ورلڈبینک کے ہائر ایجوکیشن ڈویلپمنٹ پراجیکٹ نے مجموعی کارکردگی کا 96 فیصد ہدف حاصل کرلیا
اشاعت کی تاریخ: 11th, July 2025 GMT
اسلام آباد (اُردو پوائنٹ اخبارتازہ ترین - اے پی پی۔ 11 جولائی2025ء) ہائرایجوکیشن کمیشن کے تحت اعلیٰ تعلیم کے لئے جاری ورلڈبینک کے ہائر ایجوکیشن ڈویلپمنٹ پراجیکٹ (ایچ ای ڈی پی )نے غیر معمولی کامیابی حاصل کرتے ہوئے مجموعی کارکردگی کا 96 فیصد ہدف حاصل کرلیا ہے۔ ایچ ای ڈی پی کے حکام نے ’’اے پی پی‘‘ کو بتایا کہ 142گرانٹس کی تکمیل میں 20مضامین کا نصاب اپ گریڈ کیا گیا،ایک درجن سے زائد تربیتی پروگرام،59تعلیمی اداروں میں ریسرچ پروگرام،133 خواتین لیڈرز،521 انتظامی افسران اور 271 اساتذہ کی تربیت جبکہ 75یونیورسٹیوں کو فنڈز منتقل کئے گئے۔
ہائر ایجوکیشن ڈویلپمنٹ پراجیکٹ کے مختلف حصوں میں پیشرفت کے حوالے سے عملدرآمد سپورٹ مشن(آئی ایس ایم ) کا انعقا کیا گیا جس میں اس کی درجہ بندی ”درمیانی“سے بڑھا کر”تسلی بخش“ قرار دی گئی ہے۔(جاری ہے)
پراجیکٹ کے پہلے مرحلے کے تحت 142 گرانٹس جاری کی گئی جو کہ جون تک مکمل ہوچکی ہیں۔ دوسرے حصے میں، قومی نصاب نظرثانی کمیٹی (این سی آر سی ) کے تحت 20 مضامین کے نصاب کو اپ ڈیٹ کیا گیا۔
اس کے ساتھ ساتھ نیشنل اکیڈمی آف ہائرایجوکیشن (ناہی) نے فیکلٹی ٹریننگ کے تحت یو ای پی پر عملدرآمد کے لئے ملک بھر میں 12 سے زائد تربیتی پروگرام منعقد کئے۔طلباء کی سہولت اور فارغ التحصیل افراد کی ٹریکنگ کے لئے ایک تجربہ کار ادارہ کے ساتھ معاہدہ بھی کیاگیاہے۔تیسرے حصے میں ڈیجیٹل انفراسٹرکچر کی ترقی کے لئے آئی ٹی کے متعدد بڑے منصوبے شروع کئے گئے ہیں۔پاکستان ایجوکیشن ریسرچ نیٹ ورک(پی ای آر این )کے ذریعے 59 اعلیٰ تعلیمی اداروں کو مربوط کیا گیا جس کی تصدیق تھرڈ پارٹی آڈٹ نے کی ہے۔ اس حصے میں جدید آئی پی سرویلنس آلات کی خریداری کے معاہدے بھی کئے گئے۔پروگرام کے تحت اعلیٰ تعلیمی اداروں کے لئے”ٹیم اینیبلمنٹ سیشنز“ کا انعقاد کیا گیا جبکہ ”ٹرین دی ٹرینر“ پروگرام کے ذریعے تدریسی عملہ کی صلاحیتوں میں اضافہ کیا جا رہا ہے۔پراجیکٹ کے پانچویں حصے میں خواتین کی خودمختاری، یونیورسٹی انتظامیہ کی تربیت اور فیکلٹی کے لیے قومی رسائی پروگرام کے تحت مجموعی طور پر 133 خواتین لیڈرز،521 انتظامی افسران اور 271 اساتذہ کو تربیت فراہم کی گئی۔اس پروگرام کے چھٹے حصہ میں مالی خودمختاری کے فروغ کے لئے 75 یونیورسٹیوں کو فنڈز منتقل کئے گئے۔ اس دوران علامہ اقبال اوپن یونیورسٹی اور ورچوئل یونیورسٹی نے اوپن اینڈ ڈسٹنس لرننگ (او ڈی ایل) پالیسی کو اپنایاہے۔رپورٹ کے مطابق اس پراجیکٹ کی 96فیصد کامیاب تکمیل اس بات کی عکاسی کرتی ہے کہ پاکستان میں اعلیٰ تعلیمی شعبہ بہتری کی جانب تیزی سے گامزن ہے اور ملکی تعلیمی،سماجی اور معاشی ترقی میں اپنا کردار ادا کررہاہے۔\395.ذریعہ: UrduPoint
کلیدی لفظ: تلاش کیجئے پروگرام کے کیا گیا کے تحت کے لئے
پڑھیں:
ووٹرز کی مجموعی تعداد 13 کروڑ 44 لاکھ سے زائد ہو گئی
الیکشن کمیشن نے ملک میں ووٹرز کے تازہ ترین اعداد وشمار جاری کر دئیے ہیں جس کے مطابق رائے دہندگان کی مجموعی تعداد 13 کروڑ 44 لاکھ 28 ہزار 577 تک جا پہنچی ہے۔
اعدادوشمار کے مطابق ملک میں مرد ووٹرز کی تعداد سات کروڑ 21 لاکھ 24ہزار 209 جبکہ خواتین ووٹرز کی تعداد چھ کروڑ 23لاکھ 4 ہزار 368 ہے۔
اسلام آباد میں رجسٹرڈ ووٹرز کی تعداد 12 لاکھ7 ہزار 287، پنجاب میں رجسٹرڈ ووٹرز کی تعداد سات کروڑ 65 لاکھ 63 ہزار 243 جب کہ بلوچستان میں ووٹرز کی تعداد 56 لاکھ 13 ہزار 371 ہوگئی ہے۔
الیکشن کمیشن نے خیبرپختونخوا میں سینیٹ الیکشن کرانے کی تیاری مکمل کرلی
اعدادوشمار کے مطابق سندھ میں رجسٹرڈ ووٹرز کی تعداد دو کروڑ81 لاکھ 70 ہزار274 ہو گئی ہے۔
اس کے علاوہ خیبر پختونخوا میں رجسٹرڈ ووٹرز کی تعداد دو کروڑ28 لاکھ 74 ہزار 402 تک پہنچ گئی ہے۔
جب کربلا نے پکارا!