آزاد کشمیر بینک کو جدت اور دور حاضر کے تقاضوں سے ہم آہنگ بنانے کیلئے تمام وسائل بروئے کار لائے جائیں گے، انوارالحق
اشاعت کی تاریخ: 12th, July 2025 GMT
ان خیالات کا اظہار وزیراعظم آزاد کشمیر نے آزاد جموں و کشمیر بینک اور آئی کنسلٹ کنسورشیم کے مابین معاہدے پر دستخطوں کی تقریب سے بطور مہمان خصوصی خطاب کرتے ہوئے کیا۔ اسلام ٹائمز۔ آزاد جموں و کشمیر کے وزیراعظم چوہدری انوارالحق نے کہا ہے کہ آزاد جموں و کشمیر بینک کو جدت اور دور حاضر کے تقاضوں سے ہم آہنگ بنانے کیلئے تمام وسائل بروئے کار لائے جائیں گے۔انہوں نے ان خیالات کا اظہار آزاد جموں و کشمیر بینک اور آئی کنسلٹ کنسورشیم کے مابین معاہدے پر دستخطوں کی تقریب سے بطور مہمان خصوصی خطاب کرتے ہوئے کیا۔ اس موقع پر قانون ساز اسمبلی کے اسپیکر چوہدری لطیف اکبر، وزرائے حکومت سید بازل علی نقوی، عبدالماجد خان، چوہدری اظہر صادق، پیر محمد مظہر سعید شاہ، چیف سیکرٹری خوشحال خان، سابق چیف سیکرٹری عثمان چاچڑ، سابق چیف سیکرٹری داؤد محمد بڑیچ، سیکرٹری مالیات اسلام زیب، سیکرٹریز حکومت اور بینک کے اعلیٰ عہدیدار موجود تھے۔ اے جے کے بینک کے صدر، سی ای او شاہد شہزاد میر اور آئی کنسلٹ کنسورشیم سے ڈیوڈ لیمب، یوری لادیک، شاہد احمد خان اور سید عاصم بخاری نے مفاہمت کی یادداشت پر دستخط کئے۔
وزیراعظم آزاد کشمیر نے کہا کہ آج کی تقریب میں شرکت میرے لئے اعزاز کی بات ہے جس کے ذریعے آزادجموں و کشمیر بینک ماڈرن ٹیکنالوجی سے ہم کنار ہوا ہے، یہ ترقی ایک طویل سفر ہے جس کے بعد بینک اس مقام پر پہنچا ہے۔ انہوں نے کہا کہ بینک کی جدیدیت مالیاتی شعبے میں ایک سنگ میل کی حیثیت رکھتی ہے۔ انہوں نے کہا کہ حکومت بنک کی ترقی کیلیے تمام تر وسائل مہیا کرے گی، آزاد کشمیر کے عوام بینک کی ترقی دیکھنا چاہتے ہیں تاکہ وہ اس میں اپنا سرمایہ رکھ سکیں اور ان کا سرمایہ محفوظ رہے۔ انہوں نے کہا کہ اے جے کے بینک کا دائرہ کار پورے آزاد کشمیر اور پاکستان تک پھیلایا جائے گا اور اس کو شیڈول بینک بنانے کیلیے حکومت تمام تر اقدامات کرے گی۔
آزاد جموں و کشمیر قانون ساز اسمبلی کے اسپیکر چوہدری لطیف اکبر نے کہا کہ آج کی اس تقریب میں شرکت میرے لئے اعزاز کی بات ہے، آزاد جموں و کشمیر بینک کی ترقی دیکھ کر دلی خوشی ہوئی ہے اس ایگریمنٹ میں جس نے بھی کردار ادا کیا سب کو مبارکباد دیتا ہوں۔ انہوں نے کہا کہ میں بھی آزاد جموں و کشمیر بینک کا چییرمین رہا ہوں، مجھے اس کا اچھی طرح ادراک ہے، ہم نے صفر سے شروع کیا اور آج اللہ پاک کے فضل سے ترقی کی منازل طے کر رہے ہیں، اس وقت آزاد کشمیر میں تین میڈیکل کالج ہیں، پانچ یونیورسٹیاں ہیں، صحت کے مراکز ہیں، سکول و کالجز ہیں یہ سب ترقی کی علامت ہیں۔ انہوں نے کہا کہ ترقی کی جانب سفر کرتا اے جے کے بینک آزاد کشمیر کے عوام کیلئے آسانیاں پیدا کرے اور لوگوں کو زیادہ سے زیادہ سہولتیں دے اور اپنی جانب راغب کرے، اے جے کے بینک کو شیڈول بینک بنانے کیلیے بھی بھرپور کوششیں کی جائیں گی۔
وزیر حکومت عبدالماجد خان نے کہا کہ آج کی یہ تقریب اے جے کے بینک کو ترقی کی نئی منازل سے ہم کنار کرے گی، وزیراعظم چوہدری انوارالحق کی ویژنری لیڈر شپ میں بینک کو جدید سہولتوں سے آراستہ کیا جائے گا۔ انہوں نے کہا کہ کور بینکنگ اسوقت بینکنگ میں ریڑھ کی ہڈی کی حیثیت رکھتی ہے، اس سے عوام کو آسان بینکنگ سہولت میسر آئے گی اور دور دراز کے علاقوں میں بسنے والوں کو سہولت ملے گی۔ انہوں نے اس پیشرفت میں کردار ادا کرنے والے تمام افراد کا شکریہ ادا کیا اور کہا کہ یہ ٹیم مینجمنٹ کا نتیجہ ہے۔ انہوں نے اس عزم کا اعادہ کیا کہ اے جے کے بینک کو جدید سہولتوں سے آراستہ کیا جائے گا۔ بینک کے صدر شاہد شہزاد میر نے بینک کی جدیدیت اور معاہدے کے اغراض و مقاصد پر روشنی ڈالی۔ انھوں نے وزیراعظم کو ویژنری لیڈر قرار دیا اور کہا کہ ان کی قیادت میں اے جے کے بینک ترقی کی نئی منازل طے کرے گا۔
ذریعہ
ذریعہ: Islam Times
کلیدی لفظ: انہوں نے کہا کہ اے جے کے بینک بینک کی ترقی کی بینک کو
پڑھیں:
تیسرے آپریشن کے بعد آنیوالی خواتین کا مانع حمل آپریشن کر دینا چاہیے، وزیر صحت سندھ
فیملی پلاننگ سمٹ سے خطان کرتے ہوئے ڈاکٹر عذرا فضل پیچوہو نے کہا کہ سی سیکشن کی وجہ سے سندھ میں شرحِ اموات بڑھ رہی ہے، ہم اس پر کام کر رہے ہیں اور بہت جلد اس کے نتائج نظر آئیں گے۔ اسلام ٹائمز۔ وزیر صحت سندھ ڈاکٹر عذرا فضل پیچوہو کا کہنا ہے کہ تیسرے آپریشن کے بعد آنے والی خواتین کا مانع حمل آپریشن کردینا چاہیے۔ کراچی میں جناح پوسٹ گریجویٹ میڈیکل سینٹر میں جاری چوتھی انٹرنیشنل فیملی پلاننگ سمٹ سے خطاب کرتے ہوئے وزیرِ صحت سندھ ڈاکٹر عذرا فضل پیچوہو نے کہا کہ پاکستان میں ہر 45 منٹ بعد ایک خاتون حمل سے متعلق پیچیدگیوں کے باعث جان سے محروم ہو جاتی ہے، ماں کی زندگی بچانے کیلئے خاندانی منصوبہ بندی اور صحت کی سہولیات تک رسائی ضروری ہے۔ انہوں نے کہا کہ پیچیدہ اور ہنگامی زچگی کے کیسز کو بروقت اسپتال منتقل کرنے کیلئے ایمبولینس سسٹم کو مزید مؤثر بنایا جا رہا ہے، جبکہ صحت کے مراکز پر ادویات اور ضروری طبی سامان کی بلاتعطل فراہمی یقینی بنانے کیلئے سپلائی چین کے نظام میں بھی بہتری لائی جا رہی ہے، تاکہ بنیادی سطح پر کام کرنے والے طبی عملے کو مریضوں کی جان بچانے کیلئے تمام ضروری سہولیات دستیاب ہوں۔
عذرا فضل پیچوہو نے کہا کہ آج میں آپ کو بتانا چاہتی ہوں کہ سندھ کیا کر رہا ہے، سندھ حکومت کیا کر رہی ہے، اور سندھ اس حوالے سے ملک میں سب سے آگے ہے۔ انہوں نے کہا کہ ہم نے بہت سے ایسے قوانین بنائے ہیں جو کہیں اور موجود نہیں ہیں۔ انہوں نے کہا کہ سی سیکشن کی وجہ سے سندھ میں شرحِ اموات بڑھ رہی ہے، ہم اس پر کام کر رہے ہیں اور بہت جلد اس کے نتائج نظر آئیں گے۔ ان کا کہنا تھا کہ جو خاتون تیسرے سی سیکشن کے بعد آئے، اس کی ٹی ایل کر دینی چاہیے۔ انہوں نے مزید کہا کہ خواتین کیلئے ٹرانسپورٹ کی سہولت موجود نہیں، اس لیے اس میں بہتری کیلئے پیدائشی اسٹیشن سینٹرز بنائے جا رہے ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم