیں لیکن نئی غیر قانونی تعمیرات بدستور جاری ہیں۔ یہ دہرا معیار قابل قبول نہیں۔
انہوں نے کہا کہ واٹر کارپوریشن شہریوں کو پانی اور نکاسی کا کوئی ریلیف نہیں دے رہا، جس کے باعث ٹاؤنز اور یوسیز کو مجبوری میں اپنے وسائل سے مسائل حل کرنے پڑ رہے ہیں۔
وزیر بلدیات سعید غنی نے ملاقات کو خوش آئند قرار دیتے ہوئے کہا کہ جماعت اسلامی کے وفد نے شہری مسائل پر جو نکات پیش کیے، وہ سیاسی نہیں بلکہ عوامی مفاد سے جڑے ہیں۔
انہوں نے مزید کہا کہ لیاری میں منہدم عمارت کے معاملے پر حکومت نے 4 رکنی تحقیقاتی کمیٹی بنائی تھی، جس نے ابتدائی رپورٹ پیش کر دی ہے۔ مخدوش عمارتوں کی نشاندہی اور انہدام کا عمل تیز کیا جائے گا۔ متاثرین کو فی الحال 3 ماہ کا کرایہ دیا جا رہا ہے۔
وزیر بلدیات نے اس موقع پر سندھ بلڈنگ کنٹرول اتھارٹی (SBCA) کے قوانین میں اصلاحات کا عندیہ دیتے ہوئے کہا کہ غیر قانونی تعمیرات کو روکنے کے لیے قانون سازی ضروری ہے، جماعت اسلامی سمیت تمام اسٹیک ہولڈرز سے ترامیم کے لیے تجاویز لی جائیں گی۔
.ذریعہ: Jasarat News
کلیدی لفظ: غیر قانونی تعمیرات جماعت اسلامی وفد نے کہا کہ
پڑھیں:
یہ کیا ڈرامہ ہے سڑکیں ٹھیک نہیں اور مہنگے ای چالان کئے جارہے ہیں:حافظ نعیم
فائل فوٹوامیر جماعت اسلامی حافظ نعیم الرحمان نے کہا ہے کہ یہ کیا ڈرامہ ہے سڑکیں ٹھیک نہیں اور مہنگے ای چالان کئے جارہے ہیں، ٹرانسپورٹ ہے نہیں اور ای چالان ہزاروں میں آرہے ہیں، لاہور میں جو چالان 200 روپے کا ہے سندھ میں 5 ہزار روپے کا ہے۔
کراچی میں ایک تقریب سے خطاب کرتے ہوئے حافظ نعیم نے کہا کہ ایک مرتبہ پھر 9 ٹاؤنز میں ترقیاتی کاموں کا سلسلہ دوبارہ شروع ہوگیا ہے، ہم اپنی بساط سے زیادہ کام کر رہے ہیں اور کرتے رہیں گے، مرتضیٰ وہاب کے کام بھی ہم کو دیکھنے پڑتے ہیں، ایس تھری منصوبہ کہاں چلا گیا ہے؟
انہوں نے کہا کہ کراچی سرکلر ریلوے نہیں بن رہا، جبکہ ریڈ لائن نے یونیورسٹی روڈ کا برا حال کردیا ہے، اورنج لائن میں بھی پورے اورنگی کو کور نہیں کیا گیا، 400 بسیں لا کر لوگوں کو بے وقوف بنایا جارہا ہے، لوٹ مار اور قبضے کے نظام سے شہر کو آزادی دلائیں گے۔
امیر جماعت اسلامی کا کہنا تھا کہ بلدیاتی انتخابات جیت کر لوگ کہتے تھے اختیارات ملیں گے نہیں تو کام کیسے کریں گے، پیپلز پارٹی کی سیٹوں میں من پسند حلقہ بندیوں کی وجہ سے اضافہ ہوا، پیپلز پارٹی نے دھاندلی کر کے اپنا میئر بنایا اور ابھی تک ٹاؤن کو اختیارات منتقل نہیں کیے۔
انہوں نے کہا کہ کچرا اٹھانے کا اختیار بھی سندھ حکومت کے پاس ہے، گھر سے جو کچرا اٹھایا جاتا ہے اس کے پیسے لوگ خود ادا کرتے ہیں، سالڈ ویسٹ منیجمنٹ کے پاس گھر سے کچرا اٹھا کر لینڈ فیلڈ سائٹ تک پہنچانے کا پورا میکنزم موجود ہے۔
ان کا کہنا تھا کہ ٹاؤن کو کام کرنے سے روکا جارہا ہے، سٹی وارڈن کو استعمال کر کے کام میں روڑے اٹکائے جارہے ہیں، جماعت اسلامی اپنے ٹاؤنز میں اختیارات سے بڑھ کر کام کر رہی ہے، سیوریج اور کچرے کا کام بھی ٹاؤن کر رہا ہے، 12 سے 15 سال سے کراچی کے بڑے منصوبے تاخیر کا شکار ہیں، جماعت اسلامی کے تحت تعمیر و ترقی کا سلسلہ شروع ہوگیا ہے۔
انہوں نے کہا کہ سیوریج کا کام کر کے سڑکیں بنانی پڑتی ہیں اور سیوریج کا نظام بھی ٹاؤن کو خود دیکھنا پڑ رہا ہے، 15 سالوں میں پیپلز پارٹی نے کراچی کے لیے کچھ نہیں کیا، صرف قبضے کی سیاست جاری ہے، گاؤں اور دیہات پر قبضے کے بعد شہروں پر قبضہ کرلیا ہے، تعلیم خیرات نہیں یہ ہمارے بچوں کا حق ہے۔
اشتہار