پنجاب اسمبلی نااہلی ریفرنس: حکومت و اپوزیشن نے مذاکراتی کمیٹیاں قائم کر دیں
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پنجاب اسمبلی میں معطل اپوزیشن ارکان کے خلاف ریفرنس کے معاملے پر حکومت اور اپوزیشن کے درمیان برف پگھلنے لگی، دونوں جانب سے مذاکراتی کمیٹیاں تشکیل دے دی گئیں جو معاملے کے حل کے لیے مذاکرات کریں گی۔
ذرائع کے مطابق حکومت کی مذاکراتی کمیٹی میں صوبائی وزیر خزانہ مجتبیٰ شجاع الرحمٰن، صوبائی وزیر صحت خواجہ سلمان رفیق، رانا ارشد، سمیع اللہ اور احمد اقبال شریک ہوں گے جب کہ علی حیدر گیلانی، شافع حسین اور شعیب صدیقی بھی حکومتی ٹیم کا حصہ ہیں۔
دوسری جانب اپوزیشن لیڈر احمد بھچر اپوزیشن کی مذاکراتی ٹیم کی قیادت کریں گے۔ ذرائع کا کہنا ہے کہ اپوزیشن کی جانب سے علی امتیاز، شیخ امتیاز اور اعجاز شفیع کے نام آج اسپیکر پنجاب اسمبلی کو ارسال کیے جائیں گے۔
ذرائع نے بتایا کہ فریقین کے درمیان مذاکرات کا دوسرا دور کل (اتوار) کو ہوگا اور اگر مذاکرات کامیاب رہے تو اسپیکر پنجاب اسمبلی اپوزیشن ارکان کے خلاف الیکشن کمیشن کو بھیجے گئے ریفرنس واپس لے سکتے ہیں۔
واضح رہے کہ 27 جون کو اسمبلی اجلاس کے دوران اپوزیشن ارکان نے شدید احتجاج کرتے ہوئے ایوان میں ہنگامہ آرائی اور توڑ پھوڑ کی تھی، جس پر اسپیکر نے کارروائی کرتے ہوئے 26 اپوزیشن ارکان کی رکنیت معطل کرتے ہوئے ان کے خلاف نااہلی کا ریفرنس الیکشن کمیشن کو ارسال کرنے کا اعلان کیا تھا۔
.ذریعہ: Jasarat News
کلیدی لفظ: اپوزیشن ارکان پنجاب اسمبلی
پڑھیں:
کمیٹیاں بلدیاتی اداروں پر عوام کا دباؤ بڑھائیں گی‘ وجیہہ حسن
data-id="863a0a8" data-element_type="widget" data-widget_type="theme-post-content.default">
کراچی (پ ر) جماعت اسلامی ضلع وسطی کے امیر سید وجیہہ حسن نے کہا ہے کہ جماعت اسلامی کی عوامی کمیٹیاں بلدیاتی مسائل کے حل کے لیے متعلقہ اداروں پر عوام کے دباؤ کو بڑھائیں گی۔ جماعت اسلامی کی مرکزی قیادت کی ہدایت پر ہر یوسی میں عوامی کمیٹیوں کے قیام کی سرگرمیاں جاری ہیں۔ وہ الفلاح پارک بلاک ایچ میں یوسی 7 حیدری اور یو سی 1 پاپوش نگر میں عوامی کنونشن سے بطور مہمانِ خصوصی خطاب کر رہے تھے جن میں جماعت اسلامی کے ممبرز کے علاوہ عوام کی بھی بڑی تعداد نے شرکت کی۔ حیدری کے کنونشن میں ناظم علاقہ ضیاء الدین جامعی، مشیر الاسلام، یو سی چیرمین عاطف بقائی، اور کونسلرز زید قریشی، آمین خان نے بھی شرکت کی۔ علاوہ ازیں یو سی 6 خاموش کالونی، گلبہار میں بھی الگ عوامی کنونشن ہوا جس سے سیکرٹری ضلع وسطی سہیل زیدی نے خطاب کیا جبکہ مولانا ساجد انور نے درس قرآن دیا۔ امیر ضلع وسطی سید وجیہہ حسن نے اپنے خطاب میں عوامی کمیٹیوں کی اہمیت اور غرض و غایت بیان کی اور جماعت اسلامی کے علاقائی نظم اور بلدیاتی ٹیم کی کوششوں کو سراہا اور اپنے بھرپور تعاون کا یقین دلایا۔ اس موقع پر یوسی چیئرمین عاطف بقائی نے کارکردگی پیش کی۔ ممبرز نے سیوریج، پانی، اسٹریٹ لائٹ، صفائی ستھرائی کی عوامی کمیٹیوں کے لیے اپنے نام پیش کیے۔ کنونشن کے آخر میں فلسطین، غزہ اور صمود فلوٹیلا کے لیے خصوصی دعا کرائی گئی۔
کرینہ کپور کے دلچسپ جواب پر مداحوں میں چہ میگوئیاں