مخصوص نشست وزیراعظم شہباز شریف نے آفر کی، ثمر بلور
اشاعت کی تاریخ: 12th, July 2025 GMT
عوامی نیشنل پارٹی کی سابق رہنما اور حال ہی میں پاکستان مسلم لیگ ن میں شمولیت اختیار کرنے والی ثمر ہارون بلور کا کہنا ہے کہ مخصوص نشست کی پیشکش انہیں وزیراعظم میاں محمد شہباز شریف نے کی۔
وی نیوز سے گفتگو کرتے ہوئے ثمر بلور نے کہا کہ میں نے مخصوص نشست کی ڈیمانڈ نہیں کی تھی، امیر مقام سوا سال سے مجھ سے رابطے میں تھے۔
انہوں نے عوامی نیشنل پارٹی میں بہترین وقت گزرا اور وہ اس کے رہنماؤں کو قدر کی نگاہ سے دیکھتی ہیں۔
سیاسی پارٹی تبدیل کرنے کی وجوہات پر تبصرہ کرتے ہوئے انہوں نے کہا کہ مجھے لگا کہ میرا نظریہ اب عوامی نیشنل پارٹی سے نہیں ملتا اور ن لیگ میں میری سوچ کی بہتر عکاسی ہوگی۔ انہوں نے مزید کہا کہ جمہوریت میں سب کو حق حاصل ہے کہ جس پارٹی میں جانا چاہے جاسکتا ہے۔
انہوں نے واضح کیا کہ انہوں نے ذاتی وجوہات یا کسی اسکینڈل کی وجہ سے عوامی نیشنل پارٹی نہیں چھوڑی۔ انہوں نے کہا کہ میں اے این پی کے رہنماؤں کو ہمیشہ عزت کی نگاہ سے دیکھوں گی۔ انہوں نے مزید کہا کہ خاندان کے تمام افراد کو اعتماد میں لے کر فیصلہ کیا۔
ثمر بلور نے کہا کہ میرے فیصلے میں میرے سارے بڑے شامل تھے۔ انہوں نے مزید کہا کہ غلام احمد بلور اب عملی سیاست میں نہیں ہیں اس لیے انہوں نے سیاست میں قدم رکھا۔
ان کا کہنا تھا کہ پی ٹی آئی 12 سال سے خیبرپختونخوا پر قابض ہے۔ ان کا مزید کہنا تھا کہ پی ٹی آئی ان کے لیے موزوں نہیں ہے۔
انہوں نے کہا کہ میری اور پی ٹی آئی کی سوچ میں بڑا فرق ہے۔ ان کے مطابق خیبرپختونخوا کے لیے مسلم لیگ مثبت سوچ رکھتی ہے۔
ثمر بلور نے کہا کہ وہ ایمل ولی خان کے بیانات پر کوئی جواب نہیں دینا چاہتیں۔ انہوں نے تسلیم کیا کہ انہوں نے ایمل ولی خان کے ساتھ اچھا وقت گزارا اور وہ اس وقت کی قدر کرتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ثمر بلور اور مخصوص نشست ثمر ہارون بلور عوامی نیشنل پارٹی ن لیگ وزیراعظم شہباز شریف.
ذریعہ
ذریعہ: WE News
کلیدی لفظ: ثمر بلور اور مخصوص نشست ثمر ہارون بلور عوامی نیشنل پارٹی ن لیگ وزیراعظم شہباز شریف عوامی نیشنل پارٹی نے کہا کہ ثمر بلور انہوں نے
پڑھیں:
نیشنل اسپیشل گیمز: کراچی میں فٹبال ٹورنامنٹ کے بعد اختتامی تقریب کا انعقاد
اسپیشل اولمپکس پاکستان کے تحت نیشنل اسپیشل گیمز 2026کے دوسرے اور آخری مرحلہ میں کراچی میں فٹبال ٹورنامنٹ کے بعد میڈلز تقسیم اور اختتامی تقریب کاانعقاد ہوا۔
اسپیشل اولمپکس پاکستان کی روح رواں رونق لاکھانی نے استقبالی کلمات ادا کیے، ان کا کہنا تھاکہ گیمز میں ملک بھر سے ایک پلیٹ فارم پر جمع ہونے والے خصوصی کھلاڑیوں نے شاندار کارکردگی کا مظاہرہ کر کے ثابت کیا کہ وہ کسی سے کم نہیں۔
رونق لاکھانی نے گیمز کو کامیاب بنانے میں اسپانسرز اور ڈونرز بشمول میکڈونلڈ، پاکستان او ایم آئی اور فیصل بینک کا خصوصی شکریہ ادا کیا،انہوں نے کہا کہ خصوصی افراد کی سرپرستی کرتے ہوئے ان کو بھرپور اعتماد دینا چاہیے تاکہ وہ معاشرے کا مضبوط انگ بن سکیں۔
مہمان خصوصی راحل اعجاز کا کہنا تھا کہ سماجی ذمہ داری کے تحت ہم مثبت سرگرمیوں کو فروغ دے رہے ہیں، اسپیشل اولمپکس پاکستان کی خصوصی کھلاڑیوں کے لیے کاوشیں قابل قدر ہیں۔
فٹبال ٹورنامنٹ کے لیے خصوصی طور پر کینیڈا سے آنے والی فیفا فٹبال کوچ کرن غوری نے کہا کہ ایونٹ میں شریک بوائز اور گرلز کھلاڑیوں نے شاندار کارکردگی کا مظاہرہ کرتے ہوئے دل جیت لیے اور ثابت کیا کہ ان کی صلاحیتیں کسی سے ہرگز کم نہیں، جیسمین نے خصوصی کھلاڑیوں کی نمائندگی کرتے ہوئے بہترین سہولیات کی فراہمی پر اسپیشل اولمپکس پاکستان کا شکریہ ادا کیا۔
فٹبال چیمپئن شپ کے بوائز ایونٹ کی ایک کیٹگری میں فیڈرل ایریاز نے پہلی خیبر پختونخواہ نے دوسری اور سندھ نے تیسری پوزیشن حاصل کی،بی کیٹگری میں گلگت بلتستان فاتح رہا اور گولڈ میڈل اپنے نام کیا جبکہ بلوچستان نے دوسری پوزیشن کے ساتھ سلور اور سندھ نے سوئم رہ کر برانز میڈل حاصل کیا۔
قبل ازیں گیمز میں شریک ٹیموں نے مارچ پاسٹ کیا اور سلامی دی،آخر میں کامیاب ٹیموں اور ان کے کھلاڑیوں میں میڈلز تقسیم کیے گئے،اگلے گیمز پنجاب میں ہوں گے، گیمز کا مقصد ذہنی معذوری والے کھلاڑیوں کو صلاحیتوں اور کھیل میں مہارت کا مظاہرہ کرنے کے لیے ایک بہترین پلیٹ فارم فراہم کرنا تھا، گیمز کے ذریعہ چلی کے شہر چسینٹیاگو میں ہونے والے ورلڈ سمر اسپیشل گیمز تیاریوں کا اہم حصہ ہے۔
نیشنل گیمز کے بعد کھلاڑی سلیکشن کیمپوں میں شرکت کریں گے، جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔، خیبر پختونخوا اور گلگت بلتستان سے تعلق رکھنے ذہنی معذوری کا شکار 82 کھلاڑیوں نے شرکت کی۔
نیشنل گیمز کے بعد کھلاڑی سلیکشن کیمپوں میں شرکت کریں گے جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار