عمران خان کے بچوں کو سیاسی سرگرمیوں سے کوئی نہیں روکے گا، سینیٹر عرفان صدیقی
اشاعت کی تاریخ: 10th, July 2025 GMT
مسلم لیگ (ن) کے سینیئر رہنما اور سینیٹر عرفان صدیقی نے کہا ہے کہ اگر عمران خان کے بچے قانون کے دائرے میں رہتے ہوئے سیاسی سرگرمیاں کریں تو انہیں کوئی اعتراض نہیں ہوگا۔
یہ بھی پڑھیں:عمران خان کے بیٹے پاکستان آئے تو ان کا کیا انجام ہوگا؟ رانا ثنااللہ نے خبردار کردیا
نجی ٹی وی کے پروگرام میں گفتگو کرتے ہوئے عرفان صدیقی کا کہنا تھا کہ بانی تحریک انصاف عمران خان اپنے بچوں کو سیاست میں متحرک کرنا چاہتے ہیں، تو وہ ضرور پاکستان آئیں اور اگر وہ سیاسی تحریک چلانا چاہتے ہیں تو اس کی بھی اجازت ہے، بشرطیکہ وہ آئین و قانون کی حدود میں رہ کر کام کریں۔
ان کا مزید کہنا تھا کہ عمران خان کی رہائی ان کی اپنی حکمت عملی اور قانونی موقف پر منحصر ہے، کوئی بہن یا بیٹا ان کے لیے رہائی کا سبب نہیں بن سکتا۔
عرفان صدیقی نے خیبرپختونخوا حکومت کی تبدیلی کی خبروں کو مسترد کرتے ہوئے کہا کہ ایسی کوئی تبدیلی نہیں ہو رہی۔
یہ بھی پڑھیں:سیاستدانوں کے بچے اور عمران خان
انہوں نے صدرِ مملکت آصف علی زرداری کی کارکردگی کو سراہتے ہوئے کہا کہ وہ ایک زیرک اور بردبار شخصیت ہیں، جو ذمہ داری سے اپنا کردار ادا کر رہے ہیں۔
ان کا کہنا تھا کہ پیپلزپارٹی مسلم لیگ (ن) کی اتحادی جماعت ہے، اور اتحادی حکومت میں ہم کیوں چاہیں گے کہ نظام عدم استحکام کا شکار ہو؟
چینی کی قیمتوں سے متعلق سوال پر سینیٹر عرفان صدیقی نے وضاحت کی کہ مہنگائی پر قابو پانے کے لیے حکومت نے چینی درآمد کی ہے، تاکہ عوام کو زیادہ سے زیادہ ریلیف فراہم کیا جا سکے۔
انہوں نے کہا کہ موجودہ حکومت عام آدمی کو ریلیف دینے کے لیے سنجیدہ اقدامات کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی عرفان صدیقی عمران خان عمران خان کے بیٹے.ذریعہ: WE News
کلیدی لفظ: پی ٹی ا ئی عرفان صدیقی عمران خان کے بیٹے عمران خان کے کے لیے
پڑھیں:
چوہدری نثار کی واپسی زیر غور نہیں، نواز شریف کے قریبی ساتھی عرفان صدیقی کا بیان
اسلام آباد(ڈیلی پاکستان آن لائن)سینیٹ میں مسلم لیگ ( ن ) کے پارلیمانی لیڈر سینیٹر عرفان صدیقی نے واضح کیا ہے کہ صدر آصف علی زرداری کی تبدیلی سے متعلق کسی بھی سطح پر کوئی تجویز زیر غور نہیں اور وہ بطور ریاست کے آئینی سربراہ اپنا کردار بخوبی ادا کر رہے ہیں۔
اپنے حالیہ بیان میں سینیٹر عرفان صدیقی نے سابق وزیراعظم نواز شریف کی اڈیالہ جیل جا کر تحریک انصاف کے بانی سے ملاقات کی خبروں کو سراسر غلط اور بے بنیاد قرار دیا۔ن لیگی رہنما کا کہنا تھا کہ پی ٹی آئی اور اس کے بانی کی سیاست کے زوال کے بعد میڈیا موضوعات کے قحط کا شکار ہو چکا ہے جس کے باعث چسکا فروشی کی جا رہی ہے۔انہوں نے کہا کہ پیپلز پارٹی حکومت کی اتحادی ضرور ہے مگر اس کا مطلب یہ نہیں کہ وہ ہر معاملے میں مکمل اتفاق رکھتی ہو۔سینیٹر عرفان صدیقی نے یہ بھی واضح کیا کہ چوہدری نثار علی خان کی مسلم لیگ (ن) میں واپسی سے متعلق کوئی تجویز زیر غور نہیں۔ان کا مزید کہنا تھا کہ عام انتخابات اپنی آئینی مدت کی تکمیل پر ہی ہوں گے۔
مریم نواز نے جنید صفدر کی سیکیورٹی گاڑی کا چالان کرنے والی پولیس ٹیم کو شاباش دے دی
مزید :
صنعتی پالیسی کی سفارشات مکمل، وزیراعظم کے ویژن کے تحت عملدرآمد کا آغاز