یا حاجی ،یا حاجی کی صدائیں لگاتے پاکستانی حجاج کرام کی خدمت پر معمور 3 خادمین حجاج کی ٹیم
اشاعت کی تاریخ: 11th, July 2025 GMT
مدینہ منورہ!! (نمائندہ نوائے وقت) یا حاجی ،یاحاجی کی صدائیں حجاج کو مدینہ منورہ اور مکہ میں گزرے لمحات زندگی بھر یاد رہیں گئے اور یہ آوازوں سننے کے لئے اب کان ترسیں گئے ۔ مدینہ کی گلیوں سے گزرتے ہوئے یا حاجی ،یاحاجی کی صدائیں رس گھولتی ہوئی کانوں میں آتی تھی۔ حجاج کا وطن واپسی پر جاتے ہوئے تاثرات جج سیزن 2025 10 جولائی کو مکمل ہو گیا ہے۔ جس میں تمام شعبہ معاونین حجاج اور خادمین نے احسن طریقہ سے خدمات دیکر حجاج سے دعائیں بھی لیں۔ جبکہ مدینہ منورہ 03 خادمین حجاج کی ٹیم جن کے فرائض منصبی حجاج کرام کو ہوٹلوں ٹھہرانا اور کمرہ تقسیم کرنا تھا جو ایک اہم فریضہ ہوتا ہے اس ٹیم میں ابراہیم بٹ ،ارسلان اور حمزہ نے پورے حج سیزن سرکاری حج سکیم 23433 حجاج کرام منظم طریقہ سے رہائشیوں ٹھہرانے اور دیکھ بھال کا اعزاز جاتا ہے۔ ان تینوں ابراہیم بٹ ،ارسلان اور حمزہ نے نمائندہ نوائےوقت کو بتایاکہ بیک وقت 250 سے 300 حجاج کو ہوٹل میں ٹھہرانا اور ان کے مسائل بروقت حل کرنا اور انکا سامان کمرہ میں پہچانے کا کام کرنا ہماری ٹیم کے لئے اعزاز ہے۔ ہم نے 23 ہزار سے زائد حجاج کرام کی خدمت کا موقع ملا اور ان سے دعائیں لیں دین اور دنیا دونوں سے ہم مستفید ہوئے اور ہمارے لئے اعزاز ہے کہ ہم ڈائریکڑ حج مدینہ منورہ کی تعلمیات پر پورہ عمل کرتے ہوئے اللہ کے مہمان حجاج کی خدمت کی اور دعائیں لی ہیں آئندہ سالوں میں بھی اسی جذبے سے کام کریں گئے۔
.
ذریعہ
ذریعہ: Nawaiwaqt
پڑھیں:
اٹلی میں پاکستانی اور افغان تارکین وطن کو وین میں آگ لگا کر قتل کرنے کے الزام میں دو پاکستانی گرفتار
اطالوی میڈیا رپورٹس کے مطابق اٹلی میں پولیس نے دو پاکستانی شہریوں کو گرفتار کیا ہے۔ ان پر چار تارکین وطن کے قتل کا الزام ہے جن کی لاشیں ایک جلی ہوئی منی وین سے ملی ہیں۔ بتایا گیا ہے کہ ان چار میں سے ایک پاکستانی جبکہ تین کا تعلق افغانستان سے تھا۔اطلاعات کے مطابق پولیس کو جنوبی کالابریا کے زرعی علاقے میں ایک گاؤں کے نزدیک پیٹرول پمپ سے جلی ہوئی گاڑی ملی۔سی سی ٹی وی فوٹیج میں نظر آتا ہے کہ دو افراد نے باہر سے وین کے دروازے بند کیے اور اندر کوئی مائع شے ڈال کر آگ لگا دی۔رپورٹس میں کہا گیا ہے کہ حالیہ مہینوں میں اس علاقے میں پاکستانیوں کو لے جانے والی گاڑیوں اور منی وینز کو آگ لگانے کے 14 واقعات پیش آ چکے ہیں۔یہ واقعات ایسے وقت میں ہو رہے ہیں جب مقامی کھیتوں میں کام کی تقسیم اور رہائش کے حوالے سے تارکین وطن میں کشیدگی پائی جاتی ہے۔منگل کے روز مقامی وقت کے مطابق دوپہر کے تقریباً ایک بجے فائر فائٹرز کو جلتی ہوئی وین کی اطلاع ملی تھی۔آگ بجھانے کے بعد انھوں نے اندر دیکھا تو ایک خوفناک منظر تھا۔ وین میں چار جلی ہوئی لاشیں موجود تھیں۔رپورٹس کے مطابق بعد میں سی سی ٹی وی فوٹیج سے حاصل شواہد کی بنیاد پر دو مشتبہ افراد کو گرفتار کر لیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ